روايه حور الفصول من الاول الي الثامن بقلم الكاتبة الجليله
انت في الصفحة 1 من 11 صفحات
عمر يا بسنت بلاش شغل العيال ده .. اطلعى من الاوضه
بسنت مش هطلع يا عمر .. وهتنام النهارده فى الاوضه التانيه
عمر انتى بتعملى كدا ليه يا بسنت .. احنا مش اتجوزنا وخلصنا
بسنت عايزه اعرف انت اتجوزت كارلا ليه يا عمر .. ومتقوليش علشان تاخد الچنسية وتعيش فى امريكا الكلام ده ميدخلش عقلى
بسنت انا عايزه الحقيقه يا عمر .. كارلا كدبت لما قالت كدا وانت كمان كدبت .. انا عايزه اعرف الحقيقه يا عمر
عمر براحتك يا بسنت .. انا داخل انام
بسنت قعدت على السرير و كل فكره بتخطر فى بالها بتحاول تطردها ...
عمر دخل الاوضه وهو متعصب .. فرحه اتقلب نكد بسبب بسنت هى كانت مقتنعه .. بس ايه السبب اللى يخليها متقتنعش .. .. كل الافكار ديه خلت عقله يتعب ونام ...
فضلت تبص حواليها زى الحراميه بالظبط وهى خارجه .. قعدت تراقب اوضة عمر واتاكدت انه نام .. اتسحبت بهدوء ودخلت حطت البيجامه وخرجت نامت ..
معتز بضحك هو انا اختى صعبة كدا
ملك اقولك على سر
معتز ايه .. انتى اللى قتلتى موفاسا
ملك انت جبت الظرف ده منين ياض .. ما تهدا على نفسك شويه
معتزياض .. واهدا .. هو انا جوزك ولا كسبانى فى كيس شيبسى
ملكهقولك على سر بجد
معتز هدوءك مش مطمنى .. قولى
معتز يا شيخه
ملك اه والله
معتز نامى يا ملك .. نامى يا حبيبتى .. على اساس انى مش عارف .. تصرفاتكم ڤضحاكم
ملك احلف كدا
معتز بجديه هو انا كنت هوافق ان اختى تتجوز واحد متجوز ومخلف بنت الا و واثق انه بيحبها وهى بتحبه
معتز اشيل منه ..نامى يا ملك .. انا حاسس ان ابنى هيطلع سواق توكتوك
ملك قول ان شاء الله
معتز نامى
ملك طب انا نفسي فى سجق
معتز اتنفض من مكانه وقام بسرعه وهو بيبصلها وقال نفسك فى ايه ياختى .. انتى خلصتى على البوفيه . اخدتى التورته بتاعت العريس والعروسه واكلتيها قدامى زى المفاجيع واتحيلت عليكى فى حته ومرضتيش
معتز بتاعتك ايه ياما .. انتى واخدها بالقوه
ملك العروسه صاحبتى والعريس اخويا .. اش اخششك انت
معتز معدتك فيها لصباع سجق حتى
ملك بصراحه لا .. بس البيبى عايز سجق يا معتز
معتز انتى عارفه الساعه كام
ملك ديه لسه الساعه ٢ يا معتز ..
معتز يعنى مش الوقت اتاخر ومش هينفع انزل دلوقتى
ملك ببراءة تؤتؤ الوقت بدرى و ممكن تنزل تجيب سجق وشيبسى كمان
معتز مش هنزل .. اخر مره صحتينى الساعه ٣ الفجر وخلتينى انزل علشان رنجه وفى الاخر قعدتى تقولى مش طايقه ريحتها .. ورمتيها فى الزباله .. ورجعتى عليا
ملك بأرف كتك الارف يا شيخ .. الملافظ السعد
معتز نامى يا ملك .. انتى اللى مؤرفه
ملك يرضيك الواد يتطلعله سجقاية فى رقبته .. ده انت اب عاق يا اخى
التليفون رن
معتز مين اللى بيتصل فى الوقت ده .. هقوم اشوف مين
ملك اتفضل يا اخويا ..
معتز رد على التليفون ...
معتزالو
_ ازاى حضرتك يا استاذ معتز انا جاركم عصام فى الشقه اللى تحتكم
معتز باستغراب ..ايوا يا استاذ عصام فيه حاجه
عصام بانفعال انا بقول تروح تجيب للمدام السجق اللى هى عيزاه ومفيش داعى للخناق ده كله .. المدام بتنيم فى الواد من الساعه ١٠ وصحى وصحانا على خناقة السجق .. وعادى حضرتك ديه حامل .. انا مراتى كلنت بتتخيل دراعى صباع كفته .. فاسمع الكلام لتاكلك
معتز وهو كاتم الضحكه حاضر يا استاذ عصام .. اسفين لازعاجك ..
وقفل الخط
ودخل الاوضه ولبس الجاكت
ملك رايح فين يا معتز
معتز هجيب السجق لتاكلينى .. .. انا مش ضمنك
ملك متنساش الشيبسي والبيبسي معاك يا عمرررى
نزل معتز وقعد ساعه تحت بيدور على الاكل اللى هى طلباه واخيرا لقاه وطلع
فتح الباب واټصدم لما شاف ملك نايمه ..
بص للحاجه اللى فى ايده وبعدين بص لملك و باس رأسها وغطاها .. وحط الحاجه فى المطبخ ونام ..
عمر صحى على اذان الفجر .. لبس ونزل صلى
بسنت صحيت وفضلت مستنية عمر لما ينزل .. وخرجت اتوضت ودخلت الاوضه وقفلت عليها
طلع عمر وخبط على باب اوضه بسنت
بسنت نعم
عمر افتحى يا بسنت
بسنت تؤتؤ .. مش فاتحه يا عمر
عمر وافقتى تتجوزينى ليه يا بسنت
بسنت علشان بح.. قصدى علشان اعرف الحقيقه ..
عمر بضحك يعنى مش علشان بتحبيني من ٢ جامعه ..
بسنت تؤتؤ علشان اعرف الحقيقه
عمر يعنى ملك كدابة يا بسنت
بسنت ملك مين
عمر بعتيها فى ثانيه كدا
بسنت فتحت الباب ووقفت قدامه وقالت اختك ديه اذاعة القاهره التانيه .. وقفلت الباب بسرعه
عمر بضحك طب ادينى فرصه اشوفك طيب
بسنت يالهوى .. يالهوى
عمر يالهوى ايه انا جوزك ياما ... طب متتكسفيش كدا .. وادخلى نامى
بسنت سمعت الكلام ده ودفنت نفسها تحت البطانية
عمر يعنى ملك مش كذابة
عمر صحى على صوت الباب وهو بيخبط .. راح بسرعه وخبط على بسنت .. وبعد معاناه صحيت
عمر اټصدم لما شافها فاتحه الباب وعينها مقفوله وبتتاوب وهى بتقول مين بيخبط
عمر حتى وانتى صاحية قمر .. روحى اغسلى وشك علشان تفوقى..
بسنت فاقت على كلامه وبصتله پصدمة وهوب .. قفلت الباب فى وشه
عمر هو انا امى تعبت فيا ٩ شهور حمل و٢٥ سنه ربايه علشان يتقفل الباب فى وشي منك انتى وملك .. بسنت ضحكت وهى بتقوله روح افتح الباب يا اهبل
عمر پصدمه اهبل .. ماشي يا بسنت
راح فتح الباب واستقبل معتز وملك ومامته ومامت بسنت
معتز انت اكلت البت ياض .. فين بسنت
عمر انت كمان.. اكل مين ياعم ديه تاكل بلد لوحدها
معتز بص لملك وملك بصت للفراغ وكأنها مش واكله البوفيه امبارح
عمر طمنينى على صحتك يا ملك
ملك الحمد لله .. فين بسنت
بسنت خرجت وهى لابسه فستان نبيتى ومسيبة شعرها .. عمر وقف وبصلها پصدمه .. وهى وقفت جمبه وخبطته فى دراعه وقعدت
بسنت جيت اهو يا ست لوكه .. عامله ايه ..
ملك الحمد لله
بسنت اومال فين بسنت ....
ملك نامت متاخر بليل .. فسبتها نايمه والداده تخلى بالها منها
بسنت طب ابقى ابعتيها تعيش معانا
ملك ضحكت وقالت حاضر .. يومين وابعتها
معتز نستأذن احنا .. عارف لو زعلتها يا عمر هعمل ايه
عمرما انت مزعل اختى وانا ساكت ..
ملكايوا مجبليش سجق امبارح
معتز قرب على ملك وهمسلها وقال تحبى اقولهم البوفيه امبارح خلص ازاى
ملك نستاذن احنا يا عمر .. سلام يا بسنت
بعد ما مشيوا بسنت جريت على الاوضه
عمر جرى وراها بس ملاحقهاش
عمر انتى خلاص هتاخدى الاوضه ملجأ ليكى
بسنت اه .. لحد ما تقولى اتجوزت كارلا ليه يا عمر
عمر اتعصب وقال مش هقول يا بسنت .. وخليكى جوا
