روايه رائعه جدا الفصول من السادس ل العاشر بقلم الكاتبة الجليله

.. كانت قاعده علي المرجيحه في بلكونه اوضتها سمعت الباب بيخبط 
ادخل 
لاقيت سليم دخل و قفل الباب وراه و دخل لحد البلكونه وقف جمب مرجيحتها 
ست البنات عامله ايه و بتعمل ايه 
ابدا رتبت حاجتي و خلصت قولت اقعد في الهدوء ده شويه 
منزلتيش تحت ليه طيب
اتوترت موج 
اااا عادي يعني انتو اصلا مكنتوش موجودين 
مرضيتيش تنزلي عشان متشوفيش ماما و تسمعي كلام يجرحك تاني صح 
نزلت موج راسها لتحت .. قعد سليم علي ركبتو و حط ايدو علي ايديها 
بصي يا موج .. مش هقولك ان ماما كويسه و صح و كده .. بس يا موج حطي نفسك مكانها .. في يوم و ليله قالولها ان جوزك كان بيحب واحده تانيه غيرك .. و ان كمان عندو بنت .. و غير كل ده فجأه تلاقي جوزها بيقولها انا هجيب بنتي تعيش معايا .. و تاني يوم دخل عليها في ايدو بنتو .. حقها تزعل و طبيعي يكون ده رد فعلها .. مش بدافع عنها والله .. انا بس مش عايزك تزعلي كده .. انا عارفه انك اتظلمتي و تعبتي في حياتك كتير بسبب الموضوع ده .. و انا و بابا و حازم و احمد هنحاول نعوضك علي قد ما نقدر صدقيني .. بس حاولي متزعليش مهما حصل من ماما .. و حقك عليا انا علي الي حصل الصبح 
انا مش زعلانه و مقداره الي هي فيه والله .. انا بس اضايقت وقتها و دلوقتي خلاص بقيت احسن و عادي 
تمام يا حبيبتي .. قوليلي عاجبتك الاوضه حاولنا نخليها بناتي علي قد ما نقدر انتي عارفه احنا هنا كلنا شباب مبنفهمش في ذوق البنات اوي
لا دي حلوه اوي و حبيتها جدا والله 
في اللحظه دي سمعو الباب بيخبط 
ادخل 
لاقوو احمد داخل عليهم 
_ ايه ده انت بتعمل ايه هنا 
مفيش كنت بطمن علي موج .. انت الي بتعمل ايه هنا 
_ كنت جاي انادي علي موج حطو العشا تحت عشان تنزل تاكل معانا
يعني انا اخوك بقالي 21 سنه مفيش مره خبطت علي بابي عشان تقولي انزل اتعشى معانا و موج من اول يوم جاي تخبط علي بابها
_ ما في فروق انت سليم و هي موج و اعتقد ده كفايه 
ضحكت موج 
طب خلاص خلاص بطلو خناق انا جعانه و عايزه اكل يلا ننزل 
نزلو موج و سليم و احمد لاقوو خالد و سهير و حازم قاعدين علي السفره 
سليم مساء الخير 
خالد اهلا يا ولاد اقعدو عشان تاكلو يلا 
حازم ايه ده انتو نازلين مع توأمي ليه عايز منها ايه يا واد انت و هو 
احمد بنحاول ننول حاجه من الرضا احنا كمان 
حازم شايف يا بابا عيالك عايزين يبوظو علاقتي بأختي و بصينلنا فيها 
خالد اختكم كلكم و كلكم واحد عندها بطلو خناق بقاا خلونا نعرف ناكل 
ضحكو كلهم و قعدو ياكلو بين الكلام و الهزار و الحكاوي 
فات شهرين من لما موج جات تعيش مع باباها و اخواتها .. يوم عن يوم كانت موج بتحبهم اكتر .. و كانو هما بيحبوها اكتر .. لكن علاقتها ب مرات باباها سهير علي حالها عشان كده كانت دايما موج بتتجنبها عشان متسمعش كلام ېجرحها .. لكن مش دايما كل حاجه بتمشي حلو .. لان اهم شخص في حياه موج اختفى .. بحر بقالو شهر موج متعرفش عنو اي حاجه زي ما حصل قبل كده .. لكن المره دي من غير سابق انذار لانو اختفى فجأه من غير ما يقول حاجه .. حاولت موج توصلو بكل الطرق و لكن فشلت .. فا قررت تسيبو علي راحتو و هو اكيد هيرجع زي ما رجع قبل كده .. و كانت دايما بتشغل نفسها ب حياتها الجديده عشان متتعبش بسبب غياب بحر 
كانت قاعده موج في الجنيه علي المرجيحه و سرحانه في ذكرياتها مع بحر فجأه لاقيت المرجيحه بتتحرك لان حد زقها صړخت و بصت وراها 
خضتني يا حازم حرام عليك 
لف و قعد جمبها 
كنتي سرحانه في ايه اوي كده لدرجه انك محسيتيش بيا خالص غير لما