روايه رائعه جدا الفصول من السادس ل العاشر بقلم الكاتبة الجليله

البارت السادس 
تمام عن اذنك بقاا عشان انا مش فاضيه زي ما انت شايف 
موج انا بحبك
اتجمدت موج مكانها .. للحظه حست انها بتحلم و ان بحر قال ليها حاجه تانيه غير انو بيحبها .. او انو مش قدامها اصلا و هي بدأت تتخيلو من كتر ما هو واحشها .. بس لا عيونو الي هي باصه فيها حقيقه مستحيل تكون خيال .. مستحيل تكون سمعتو غلط لانها شافت الكلمه في عينيه قبل ما تسمعها 

ايه .. انت قولت ايه !! 
ابتسم بحر 
قولت اني بحبك يا موج .. بحبك من اول مره شوفتك فيها .. بحب عينيكي الي مفيش زيها .. بحب ضحكتك .. بحب غيرتك الي كانت بتبان حتي و انا بهزر مع داليدا .. بحب جنانك و عصبيتك و حنيتك و زعلك و فرحتك و خنقتك و روقانك .. بحبك ب كل حاجه فيكي يا موج 
دمعت موج من الفرح و ضحكت .. مكنتش مصدقه الي بتسمعو من بحر .. كانت دايما فاكره ان حبها لي هو شعور من ناحيتها هي بس .. لكن بعد ما سمعت كلامو كان هاين عليها تتنطط من الفرحه زي العيال الصغيره 
و انا كمان يا بحر .. و انا كمان بحبك اوي 
قرب منها بحر و حضنها .. مسكت فيه موج و كأنها و اخيرا لاقيت مكانها الحقيقي في العالم .. همس في ودنها 
اول مره شوفتك فيها لما قولتلي اسمك .. قولتيلي اسمي موج .. ابقاا جزء من البحر ساعتها من غير ما احس قولتلك انتي فعلا جزء منو .. مكنتش عارف ساعتها انا قولت كده ليه .. مكنتش اعرف انك هتبقي روحي مش بس جزء مني .. مكنتش اعرف انك هتبقي موجي 
ضحكت موج و فرحت من كلامو .. خرجت من حضنو بصتلو و هي مبتسمه .. بعدت عنو و راحت قعدت علي السرير .. قعد بحر جمبها .. حطت راسها علي كتفو و اخدت نفس و اتنهدت 
مالك يا حبيبتي بتفكري في ايه 
لما اختفيت بعد اخر مره كنا مع بعض فيها خۏفت .. حسيت اني خسرتك و انك خلاص مش هترجع تاني .. قعدت اعيط كتير اوي .. عيطت و کرهت الماضي و الحقيقه الي مكنش ليا ذنب فيهم و الي كانو السبب انك تختفي كده .. انا مليش ذنب يا بحر .. اتولدت لاقيت نفسي بنت لاب مش موجود و ام مفيش في ايديها حيله .. زعلت علي ان الحياه بتعاقبني علي حاجه انا مغلطتش فيها .. و اكتر حاجه زعلتني انها بتعاقبني بيك انت 
شششش متقوليش كده تاني .. انا اسف سامحيني اني كنت السبب الي خلاكي تقولي و تفكري في كل ده .. بس صدقيني بعدي عنك مكنش بسبب الموضوع ده .. انا عمري ما احاسبك علي حاجه زي دي انتي ملكيش ذنب فيها .. انا بس كنت محتاج وقت اعرف احدد شعوري من ناحيتك .. لاني كنت متلخبط الفتره الي فاتت دي كلها و لو كنت فضلت متلخبط كنتي هتضيعي من ايدي .. فا كان لازم اقعد لوحدي عشان افهم نفسي و اعرف احدد انا عايز ايه .. و مبسوط بالنتيجه الي وصلتلها .. النتيجه الي عرفتني اني مقدرش استغنى عنك .. النتيجه الي عرفتني ان بحر مينفعش يعيش من غير موج 
مسكت موج في دراعو 
اوعدني يا بحر انك متبعدش عني ابدا .. اوعدني انك مش هتسبني مهما حصل 
مقدرش يا موج اسيبك .. بحري يفضى و يبقاا من غير حياه .. اوعدك ان مهما حصل عمري ما هبعد عنك ولا اسيبك ابدا 
ابتسمت موج و كانت مبسوطه جدا بوجود بحر جمبها و معاها كده .. في الوقت ده سمعو جرس الباب بيرن .. رفعت راسها موج من علي كتف بحر
ده اكيد بابا 
بصلها بحر 
موج انتي متأكده انك عايزه تروحي معاه .. لو مش عايزه و رايحه ڠصب عنك قوليلي و انا لو كان مين مش هسمحلو انو ياخدك 
متخافش يا بحر انا رايحه ب مزاجي ..