روايه زين الفصول من الاول الي السادس

معاكي براحتي  
رسل لو سمحت ياريت بكل هدوء ابعد عني 
الشاب ليه بس ده حتي الجو جميل انهارده والقمر نزل م السما وماشي وواقف جمبي اهو  
ولسه هترد عليه تلاقي زين جاي من وراه يخبطلو علي كتفو بهدوء يلفلو الشاب يروح زين مديلو بالدماغ يقوم يحاول يديلو بالبوكس يصدو زين ويكعبلو وينزل فيه ضړب تتلم عليهم الناس ويسلكوهم من بعض  
زين ما انت لو ابوك راجل كنت جرب تكلمها قدامي انما انت بتداري زي الحريم  
الشاب وحيات امي ما هسيبك  
يفضو الناس الخڼاقه ويمشو زين بالعافيه يبص يلاقي رسل واقفه علي جمب وبتعيط  
زين بټعيطي ليه انتي كمان ! 
رسل عشان ضړبك وفي ډم في وشك  
زين ماهو بسببك ! سالتك كذا مره في حاجه وانتي تقوليلي لا ! 
رسل وټعيط اكتر منا عشان عارفه اللي هيحصل  
زين وهو بيقلدها ومنعم صوتو بتريقة متقلقش يا زين الناس هنا محترمه وبعدين انا مش حلوة للدرجه يعني  
تبصلو رسل وتسخسخ من الضحك علي طريقتو يلاقيها بتضحك جامد وغمازتها باينه ف ميقدرش يتمالك نفسو ويضحك ڠصب عنو لحد ما يهدو تبصلو هي وهي مبتسمه وعنيها لسه مدمعه يروح حاطت ايدو علي كتفها ويضمها ليه 
رسل وبالنسبه للدم اللي ف مناخيرك ده  
زين يابنتي انا من ساعة ما عرفتك ومناخيري بتجيب ډم بسببك انا مناخيري باظت خلاص  
رسل وحيات امك  
يبرقلها زين وهو عايز يضحك  
رسل اسفه انفعلت شوية  
زين قوليلي بقا يا ستي نفسك في ايه بقا
رسل  نفسي اروح الملاهي  
زين طب اشطات جدا يلا بينا 
رسل ياليلة العييد 
يمشو ويروحو علي الملاهي  
زين ها ياستي نركب العربيات دي ولا ايه رايك  
رسل عربيات ايه يا حبيبي شايف الناس اللي طايره فوق ف الهواء الطلق دي !! 
وتشاورلو علي لعبه كل اللي فيها بيصوتو يبص هو مكان ما بتشاور ويتخض  
زين مين يا عنيا  
رسل يلا عشان خاطري عشان خاطريييي  
زين اقولهالك ازاي بس يا رسل انا بخاف  
رسل متبقاش بايخ بقا دي اول مره اطلب منك حاجه 
زين يلا وربنا لو مت منك انتي حره بقا  
يركبو اللعبه ويفضل زين ماسك في الحديد پخوف وساكت ومغمض عنيه ورسل بتصوت بفرحه  
زين بزعيق عشان تسمع انتي مبسوطاااه 
رسل طبعااااا ده احسن يووووم في عمريييييي  
يضحك ويتبسط عشان مبسوطه برغم انو خاېف ينزلو من اللعبه دايخين الاتنين ورسل بتضحك بفرحه وهو شايفها ومبسوط  
رسل شكرا بجد انك جيت معايا وطاوعتني وانا تافهه اساسا  
زين يباشا انت تؤمر  
يفضلو يتمشو ووهما ماشيين جمبهم محل بيبيع اكسسوارات فضة يلفت انتباهها خاتم علي شكل تاج بس جميل اوي يلاحظ زين بس ميعرفهاش انو فهم  
زين ايه وقفتي ليه 
رسل جميل الخاتم ده  
زين اه شكلو جميل 
رسل جدا يلا بينا بقا قربنا ع الكافيه اللي بحبو  
يتمشو شوية ويروحو يقعدو علي كافيه ع البحر مره تانيه والكافيه مشغل اغنيه لام كلثوم الف ليله وليله  
زين اتبسطي معايا 
رسل جداااا انت مش متخيل ازاي بجد احلي يوم في حياتي  
زين الحمدلله انا اصلا مبسوط انك مبسوطة  
رسل ياربييي مشغلين اكتر اغنية بحبها في حياتي  
زين ايه ده انتي بتحبي ام كلثوم 
رسل متتخيلش بحبها اد ايه اسمع كده  
الليل وسماه ونجومو وقمرو قمرو وسهرو وانت وانا يا حبيبي انا يا حياتي انا كلنا كلنا في الحب سوا والهوا اه منو الهوا الهوا اه منو الهوا اه منو الهوا ااااه منو الهوا سهران الهوا يسقينا الهنا ويقول بالهنا يا حبيبي يلا نعيش في عيون الليل ونقول للشمس تعالي تعالي بعد سنة مش قبل سنه دي ليلة حب حلوة بالف ليلة وليلة بكل العمر   هو العمر ايه غير ليلة زي الليله 
زين هما حاسين بينا ولا ايه  
رسل بحبها جدا جدااا  
زين بس اغاني اليومين دول حلوة برضو 
رسل اييييه دي الست .. الست يا جهلة يا شباب اليومين دول بتوع شحته وبيقا  
زين بيقا لا بس المهرجانات حلوة برضو  
رسل بتهرج ولا ايه انا بعشق حسن شاكوش اصلا  
زين وبهوايا  
رسل انتي قاعده معايا  
زين وصوتو يعلي عنيكي ليا مراياا  
رسل وصوتها يعلي يجمال مراية العيين  
يبصولهم الناس باستغراب ونصهم بيضحك عليهم يقوم زين بكل هدوء يحط الفلوس ع الترابيزة ويخرج من الكافيه وتطلع وراه رسل ووشها ف الارض وكاتمه الضحكه واول ميطلعو يبصو لبعض ويسخسخو ضحك  
زين شكلنا زباله اوي وبقينا نو كرامة  
رسل ده ترو ليفل الۏحش  
يبصلها زين ويسرح فيها شوية ويبتسم ويمسك ايديها تبصلو هي كمان ويبدأ قلبها يدق جامد ف تسيب ايدو وترجع شعرها ورا ودنها وتضحك بكسوف ووشها يحمر  
رسل انا بقول كفاية كده لان الوقت
اتاخر وانا لازم اروح زمان اسر قص شعر يارا وعملها سجادة بيه  
زين ربنا يخليهولك يارب  
يركبو هما الاتنين ويوصلها لغاية بيتها  
زين هشوفك بكره 
رسل ايوة لازم اعوض جودي اللي فاتها 
زين هتضحكي عليا لو قولتلك هتوحشيني  
رسل هتضحك انت عليا لو قولتلك وانت كمان  
يضحك زين ويبص لبعيد ويرجع يبصلها تاني وهو مش عايزها تمشي  
رسل يلا سلام بقا  
زين سلام  
يمد ايدو وتسلم عليه وتمشي يركب عربيتو ويميل براسو لورا ع الكرسي  
زين انت حبيتها بجد ولا ايه اوعي الكدب يقلب جد لانك لو حبيتها بجد تبقا كل حاجة باظت ... لا هي فعلا كل حاجه هتبوظ .. انا حبيتها بجد تبقا انت خسړت ف الخطه وخسرتها هي كمان شخصيا