رواية عشقي انا الفصول من الواحد وعشرون للخامس وعشرون

_ ربنا يستر
حمحم بحرج وهو يقول 
_ أنا عايز أتكلم معاكي بحاجة برة الشغل
عقدت حاجبيها وهي تقول 
_ أتفضل يا فندم
بلع لعابه بتوتر بالغ حاول تجميع الكلمات لكنها هربت منه قال بسرعة 
_ أنا عايز أتجوزك
_________
جلس آدم أمامهم وهو يقول 
_ أحنا موافجين موافجة مبدائية بس طبعا أنا ليا شروط
أبتسم أيمن بخجل وهو يقول 
_ شروطك أنا موافج عليها من غير ما أعرفها
_ لا معلش تعرفها برضو عشان نبجى على نور أختي تكمل علامها وتدخل الجامعة وده شرط أساسي مفيهوش فصال
قال والد أيمن بدهشة 
_ هي هتكمل علامها مش كفاية ثانوية عليها برضو دي بنت والعلام مش هيفيدها

قال آدم بإصرار 
_ مين جال أجده أنا أختي هتتعلم يعني هتتعلم ولو مش هتجدرو تصرفو على علامها يبجى تستنوا لما تخلص بعدين أتجدمو لها
أبتسم أيمن بحرج وهو يقول 
_ لالا والدي ميجصدش حاجة هو يجصد أنه كان فاكر أنها هتوجف علام لحد الثانوية حبت تدخل جامعة ده شرف لينا هو أنا هزعل لما مراتي تتنور وتتعلم أكتر يا آدم
قال محمد 
_ والدهب أحنا عايزي......
قاطعه أنور وهو يقول 
_ لااا الدهب يجيبو إلى يجيبوه وأحنا هنكفي بتنا دهب بمعرفتنا
قال آدم 
_ أهم حاجة عندي أنك تصونها وتاخد بالك منيها لو في يوم أشتكت وجالت أيمن ضړبني أنا مش هيكفيني عمرك كله
قال والد أيمن 
_ عيب عليك يا ولدي يعني كمان مراته وميضربهاش د.....
هدر پعنف 
_ إلى يمد يده على حرمة ميبجاش راجل يا عمي ربنا جال أن الضړب ده أخر حاجة يلجأ ليها الراجل مع حرمة بيته وأيمن مش هيعمل جده وجت ما تضايق أو تزعلك جولي وأنا أجف لها أنما تمد يدك عليها مش هرحمك وأنا بجولك جدام أبوك عشان لو جتني شكوة من خيتي أنا مش هيكفيني أدخلك السچن فيها
قال أيمن بهدوء 
_ طب ليه الټهديد ده أنا جى وشاري أختك بالحلال وأنا متعلم وأعرف ربنا كويس وعارف أن الرسول وصانا عليهم وقال رفقا بالقوارير أنا هعصي كلام ربنا ورسوله
قال آدم بحبور 
_ ولله أنا عارفك زين أنا بس بأكد عليك أنا برضو هديك خيتي ودي بنتي الصغيرة مش خيتي بس وعمري ما هرضي لها الأذية
_ وأنا موافج على كل شروطك
__________
اتسعت حدقتا مي پصدمة وهي تقول 
_ وبعدين آدم عمل إيه 
أبتسمت حور وهي تتذكر ما حدث 
_ شالها وډخلها جوه بعيد عن الحريقة قعد جمبها طول الليل ومرضيش يسبها خالص
قالت مي ببهجة 
_ الله راجل أصيل أنا أول مرة أشوف راجل أصيل
وكزتها حور بهزار وهي تقول 
_ بس يا بت وبعدين بدأ يتقرب منها وهي كانت بتبقي مبسوطة
_ ومراته الأولى
قالت حور بدهشة 
_ كانت بتعمل خناقات تافهه المهم أن آدم كان دايما بيتقرب من البطلة وعلى فكرة آدم كمان نكدي وبيحب يعمل خناقات
قالت مي بعيون متسعة 
_ كان بيعمل إيه 
_ هقولك
__________
جلس أمام ورد وهو يقول بضحك 
_ أزيك يا عروسة
ضړبته ورد في كتفة وهي تقول بخجل 
_ بس يا آدم
أعاد ما قالته بتريقة 
_ بس يا آدم
حمحم وهو يقول بجدية 
_ بصي يا ست البنات عايز أتكلم معاكي أحنا الأسبوع الجاي هنجيب الشبكة أختاري حاجة قليلة وأي حاجة تعجبك عند الراجل قوليلي وأنا وأنتي نروح تاني يوم نجبهالك ماشي يا ست البنات
قالت ورد بدهشة 
_ هو مش الدهب على العريس 
أجابها بأبتسامة 
_ أيوة على العريس بس أنا مش عايزك تطلبي كتير قودامه ليكون مزنوق ولا حاجة مندراش بظروفه عشان كدة أطلبي حاجة قليلة وأنا تاني يوم هاخدك ونشتري إلى أنتي عايزاه ماشي
هزت رأسها بإيجاب ليكمل 
_ وكمان قولتلو أنك هتكملي تعليمك
سألته بترقب 
_ ووافق 
أجابها 
_ هو أبوه عصلج معايا شوية بس وافق

_ يخليك ليا يا أخوي
___________
جلس أمام زينات و رحمة وهم يقيمونه حمحم بحرج وهو يقول 
_ اممم رحمة قالت لحضرتك أنى.....
قاطعته زينات قائلة 
_ أيوة أيوة قالتلي أنك مديرها في الشغل وعايز تتقدم لها أنا عن نفسي ميفرقش معايا مركزك خالص وسلطتك كمان ملهاش لازمة أنا إلى يفرق معايا أخلاقك وبس بنتي مش هتعاشر مركزك