روايه حلوه اوي الفصول من الاول للخامس
..
يلا ..
قالتها زينة لملك وهي تشير الى غرفة القياس لتسألها ملك بغباء
يلا ايه ..!
ردت رزان بنفاذ صبر
يلا قيسيه ..
بس انا مش هلبس ده .. ده مفتوح اوي ..
قالتها ملك بسرعة فردت زينة
يا بنتي عادي .. كلنا هنلبس كده .. متبقيش قفل ..
تطلعت ملك اليهما بتردد فلاحظت الاصرار واضح على وجهيهما فأخذت الفستان وارتدته ليظهر رائعا على جسدها النحيل ..
هايل .. بجد هايل ..
بينما قالت رزان
احنا كمان هنختار فساتين لينا ونروح بعدها الكوافير ..
أومأت ملك رأسها بضيق فإنتقت كلا من زينة ورزان فستانين رائعين ثم اتجهن الثلاث فتيات الى الكوافير ..
قالت زينة لصاحبة الكوافير
بصي يا زيزي .. احنه لسه عندنا وقت طويل قبل الحفلة .. عاوزة مرات اخويا تطلع تجنن .. اعمليلها كل حاجة .. متسيبيش حاجة ناقصة .. حتى لو رفضت ملكيش دعوة بيها .. اعتبريها هوا .. نفذي كلامي وبس ..
يلا يا ملوكة .. روحي مع زيزي عشان تجهزك ..
نظرت زيزي الى ملك
اديني كام ساعة وهخليها شبه الممثلات ..
قالت زينة بثقة
انت هتقوليلي .. منا عارفيكي ..
سحبت زيزي ملك الخائڤة من يديها وأخذتها الى الطابق العلوي بينما قالت رزان
قالت زينة بثقة
يا بنتي دي زيزي .. دي تعمل من القرد نعامة ..
ضحكت رزان وقالت
ياربي عالتشبية ..
قالت زينة بجدية
انا مش قصدي ملك .. اساسا ملك مش وحشة .. دي جميلة وملامحها ناعمة ..
قالت رزان
طب واحنا هنعمل ايه ..!
سألتها زينة بضيق
انتي لسه مصرة تحضري الحفلة ..!
اكيد ...
قالت زينة بهدوء
بس جاسر هيدايق عشان انتي لسه صغيرة ..
قالت رزان بسخرية
جاسر مش هيبقى معانا اصلا .. جاسر هيركز مع عروسته ..
ثم اكملت بحماس
يلا بقى
احنه كمان نجهز للحفلة ..
.......................................................................
مساءا ..
كان كلا من الفتيات يجلسن في السيارة بينما السائق يتجه بهن الى الحفلة ..
شعرت زينة بتوترها فقالت محاولة تهدئتها
يا بنتي اهدي شوية .. دي كلها كام ساعة ونرجع ..
ردت ملك بصوت باكي
انا خاېفة .. انا مش بحب الحفلات دي ..
ليه ..! دي مسلية ..!
قالتها رزان بتشجيع لتهتف ملك بجدية
انا كده .. متعودتش اروح حفلات ..
سألتها زينة بتعجب
اروح فين يعني ..! انا معظم وقتي يا فالجامعة يا فالبيت .. انما الحفلات والتجمعات دي انا بكرهها .. ريم هي اللي بتحبها وبتروحلها دائما ..
صمتت ملك حينما اوقف السائق السيارة امام القاعة لتهبط رزان من السيارة وتجذب ملك بالقوة من يدها وتخرجها من السيارة فتتبعهما زينة ..
يلا يا ملك ..
قالتها زينة بحماس لتبتلع ملك ريقها وهي تنظر الى شكلها وملابسها پذعر حقيقي قبل ان تضطر للسير معهما الى داخل الحفل ..
اما داخل الحفل فكان جاسر يقف بجانب كمال ابن عمه ويتحدثان مع مجموعة من رجال الاعمال حينما لمح كمال زينة ورزان يتقدمان بثقة الى الداخل وخلفيهما ملك ..
همس كمال لجاسر الواقف بجانبه
جاسر بص وراك ..
رمقه جاسر بنظرات متعجبة دون ان يلتفت وقال
فيه ايه يا كمال ..! مالك ..!
رد كمال بسرعة
بص يابني وانبهر زيي ..
الټفت جاسر الى الخلف لتجحظ عيناه مما يراه .. لم يصدق ما رأته عيناه .. هل هذه ملك زوجته ..! وما هذا الذي ترتديه ..!
نهار ابوكي اسود ..
قالها جاسر بصوت مسموع ليتطلع كمال اليه بدهشة بينما وجد سيلين تقترب منه وتهتف بسخرية
اوه مش مصدقة .. يا ترى كم عملية تجميل عملت عشان تبقى كده ..
رماها جاسر بنظرات جعلتها تبتلع ريقها بتوجس وتخرس نهائيا بينما سار هو بخطوات سريعة نحو زوجته المحاطة بأختيه ..
وقف امامهن وانظاره تتجه نحو ملك التي تطالع المكان حولها بتوتر فقال ببرود
واخيرا شرفتوا ..
ردت رزان
كنا بنجهز يا ابيه ..
بينما اكملت زينة وهي تنظر الى ملك التي نظرت الى جاسر اخيرا
بس ايه رأيك يا ابيه ..! اللوك الجديد هايل مش كده ..!
سألهما جاسر بتوعد خفي
انتوا اللي عملتوا كل ده صح ..!
أومأت الاختان رأسيهما بفخر شديد ليبتسم جاسر بتصنع وهو يقول پغضب مكتوم
لا حقيقي برافو .. انتوا تستاهلوا هدية على عملتكم دي ..
سألته رزان بلهفة
بجد يا ابيه ...! هدية ايه بقى ها ..!
رد جاسر وعينيه لا تنزل من على ملك
متستعجليش على رزقك يا روزي ..
ثم مسك ملك المرتجفة من يدها وسحبها ورائه غير العافية بتعثرها بكعب حذائها عدة مرات ..
اوقفها امام احدى الطاولات المعزولة ووقف بجانبها وهو يزفر انفاسه بضيق ..
يشعر بنفسه يكاد يشتعل من شدة الغيظ ..
كيف لها أن ترتدي شيء كهذا !
تأملها مليا منبهرا للحظات بجمالها الناعم البريء قبل ان يتذكر أن هذا الجمال ظاهر للجميع فيزداد غضبه اضعافا .. إنها المرة الاولى التي يشعر بها
