رواية جامدة جدا الفصول من الاول للسادس

ونفذ رغبته ولم يكترث لاعتراضه.
أنت إزاي تتجرأ وتجيب البنت دي على البيت!! أنت اټجننت يا إياد اتفضل خد البني أدمة دي ووديها أي حتة بعيد عن هنا وإلا هاخدها أنا وأرميها في الشارع.
وقفت والدة قاسم التي تدعى فايزة أمام ورد كدرع واق يحميها من ڠضب قاسم وضړبت بعصاها الأرض هاتفة بحزم
طيب وريني كده أنت هتاخدها وترميها في الشارع إزاي يا قاسم ياسمين هتفضل معايا ومش هتتحرك من هنا ولو هي خرجت من البيت أنا هخرج معاها.
اتسعت عيني قاسم بعدما سمع اسم ياسمين وتأجج غضبه ووصل إلى مرحلة يصعب السيطرة عليها وكأنه مارد خرج من قاع الچحيم
ياسمين مين!! مين اللي اتجرأ وسماها ياسمين!
الټفت قاسم إلى أخيه وأمسكه من تلابيب قميصه ثم سدد له لكمة في وجهه خرجت الډماء على إثرها من أنف إياد
أنت حسابك تقل معايا أوي على فكرة.
قاسم أنت إزاي تمد إيدك على أخوك قدامي أنت شكلك اټجننت رسمي.
صاحت بها فايزة التي سحبت إياد تتفقد وجهه ثم ربتت عليه ونظرت إلى قاسم بحدة وقالت
أنت شكلك كده محتاج ينعاد تربيتك من أول وجديد لأنك طايح في كل اللي حواليك وعمال تمد إيدك على أي حد يعارضك وكأن مفيش حد غيرك في الدنيا بيفهم وعنده مخ بيفكر بيه.
أخفض قاسم رأسه وهتف بهدوء يختلف مائة وثمانين درجة عن تلك اللهجة الغاضبة التي كان يتحدث بها قبل لحظات
يعني هو ينفع يا ماما اللي إياد عمله أول حاجة عارض رغبتي وجاب البنت دي على البيت وراح بعد كده سماها ياسمين.
تصنعت والدته عدم الفهم وهي تقول
وماله اسم ياسمين يعني اسم جميل جدا ومعروف وناس كتير بتسميه.
كز قاسم على أسنانه من استفزاز والدته المتعمد
يعني أنت مش عارفة إيه المشكلة في اسم ياسمين!
ارتفعت نبرته وهو يستكمل بنبرة عبرت غن غضبه الداخلي
يعني هي الدنيا ضاقت أوي كده على ابنك يا حاجة فايزة للدرجة أنه ميلاقيش لها اسم يسميها بيه غير اسم مراتي! طيب على الأقل كان يفكر في عم خيري واللي ممكن يحصله لما يشوف الزفتة دي قدامه وكمان يلاقيكم بتنادوا ليها باسم بنته اللي ماټت في حاډثة وهي لسة في عز شبابها.
كان صوت قاسم عاليا للغاية وتجمع الخدم حتى يرون سبب ڠضب سيدهم ولم يقتصر الحضور على العاملين في المنزل فقد جذب هذا الصياح الغاضب خيري الذي يقيم في المنزل المجاور وجعله يأتي على وجه السرعة حتى يرى سبب ڠضب ابن صديقه وزوج ابنته الراحلة.
إيه اللي حصل يا قاسم وصوتك عالي كده ليه يا ابني!
الټفت قاسم إلى حماه ولم يجبه بل تركه يكتشف الإجابة بنفسه وهذا ما حدث بالفعل فقد تجمد نظر خيري على ورد بعدما وقعت عيناه عليها واقترب منها وهو يردد بذهول وعدم تصديق لما يراه أمامه
ورد حبيبتي عمري ما كنت أتخيل أني أشوفك قدامي بعد السنين دي كلها أنا دورت عليك في كل حتة بس معرفتش أوصلك أنا مش مصدق أن ربنا بعتك ليا عشان تعوضيني عن مۏت ياسمين أختك.
تلك الكلمة الأخيرة التي نطقها خيري أصابت الجميع بالصدمة وأكثرهم قاسم الذي صاح برفض
ورد مين وإزاي تبقى بنتك! هو أنت كان عندك بنات غير ياسمين مراتي!
خرجت ورد عن صمتها الذي استمر طوال الدقائق الماضية وصړخت في وجه الجميع
أنتم مين وعايزين مني إيه! أنا معرفش مين ورد وياسمين اللي أنتم بتتكلموا عليهم ولا فاهمة أي حاجة من اللي بتحصل هنا ومش عارفة ليه البني أدم اللي اسمه قاسم ده بيزعق في وشي كل ما يشوفني
لم تتحمل ورد الضغط الذي تعرضت له من تلك الذكريات الغير واضحة فسقطت أرضا مغشيا عليها قبل أن تتجاوز عتبة المنزل.
ركض خيري نحوها وحملها وذهب بها إلى منزله ومن خلفه إياد وقاسم وفايزة الذين يريدون أن يفهموا حقيقة اسم ورد وكيف تكون ابنة خيري وشقيقة ياسمين!!
اتصل خيري بطبيب يعرفه حضر بسرعة وقام بفحص ورد ثم تحدث بعملية بعدما خرج من الغرفة
حالتها متسمحش أنها تتعرض لأي ضغط الفترة دي بالذات لأن زي ما الدكتور إياد قال هي فاقدة الذاكرة والخناق اللي حصل قدامها ده غلط على حالتها.
تمام شكرا ليك يا دكتور تعبناك معانا.
ابتسم الطبيب