رواية ميرا الفصول من حداشر لثلاثة عشر

حاجة بس البنت المسكينة دي من ساعتها مظهرتش واكيد علشان عارفة ان سيرتها بقت على كل لسان
زاغت نظراتها تجاهد بقايا ضميرها وتساءلت مستغربة بنبرة مهزوزة بعض الشيء 
ليه متعاطفة معاها مش يمكن زي ما بيقولوا عليها
نفت نغم برأسها وقالت بفطنة وصلاح نية 
معتقدش وحتى لو ربنا يهديها بس عارفة رغم أنها من الشلة اياها إلا أن احساسي بيقولي أن جواها كويس ومحتاجة بس حد ياخد بأيدها وبعدين ربنا ما بيفوتش و كل اللي بيتكلموا عنها ممكن يبقوا مكانها في يوم من الأيام
كانت مع كل كلمة تطعن بها دون قصد حتى أنها أيقظت بحديثها ضميرها الكامن بعيد يتوارى خلف تمردها وعنجهيتها مما جعلها تشعر بالحنق من ذاتها فماذا لو كانت هي بموضعها طال تفكيرها في حديث صديقتها التي تجهل تماما أنها هي الرأس المدبر لكل ما يقال

ولا تعلم حينها لم شعرت بالخزي من ذاتها فحقا لا تعلم لم كل شيء حولها يتكاتف كي يزعزع قناعتها
غيرت نغم سير الحديث وهي تناولها دفتر من حوزتها 
سيبك بقى من الكلام ده خلينا في المهم انا نقلتلك كل المحاضرات اللي فاتتك هنا ولو مش فاهمة حاجة ابقي كلميني اشرحها لك
حاولت نادين قدر المستطاع الثبات والتخلي عن تلك الحالة الغريبة التي تتملك منها وقالت بود و ببسمة صادقة 
هو أنت علطول جدعة كده...
أبتسمت نغم وأجابتها بمحبة خالصة لها 
احنا مش اصحاب يا نادين احنا اخوات ولازم نخاف على مصلحة بعض
اومات نادين بامتنان وقبل أن تتفوه بأي شيء آخر كانت منه تجلس على طاولتهم قائلة بعتاب 
اهلا يا بنتي فينك مختفية ليه ده الشلة هتتجنن من غيرك
كادت نادين تجيبها لولآ نغم سبقتها بهجوم 
ويتجننوا ليه إن شاء الله من غيرها
اجابتها منه بنبرة مستخفة 
براحة عليا يا شيخة نغم أنا مش قدك
تأففت نغم وصاحت بها 
اتكلمي كويس ولازم تعرفي أن نادين مش شبهكم انتوا شلة منفلتة والجامعة كلها ملهاش غير سيرتكم
تدخلت نادين كي تلاحق الموقف 
نغم اهدي ومتكبريش الموضوع مش مستاهل
زفرت نغم بغيظ من ردها فكم أرادت أن تؤيدها ولكنها كعادتها أثبت لها انها لن تتخلى عن تسليط الأضواء الخادعة عليها لتنهض وتجيبها وهي تلملم كتبها 
هو فعلا مش مستاهل انا ماشية قبل ما تفقعي مرارتي اكتر من كده... سلام
حاولت نادين منعها ولكن نغم لم تستمع لها مما جعل نادين تستاء مما حدث فطالما كانت نغم مميزة بالنسبة وكم تعشق حين تكون معها على سجيتها بعيدا عن كل شيء.
غريبة اوي نغم دي معرفش انت مصحباها ازاي!!
قالتهامنهمستغربة بنبرة تحمل السخرية بطياتها مما جعل نادين تقول بدفاع قوي وكأنها عادت لسابق عهدها 
ملكيش دعوة بيها و متجبيش سيرتها نغم طريقة تفكيرها مختلفة عنكم وملهاش في حوارتكم
خلاص مش هفتح بؤي بس بجد يا بختها نادين الراوي بذات نفسها بتدافع عنها
قلبت عيناها بسأم وزفرت حانقة 
سيبك بقى من كل ده وقوليلي ايه الأخبار
اشرأبت منه برأسها وكأنها ستخبرها سر من أسرار الحړب وتابعت 
هقولك اصل الجديد كله عندي يا نادو

خلاص بقى يا دعاءانت اللي استفزتيني وقولتي كلام مايتقلش
قالها فاضل بعدما مل من مراضتها كثيرا ولكنها لم تقبل بعد ان تغفر له حتى أنها هتفت بغيظ 
كان لازم بنتك تعرف حقيقة أمها وبعدين انا مغلطتش و مهما عملت يا فاضل مستهلش انك تمد ايدك عليا قدام بنتك والحيزبونة اللي اسمها محبة
زفر فاضل في ضيق واسترسل كي يبرر لها 
حقك عليا اتعصبت وكمان كنت زعلان على البنت تخيلي محبة قالتلي انها كانت عايزة ټموت نفسها لولآ لحقتها في أخر لحظة
شهقت دعاء متفاجأة 
هي حصلت ټموت نفسها بنتك اټجننت
زفر بضيق وأضاف 
انا مش متخيل إني كنت هخسرها يا دعاءعلشان كده طلبت منك متضغطيش عليها البنت نفسيتها متدمرة حاولي تقربي منها وتصحبيها
مطت دعاء فمها بحركة مدللة وعاتبته 
بعد ايه بقى ما انت ضړبتني وكسفتني قدامهم يعني ده جزاتي إني كنت خاېفة على مصلحتها
ربت فاضلعلى خصلاتها بحنان وطلب منها راجيا 
لأ... بس انا مش عايز نضغط عليها بعد كده سبيها براحتها يا دعاء انا معنديش استعداد اخسرها ده انا كمان بفكر اعرضها على دكتور نفسي
أومأت له بنعومة تعرف تأثيرها عليه وهمست بدلال وهي و تعبث بأزرار قميصه 
حاضر بس ده ميمنعش اني لسة مخصماك
ابتسم هو وسايرها بكل طواعية 
قوليلي ايه يراضيك
طلبت بعدما التمعت عيناها بوميض يعلمه جيدا ويعلم ما سيأتي بعده 
تشتريلي البيوتي سنتر اللي كان نفسي فيه وتكتبه بأسمي
تنهد هو وأومأ برأسه يوافق على مطلبها ولكنها لم تكتفي كعادتها وتابعت 
ومش بس كده عايزة أغير العربية
تنهد فاضل بقلة حيلة وعقب 
ماشي كل طلباتك مجابة
لتتهلل أساريرها وهي تشعر بسعادة عارمة كونه سيحقق لها أحلامها التي كانت تظنها بعيدة كنجوم السماء لولاه
بينما هو لم يكن حانقا بسبب تطلبها بل يتفهم تماما أن