رواية ضيعت جوزي

بطلع بامتياز و برفع راسه مش أنتي لوحدك يا ست هانم.
......عبد الله بس بس مش عايز مشاكل انتوا الاتنين اغلى حاجه عندي و رافعين دايما راسي ربنا يبارك ليا فيكم و في امكم الفتره دي انا و اماني محتاجين نسافر عشان كده هتروحوا تقعدوا عند تيته رايكم ايه!
...... أماني أنا مش محتاجة أسافر أنت بس إللي محتاج تغير جو عشان اعصابك تعبانة من رأيي تستني شوية و تروح تقضي شهر عسلك مع العروسة الجديدة..
...... أحمد ايه الكلام ده هو بابا عايز يتجوز عليكي يا ماما!
...... لمياء اكيد في سوء تفاهم بابا مستحيل يعمل كده ابدا ده بيعشق ماما صح يا بابا!

...... أماني اهدوا يا ولاد ايه وضع الھجوم اللي انتوا واخدينه ده باباكم فعلا بيعشقني و انا كمان بمۏت فيه و اذا كان هيتجوز او لا فانا اللي طالبه كده مش هو و دي حاجه خاصه بيني و بينه مش من حقكم تدخلوا فيها و بقولكم قدامه اهو لو ماتجوزتش واحده تانيه يا عبد الله انا هرفع عليك قضيه طلاق مش هقعد معاك يوم واحد.
......عبد الله كل واحد فيكم يدخل على اوضته مش عايز اسمع صوت.
أخد عبد الله أماني و دخل بيها أوضة نومهم بسرعة و هو مش شايف من شدة عصبيته...
في أوضة النوم..
...... عبد الله إللي حصل برة ده اسمه إيه بالظبط!
..... أماني هو إيه إللي حصل بره مش فاهمة! العيال كبار مش صغيرين فاهمين كل حاجة النهاردة أو بكرا هيعرفوا الموضوع أنا إنسانة قوية و مقتنعة جدا بقراري بس زي ما قولتلك في الأول تكتب كل حاجة باسمي عشان اضمن حقي و حق ولادي.
......عبد الله أنتي بتاخدي حبي ليكي ضدي فاكره ان ممكن اخليكي تقللي مني ادام عيالي و ادام اي شخص لمجرد اني بحبك قولتلك انا مش عايز حاجه غير انك تكوني مراتي و بس لو على العلاقه اللي أنتي رفضها كأني مرض معدي مش عايزة أقرب منك انا كمان مش عايزها استفدتي ايه لما خليتي العيال حالتهم النفسيه زي الزفت لمجرد وهم في دماغك انا مش هعمل منه حاجه لو اخر يوم في عمري كل همك الفلوس يعني الحاجه الوحيده اللي بتربط بيني و بينك شويه فلوس بجد مش مصدقك فلوس ايه و انا كلي على بعضي ملكك بتاعك لوحدك.
....... أماني انا مش ببص للفلوس بس من حقي اضمن مستقبل عيالي بالنسبة بقى لموضوع جوازك فانا بقولك زي ما قولت أدام العيال تحت لو ما وافقتش تتجوز انا هرفع عليك قضيه طلاق و تبقى انت اللي قفلت اخر باب بيني و بينك للنهاية القرار في أيدك انت.
....... عبد الله أنتي سامعه نفسك اتجوز عليكي او ترفعي قضيه طلاق!
...... أماني ايوه انا مش عايزه يحصل بينا اي علاقه و انت راجل و انا عارفه انك مش هتقدر تتحمل ده ما اقدرش اشيل ذنبك و ما اقدرش اشوفك حزين هجيب لك واحده تعيش معاها كل اللي نفسك فيه و انا و الاولاد هنفضل معاك و هنحب في بعض زي الأول و أكتر كمان ايه اللي هيحصل يعني الدنيا مش هتتقلب.
....... عبد الله ده أنتي مخططه لكل حاجه و شايفه الموضوع سهل و بسيط ايه يعني لما جوزك يبقى مع ست غيرك عادي ! اللي مش قادر اصدقه كلمه بحبك اللي بتقوليها طول النهار دي اللي بيحب حد بيحب قربه مش بيحب يكون له شريك فيه فكري كويس قبل ما تتكلمي و انا اللي بقولك القرار في ايدك و النهايه هتتكتب بقلمك.
...... أماني و انا بقولك اتجوز و العروسه اللي تختارها هخطبها لك بنفسي.
....... عبد الله و أنا موافق اتجوز عليكي يا أماني..
...... أماني و البيت و المحلات !
.....عبد الله بتوعك و باسمك من دلوقتي أنتي اخترتيهم ربنا يبارك لك فيهم.
بعد شهر عبد الله رافض الكلام مع اولاده و معه أماني بس عشان شكلهم قصاد الناس راح معاها فرح أختها الصغيرة.
في قاعة الافراح كان قاعد جانبها و هي قاعدة مع بنت عمها و عمها..
....... أماني ايه رايك في بسمة