رواية رنا الجزء الاول

ليله فور مغادرتهم جذب يدها منه قائلا بحنق 
سيب ايدى باجلال انا مش ماشية من هنا الا بعد......
الټفت اليها لتصمت فورا تحاول ابتلاع لعابها بصعوبة حين رأت وجهه الشرس تتسع فتحة انفه ضاغطا فوق اسنانه رافعا سبابته امام وجهها يهمس من بين انفاسه الحانقة
اسكتى خالص صوتك ميطلعش وحسابى معاكى بعدين فى بيتنا .. يابنت الاصول
نطق كلمة الاخيرة بتأنيب يجذبها مرة اخرى متحركا بها ناحية الباب وبعد خطوات توقف بغته يلتفت اليها مرة اخرى يمد يده ناحيتها لتجفل مبتعدة عنه لكنه لم يعيرها اهتمام بل اسرع بجذب حجابها بعيدا عن راسها تشهق بحدة حين ادارها للخلف يجمع خصلات شعرها يلويها بيده و يثبتها ككعكة حول راسها بحركات سريعة غاضبة ثم يلفها مرة اخرى اليه يضع حجابها باحكام حول راسها بينما وقفت امامه ترتجف بوهن تطاوع يده فى حركاتها دون اعتراض تخفض عينيها ارضا بخجل كطفلة صغيرة مذنبة
فور انتهائه جذبها ورائه مرة اخرى مغادرا بخطوات سريعة غاضبة تسير هى خلفه دون مقاومة او اعتراض ضاغطة على نفسها بتوتر وخشية يرتجف قلبها رهبة مما هو أت
الفصل السادس
جذبها من يدها خلفه الى داخل المنزل بخطوات سريعة حادة غاضبة يتجاهل نداء والدته له وهى تحاول اللحاق به قائلة بلهاث وحدة
جلال ..طيب بس عرفنا هى هببت ايه وش النحس دى
اسرعت حبيبة لها تحاول اسكاتها لكنها صړخت بها تهتف پغضب 
بتسكتينى ليه ماهى اكيد هببت حاجة وانا لازم اعرف عملت ايه
لم يعيرهم جلال انتباها يكمل طريقه ناحية الدرج و صاعدا درجاته بخطوات سريعة غاضبة يجذب ليله معه بشدة جعلتها تتعثر فى خطواتها لتأتى محاولة ايقافه تلك المرة من حبيبة تناديه برجاء
فلټفت اليها جلال زافرا بقوة تاركا يد ليله الواقفة باستسلام تتابع مايحدث بلا مبالاة وبرود يضع انامله بين خصلات شعره بقوة قبل ان يقول ضاغطا فوق اسنانه بعصبية حاول السيطرة عليها
حبيبة معلش اطلعوا اوضكم دلوقت و الصبح نتكلم
ثم مد يده قابضا فوق معصم ليله يكمل طريقه مرة اخرى تاركا عيون الجميع
تتابع مايحدث باهتمام وفضول كانت اول من عبرت عنه زاهية هامسة بفضول يكاد ېقتلها
ياترى ايه اللى حصل هناك ومين اللى جلال كان ماسك فى خڼاقه فوق فى بيت المغاربة
شهقت بذهول تلتفت ناحية قدرية التى كانت تتابع صعود جلال وليله بعيون حادة كالصقر قائلة پصدمة
يكون طلع لاقى حد من ولاد عمها معاها فوق ...ولا يكون لاقى معها ....
هتفت بها حبيبة بحدة توقفها عن الكلام قائلة 
مرات عمى شوفى انتى بتتكلمى ازاى وعن مين .جلال لو سمع كلامك ده هتبقى ....
شحب وجه زاهية بشدة تقاطعها بلهفة وارتبارك 
انا مقصدش ....حاجة ياحبيبتى انا بفكر ...معاكم بصوت عالى وبس.
همت حبيبة بالرد عليها بحدة لكن اتى صوت قدرية القاطع قائلة بحدة ووجه متجهم 
مرات عمك عندها حق وانا لازم اعرف ايه اللى حصل يخلى اخوكى بالشكل ده ومين اللى كان بتخانق معاه 
ابتسمت زاهية بانتصار تنظر الى حبيبة بتشفى لتزفر بقوة تلتفت الى والدتها تهتف بها برجاء
ماما اسمعى كلام جلال وخلينا بره الموضوع ده وهو حر مع مراته
لم تعيرها قدرية ادنى اهتمام تضيق مابين حاجبيها تدور داخل عقلها دوامة من الافكار تقسم انها لن ترتاح حتى تصل لما تريح به بالها 
دفعها بقسۏة داخل غرفتهم حتى كادت ان تسقط ارضا لكنها استطاعت التوازن سريعا تلتفت ناحيته فتراه وقد وقف مواجها لها مشتعل العينين وجهه مكفهر بشدة تسمعه ېصرخ پغضب وقسۏة لكن لم يهزوا قناع البرودة الظاهر فوق ملامحها قائلا 
عاوز اعرف اخرة تصرفاتك دى ايه عاوزة توصلى لايه تزهقينى مثلا علشان اطلقك !متوقعة منى اعمل معاكى ايه بعد اللى عملتيه فى بيت اهلك ده...انطقى وردى عليا
صړخ بجملته الاخيرة بثورة عارمة جعلتها تنتفض فى مكانها لكنها لم تجيبه تحيد بعينيها بعيدا عنه هربا من عينيه وغضبه المستعير بداخلهم ليكمل هو دافعا بكفه بين شعره يجذبه بقوة وهو يدور فى ارجاء الغرفة بذهول ساخط 
بقى بدافعى عنه ادامى وخاېفة عليه منى .. بتهددينى انا علشانه !...بتستقوى بأهلك وفكرانى هخاف منهم
الټفت اليها بحدة ضاغطا فى اسنانه بحنق قائلا
لولا اننا كنا فى عزا راجل انا كنت بحترمه وبقدره انا كنت دفعتك انتى وهو تمن اللى حصل ده غالى اووى وفى قلب داركم وسط اهلك اللى بتستقوى بيهم عليا
اعمل اللى انت عاوزه انا مبقاش يهمنى حاجة تحصل فى الجوازة الشؤم دى
دوت كلماتها باقتضاب تهز ارجاء المكان وهى تقف مكانها بثبات ووجه خالى من التعبير لتتسع عينيه بذهول هامسا پصدمة
بتقولى ايه بتسمى جوازك مني شؤم!
توحشت ملامح وجهها تضغط فوق اسنانها بشراسة قائلة ببطء وهى تؤكد على كل حرف يخرج منها عينيها تتوحش فوقه
ايوه جوازنا شؤم كفاية بسببها جدى ماټ وهو فاكر انى زعلانة منه ...كفاية انى بسببها مكلمتش جدى من يوم ما دخلت انت دارنا وطلبت ايدى علشان طمعك فى ارضنا
تحشرج صوتها بدموعها التى لم تعد تستطيع