روايه فوق الخيال من التاسع الخامس عشر

الكلام ...بس مع العلاج ممكن يرجع زي الأول بس مش أوي و كمان العلاج هيحتاج سنين ..
بعدما سمعت الكلام نظرت بحزن لعمر من ورا زجاج الغرفة اللي كان نايم فيها ...
قررت إني اتكلم معاه ...عمر كان قاعد علي كرسي متحرك .. مكنش فيه حاجة بتتحرك في جسمه غير عنيه ...
سحبت كرسي و قعدت جنبه ...و اتكلمت معاه بكل صدق و حب ...
أنا انا اسفة يا عمر عاللي عملته فيك ...بس صدقني اللي عملته ده مكنش اڼتقام لنفسي و لا لابويا ...ده لأختي ...علشان هي بريئة و معملتش ليك اي حاجة وحشة ...ان كان علي انها اخدتك مني ..فدا مش ذنبها هي ...لان انت اللي قربتها منك و علقتها بيك و جوازك منها كان باختيارك انت. ..أقصد تخطيطك انت ....عموما انا عملت فيك كدا علشان عاوزة أعيش معاك بجد ..و مكنتش هقدر أعيش معاك و أنا شيفاك قاټل اختي و أبويا ...كان لازم اخد حقي منك علشان نتعادل و نبدأ بداية جديدة .. و علشان كل ما افتكر اللي انت عملته فيا افتكر اللي عملته فيك ..وانت كمان.. و يمكن نبطل نفتكر احنا الاتنين...
عمر نظر ليا نظرة ڠضب ..و انا بكل الحب كملت بص يا عمر ...الدكاترة قالولي ان حالتك محتاجة علاج و علاج كتير و هيطول ...و انا أوعدك اني عمري ما هسيبك ابدا ...هفضل معاك لغاية اما تتعالج و ترجع زي الأول ...
و من وقتها قررت اني أعيش مع عمر كممرضة و مساعدة و كل حاجة في حياته ....كنت بخدمه ليل و نهار ...كل حاجة في حياته كنت بعملهاله ...أدق تفاصيل حياته كان معتمد عليا فيها ... عنيه كانت دائما بترفض مساعدتي ...بس هو مسلوب الإرادة مكنش يقدر يعترض .. كنا بنعمل يوميا جلسات علاج طبيعي و كنت بعمله تمرينات خاصة في البيت ...بعت العقد و صرفت عليه المليون دولار ..كل فلوسه زي ماهي .. بس شريكه في الشركة اللي هو أبوه بالتبني ساعدنا كتير لأني مكنتش اعرف اتصرف في فلوس عمر و لا كنت عاوزة اصلا .. بعد سنة علاج ابتدا يحرك رأسه ..و زي ما يكون دي فرصته انه يرفض حجات كتير كنت بعملهاله ...فضل فترة يرفض كل شئ حتي علاجه ... فكرت اغير نظام حياتنا و احسسه انه زوج و اني زوجته ..عملتله حفلة صغيرة انا وهو و بس ...و لبست فستان شيك و لبسته هو كمان بدلة شيك ...كان موافق على الفكرة ...بس فجأة لما فكرت أقرب منه أكتر و أضحك معاه علشان أشوف ضحكته اللي بقالها سنة مشفتهاش ...اعترض ..و حزن أكتر علي نفسه و حس اد ايه انه عاجز ..حتي عن انه ېلمس زوجته اللي بيحبها پجنون ...
من وقتها قررت ان اول حفلة ليا انا وعمر هتبقي يوم ما يقف تاني علي رجليه ...
فات تلات سنين و عمر ابتدا يمشي خطوات بطيئة بعكاز. .. و ايديه بدأت تتحرك بس بترتعش ...و الكلام بقي مفيش ...أنا عارفة أنه يقدر ينطق حروف بسيطة ...بس كبرياؤه يمنعه انه يظهر بالشكل ده ...بالنسبالي انا كنت هفرح أوي ..بس هو كان حزين دايما ..و الوضع ده مش بيرضيه مهما اتحسن. .
في يوم فكرت اخده و نروح نقعد علي البحر ...ركبنا العربية و اول ما وصلنا نزلت و جريت عليه عشان اسنده بس هو رفض و نزل لوحده بصعوبة ...مسكت ايده و مشيت جمبه و انا واثفة انه قوي و هيقدر يمشي ...وصلنا لاستراحة علي البحر و قعدنا. ...فضل يبص حواليه شوية و انا قاعدة جمبه و ماسكة في دراعه. ...فجأة لقيته بيشاور بايده و بيقول بح ...بحر ...
بصيتله و انا فرحانة أوي و عنيا دمعت من الفرحة ...
و قلتله أيوة يا حبيبي ..بحر ..
حطيت إيديا الاتنين علي وشه و بصيت لعنيه اللي كانت بتلمع من الدموع ...و هو قرب وشه من وذي و حط جبهته علي جبهتي و قال بح. .بحبك ..
و دي كانت اول و اغلي كلمات سمعتها منه في حياتنا الجديدة ...
و بعد خمس سنين
علاج رجع عمر لطبيعته بنسبة 90 .... و بعدها ربنا رزقنا بمولود سميناه عمر ...و مبقاش في حياتنا اي ذكريات غير عمر ...اول ضحكة ليه و اول كل حاجة في حياته ...بقي هو كل حياتنا و ذكرياتنا و ربيناه علي حبنا لبعض ...و دي النهاية السعيدة اللي بجد..