روايه رائعه جدا الفصول من الاول الي الخامس بقلم الكاتبة الجليله

لحد ما وصلو
و ادي يا ستي وصلتك لحد تحت البيت .. اي أوامر تانيه 
ميرسي جدا يا بحر .. تعبتك معايا تاني .. و كمان ميرسي علي الوقت الي قضيتو معاك النهارده امبسطت جدا لدرجه اني محسيتش بالوقت 
علي ايه مشتكرنيش انا الي كنت مبسوط جدا بوجودك معايا النهارده 
يلا عن اذنك هطلع 
تمام اتفضلي و اتمني اشوفك تاني قريب 
بأذن الله بااي 
بااي
طلعت موج و هي مبسوطه جدا .. دخلت من الباب لاقيت مامتها قاعده بتتفرج علي التلفزيون .. باستها في راسها 
ست الكل يا ست الكل .. ايه الاخبار عملتي ايه من غيري
كنتي فين كل ده يا بنتي قلقتيتي عليكي و كلمتك كتير مرديتيش 
اسفه يا ماما مخدتش بالي من التليفون 
طب كنتي فين 
هقوم اغير طيب و ارجع احكيلك كل حاجه 
قامت موج تغير هدومها و ترجع تحكي ل مامتها كل حاجه
اما بحر بقاا فا اطمن انها طلعت و اتحرك راح الجاليري بتاعو .. اول ما وصل و دخل لاقى أدم مستني جوا 
ايه يا بني فينك سألت عليك الشباب هنا قالولي خرج و شويه و هيجي قولت استناك بس بقالي كتير مستنيك .. كنت فين كل ده 
أدم باشا واحشني والله 
أدم باشا !! و واحشني كمان !! لا ده انت شكلك مبسوط علي الاخر .. احكيلي كنت فين و حصل ايه 
شوفتها 
شوفت مين !! 
موج 
موج مين !!
لا أدم قوم روح انت هتعكنن عليا 
يا عم والله ما فاكر انك حكتلي عن واحده اسمها موج .. مين موج دي كمان ! 
موج يا بني الي ساعدتها و كلمتك جيت تكشف علي مامتها مش فاكرها 
ااااااه موج .. ايوه ايوه افتكرتها .. و دي شوفتها فين ولا ازاي دي 
تعالي نقعد و احكيلك بروقان 
اشطاا 
اشطاا !! انت متأكد يا بني انك دكتور 
والله بيقولو بس انا مش متأكد من الحوار ده بصراحه 
قعدو يضحكو و راحو قعدو في مكتب بحر الي في الجاليري .. و حكي بحر ل أدم كل حاجه من لما شافها لحد ما روحها .. و كان باين انو مبسوط جدا و هو بيحكي لحد ما خلص 
بس كده هو ده الي حصل 
ايه حكايه البنت دي بقاا و الصدف الي بتجمعك بيها علي طول 
مش عارف والله .. و ميهمنيش اني اعرف .. كفايه اني مبسوط بالصدفه الي جمعتني بيها 
شكلك وقعت يا بحر و محدش سمى عليك 
وقعت ايه يا عم لا مش لدرجه دي .. انا بس حسيت اني مبسوط ان شوفتها تاني مش اكتر 
طب خدت رقمها او اتفقت تشوفها تاني او