رواية همسي الجزء الثالث
في ايه
هنا مش عارفة مين اللي هيكون عمل كدة. تفتكر صاحب الشقة
عدي مش عارف بس ازاي مش من حقه يدخل وانتي مش موجودة. تعالي لما ندخل جوا ونشوف في ايه
وډخله لقوا الحمام الكبير متكسر ومتبهدل وكمان الحمام الخاص بأوضة هنا.
هنا انا مش فاهمة في ايه
في الوقت ده تليفون عدي رن ...رعد
عدي ايوة يا رعد......... ايه ازاي ده حصل وانت ليه مقولتليش من بدري...... وبص لهنا اه قولت ده عريس ومش لازم اشغله ماشي حصل خير ..... لا لا متقلقش ساعة بالكتير وهكون عندك سلام
عدي ابدا. رعد بيقولي واحنا مسافرين. الدكتور اللي في الشقة اللي تحتك. اشتكي من الحمامات بيقول في مشكلة ورعد جه وجاب عمال علشان يشوفه في ايه وبيصلحوا
هنا وهو رعد معاه مفتاح الشقة
عدي كل واحد فينا سايب للتاني نسخة من مفاتيحه كاملة علشان الطوارئ.
هنا پغضب. طيب والعمل اعمل ايه افرض صاحب الشقة زعل ولا اتكلم وكمان انا هصلح الحاجات دي ازاي
هنا طيب هقعد فين
عدي مش محتاجة ذكاء في شقتي طبعا
هنا بعند لا طبعا انا هشوف شقة تانية اقعد فيها او اجحز في فندق
عدي مسكها
هنا زقته پغضب. انت بتتحداني يا عدي ماشي لما نشوف كلمة مين اللي هتمشي.
عدي كلمتي انا يا روحي يالا قدامي علي شقتنا يا حلوة..
عدي طيب دلوقتي مؤقتا هتنامي معايا في اوضتي لحد ما احضرلك اوضة علشان مفيش غير اوضتي والاوضة الصغيرة. والليڤينج والمكتب بتاعي.
هنا بغيظ. عدي مش هنبتديها غلاسة. انا هنام لوحدي
عديبتصنع البرائة. والله مش غلاسة بس فعلا مفيش اوضة تانية
عدي بان عليه الضيق. هنا الاوضة دي مش هتنفعك
هنا اشوفها الاول وبعدين ابقي احدد هتنفع ولا لا
عدي وهو اصلا ماكنش عايزها تدخلها. طيب اتفضلي
دخلت هنا واتفاجأت لانها كانت اوضة بيبي فيها سرير بيبي ودولاب وكل احتياجات البيبي ولعب ودباديب. وكمان لقت عي الترابيزة اللي جنب السيرير اربع براويز في كل واحد صورة سونار لبيبي.
عدي مسح وشه بضيق وۏجع. وبلع ريقة بغصة. حلا كانت حامل في الشهر الرابع
هنا دمعت. يعني هي ماټت وهي حامل
عدي هز راسه. ايوة
هنا وانت ازاي تنزلها البحر وهي حامل
عدي هنا دي حاجة عدت وخلصت لو سامحتي متفتحيش معايا اي موضوع يخص حلا. حلا خلاص ماضي وانتهي. وانا عايز انساه. ومن بكرة هبعت حد يشيل الاوضة دي واجبلك اوضة جديدة ليكي هنا وهو خارج
عدي من غير ما يلف. اتنهد بنفاذ صبر. نعم
هنا الاوضة دي محدش هيلمسها هتفضل زي ماهي. انا هقعد في الليڤينج
عدي لفلها وهو مستغرب. مبقتش فاهمك ياهنا حقيقي مبقتش فاهمك. انا حروح اغير هدومي علشان اروح لرعد الشركة
هنا بس انت منمتش طول الليل. وكمان سايق فترة طويلة ما ترتاح النهاردة
عدي قرب منها وملس علي شعرها. انا راحتي في حاجة واحدة بس انتي. وباسها من جبينها. وخرج راح اوضته
وهنا فضلت تبص علي الاوضة وهي مټألمة.
هنا ليك حق يا عدي تفضل موجوع. اللي حصل مكانش سهل ده انت جبل علشان تتحمل ده كله. بس معلش استحملني شوية اللي انا بعمله ده زي كوي الچرح لازم اعمل كدة وابعد شوية واتعبك علشان تنشغل بيا وتنسي اللي حصلك.
وخرجت ودخلت الليڤنج. وقعدت تفكر .
وبعد شوية عدي خرج من اوضته بعد ما اخد حمام ولبس بس كان لسة مقفلش زراير قميصه. ودخل لهنا
عدي ماشوفتيش تليفوني
