روايه رائعه جدا الفصول من السادس ل العاشر بقلم الكاتبة الجليله

سهير مامت اخواتك و هتبقاا مامتك انتي كمان من النهارده 
سهير انا مش مامتها ولا عمري هبقاا مامتها
موج كانت لسه هتقرب تسلم عليها اول ما سمعت كده اتجمدت مكانها و بصت لباباها بحزن 
خالد ايه يا سهير الي بتقولي ده 
سهير انا معنديش غير تلات ولاد و اذا كنت قبلت ب وجودها هنا فا ده عشان هي اختهم منك انت اكتر من كده متطلوبوش مني 
و بصت ليها بقرف و مشيت .. كانت لسه موج واقفه مكانها و حست بحزن كبير جواها من كلام سهير .. بصت لباباها و ڠصب عنها دموعها نزلت 
موج حضرتك قولتلي ان كلهم قابلين وجودي و مبسوطين بيه انا لو كنت اعرف ان في حد مش قابل وجودي انا مكنتش جيت من الاول
قرب سليم من وراها و طبطب عليها 
سليم متقوليش كده يا موج احنا هنا كلنا قابلينك و بنحبك من قبل ما نشوفك حتي .. هي ماما بس عشان الموضوع جديد عليها .. و صدقيني هي كده معانا كلنا شويه وقت و هتتعودي عليها 
ابتسمت موج و هزت رأسها و فضلت السكوت 
حازم ينفع كده عيطتولي توأمي كده .. وسع يا عم كده 
و زق سليم و جيه وقف جمبها و مسك ايديها 
حازم بقولك ايه فكك من العيله النكد دي و ركزي معايا انا هشهيصك 
احمد اشهيصك !! بقاا ابن خالد المنياوي بيقول اشهيصك !! شوف يا بابا تربيتك لابنك شوف 
سليم ما هو من صحابو و الناس الي بيخرج معاهم ليل و نهار 
حازم ااااه انتو هتتفقو عليا بقاا ولا ايه .. يا بابا الحقني من عيالك 
خالد مقدرش الحقك يا حبيبي والله انت عارف اخواتك لما يتفقو محدش بيقف قصادهم 
موج لا انا هقف قصادهم .. ملكش دعوه بيه ياض انت و هو حازم يقول و يعمل الي هو عايزو 
سليم يااض !! طب احمد و اصغر منك قوليلو ياض عادي .. لكن انا اكبر منك احترميني شويه 
احمد ايوه يا عم حازم بقاا معاك حد يدافع عنك عقبالنا بقاا 
كلهم ضحكو .. و خالد كان مبسوط جدا انو عيالو بيحبو بعض كده و شايفهم قصادو قريبين من بعض و بيهزرو و يضحكو كده 
خالد يلا يا ولاد كل واحد يروح يشوف وراه ايه .. و انتي يا موج يا حبيبتي اطلعي ارتاحي و شوفي اوضتك و لو حاجه مش عجباكي بلغينا و هنغيرهالك علي طول 
كلهم في صوت واحد حاضر 
كل واحد راح يعمل الي وراه و موج طلعت الاوضه .. دخلت شافتها عجبتها و حبيتها جدا و كأنها هي الي مختراها .. فتحت شنطها و بدأت ترص حاجتها .. اما باباها فا طلع اوضتو لاقى سهير قاعده هناك 
ممكن افهم ايه الي عملتي تحت قدام بنتي ده
بنتي بنتي بنتي اييه يا خالد في ايه ارحمني من ساعه ما البت دي ظهرت في حياتك و انا مش عاجباك في اي حاجه ولا الي بعملو عاجبك
عشان عمرك ما كنتي صح يا سهير .. يا شيخه حرام عليكي البنت مامتها توفت مبقالهاش كتير قولت اجيبها اعوضها في وسطنا .. تقومي تمسعيها الكلام الي قولتي ده
والله هو ده الي عندي بقاا اذا كان عاجب .. تحمد ربنا اصلا اني وافقت انك تجيبها تعيش وسط ولادي و انا معرفش انت جايبهالي من انهي شارع ولا امها كانت ايه و مربياها علي ايه .... 
سهييير .. احترمي نفسك و ألزمي حدودك و انتي بتتكلمي عن بنتي و امها .. و البيت ده بيتي انا احدد مين يقعد و مين يمشي .. و لما تتكلمي مع بنتي اتكلمي بأسلوب كويس عشان صدقيني هتندمي اوي لو حسيت بس ان بنتي مضايقه بسببك 
و سابها و خرج من الاوضه .. قعدت سهير تنفخ و مټعصبه جدا ان خالد اتكلم معاها بالطريقه دي
ماشي يا خالد انا هوريك يانا يا بنتك الجربوعه دي
عدا اليوم بسرعه عليهم كلهم .. موج كلمت بحر في التليفون و حكتلو كل الي حصل معاها .. كالعاده كان دايما بحر واقف في ضهرها و بيشجعها في كل حاجه و انها دايما تتقدم خطوه لقدام