روايه في منتهى الحلاوه الفصول من الثامن للرابع عشر و الاخير

الفصل الثامن 
فرحت حياه كثيرا كانت تظن أنها تحلم ظلت تنظر إليه بحب وعتاب لما فعله معها ولكنها تذكرت رنا فقالت ورنا
آدم انا سيبتها خلاص مبقاش فى حاجه هتمنعنى ياحياه عمرى ماتخيلت انى هحب كده بس من اول ماقربت منك وانا بحس حاجات جميله ومبسوط بيها مكنتش متخيل انى هحس الحاجات دي انا مقدرش اوعدك انى هخليكي اسعد واحده فى الدنيا بس اللى هقدر اوعدك بيه انى عمرى ماهزعلك ولا هبعد عنك موافقه تتجوزينى

حياه بفرحه وخجل أيضا اكيد موافقه
آدم يدها وضمھا وبارك لهما الجميع
قالت والدته الف مبروك ياحبيبي مبروك ياحياه 
قبل آدم يدها وقال الله يبارك فيكي ياست الكل 
حضنه مراد وقال اول مره اباركلك من قلبي يا آدم خلي بالك من حياه 
عاليا الف مبروك انا فرحانه اوي هاا الفرح امتى
آدم زي ماحياه تقول
خجلت حياه وقالت فرح ايه انا لسه بستوعب اللي حصل اصلا
فابتسم آدم وقال تعالى ياحياه
أحمد طيب وانا مليش نفس ابارك ولا ايه
فضحك الجميع عليه فاقترب من حياه وقال مبروك ياحياه انا مش مصدق ان آدم يحب كده ويقول الكلام ده 
آدم حياه طلعت منى حاجات مكنتش متخيل انها موجوده
اخذ آدم حياه لمكتبه وقال ممكن افهم القلق والتوتر ده سببه ايه
حياه انت سيبت رنا ازاى
أخبرها آدم مافعلته معها وأنه وجدها فرصه لينفصل عنها
ادمعت عيونها وقالت انا مش عارفه هى پتكرهني ليه
آدم ششش خلينا في اللى احنا فيه دلوقتي لازم نعلن جوازنا ياحياه والكل يعرف
حياه بتوتر ممكن طيب لما اخلص امتحانات واتخرج
آدم مفيش مشكله بس نعلن خطوبتنا على الأقل
حياه مش دلوقتى برده الكل عارف انك خاطب رنا يعرفه الأول انك سيبتها ونبقى نعلن ايه رايك
آدم بضيق حياه انا مش فارق معايا حاجه صدقيني غير وجودك جمبى
حياه وانا جمبك ومعاك  
كانت رنا غاضبه بشده لانفصال آدم عنها لا تصدق ان حياه انتصرت عليها
يسرا انا مش فاهمه فيه ايه بلاش تعملي كده معايا انا لاني عارفه انك مش بتحبيه ووافقتي عليه بس عشان بباكى كان هيخسر شغله وأدم ساعده
رنا انا تيجي واحده فلاحه تاخد آدم مني انا هندمهم وهحرق قلبه عليها عشان يبقى يفضلها عليا
يسرا رنا أهدى اللي حصل حصل خلاص سيبيهم وعيشى حياتك انتى كمان في كتير يتمنه رضاكي
رنا مش قبل ما احړق قلبه عليها
بغرفه عاليا ومراد كانو يشاهدون التلفاز فقال مراد كان نفسي تشوفي شكل رنا لما آدم واجهها وسابها
عاليا متخيله شكلها اصلا الحمد لله انه خلص منها
مراد خلاص بقى كفايه كلام عنها خلينا هنا شويه وحشتينى 
عاليا بخجل وانت كمان 
مراد  اعمل ايه فيكي لسه لحد دلوقتي بتتكسفي مني ياعاليا
لتصمت عاليا ويقترب منها مراد و 
ظلت حياه طوال الليل تفكر بما حدث معها هل بالفعل ستتزوج آدم أمام الجميع احست أن الحياه بدأت تضحك لها سمعت صوت رساله تعالى البلكونه
فرحت حياه كثيرا وارتدت حجابها وخرجت البلكونه فوجدت آدم بانتظارها
آدم وحشتيني
حياه بخجل وانت كمان وحشتني
اقترب آدم منها وامسك يدها طيب ينفع انا وانتي في بيت واحد وكل واحد فى اوضه طيب
حياه انت عارف ماما لسه متوفيه قريب وحاجات كتير فمعلش لازم نصبر
آدم مامتك لو عايشه كانت هتفرح بجد ياحياه
حياه طيب الكل يعرف انك سيبت رنا ونعلن خطوبتنا والله
لاحظت حياه ضيق آدم فقالت استحملنى يا آدم معلش
آدم بقله حيله حاضر ياحياه المهم انا هشتري منك نصيبك فى ورثك وهكتبلك بيه أسهم معانا فى الشركه
حياه بس انا مش عايزه اي حاجه يا آدم انا وانت واحد
آدم بابتسامه عارف ياحبيبتي بس ده حقك ومش هقبل اي اعتراض
حياه طيب وعمى هتعمل معاه ايه
آدم ولا اي حاجه هعرفه أن الورث بقى من نصيبي وهطلب منه يايشتريه يا اشتري انا نصيبه متشغليش بالك انتي المهم عامله ايه في الجامعة
حياه الحمد لله اتعودت عليها خلاص وخلاص هانت كلها كام شهر واتخرج
آدم تتخرجي وتبقى ملكي
حياه بخجل بلاش تكسفني بالله عليك
ابتسم وقال طيب يلا عندنا شغل كتير بكره ادخلي نامي بقى
حياه تصبح على خير
آدم وانتي من اهلي
ابتسمت حياه لكلامه الذي مس قلبها وعادت لغرفتها
كانت رنا مازالت غاضبه وتريد الاڼتقام منهم فاتصلت بخالد لتقابله 
خالد مش بتفتكريني غير عشان مصلحتك 
رنا مصلحتنا واحده متضحكش على