غياث بقلم صفا

غياث بقلم صفا
فتاه فى منتصف العمر تنام فى غرفه بسيطه تدخل سيده فى عقدها الرابع 
الام غيااث يابنتى قوومى بقى هتتاخرى على الشغل 
غياث بنعاس صباح الخير ياماما سيبينى شويه بس 
الام بحنان يابنتى قوومى الساعه قربت 9
تنهض غياث على عجله ايييه يا خبر 9 انا فعلا اتاخرت 
تذهب غياث وتتوضا لتصلى فريضتها وتلبس ملابسها البسيطه المكونه من بلوزه بيضاء وبنطال اسود وتلبس تلك النظاره السوداء تضعها فى منتصف شعرها الاسود اللامع 
غياث وهى تتناول القليل من كوب الشاى 
الام يابنتى اقعدى افطرى 

غياث وهى تقبل يداها وراسها معلش ياست الكل عندى شغل كتييير النهارده واحتمال اتأخر فى الصيدليه شويه 
الام ربنا معاكى يابنتى ويتوب عليكى من التعب والشقى ده ويرزقك بالزوج الصالح اللى يصونك ويحفظك 
تبتسم غياث ابتسامه حزينه وتلوى شفتيها فى تهكم وترحل 
غيااث منتصر الجندى 
فتاه فى السابعه والعشرون من عمرها خريجه صيدله على قدر من الجمال توفى والدها الدكتور منتصر الجندى وترك لها والدتها وترك لها صيدليه تديرها ........
غياث 
لم تح ب سوى مره واحده وكان حب مراهقه وبعد انتهاء الجامعه علمت أن الحب لايكون سوى فى الافلام والرويات فكرثت حياتها للعمل والاعتناء بوالدتها التى مثلها مثل الكثير من الامهات فقط تريد ان ترى ابنتها فى عصمه رجل وكانه هو المنجى لها من ذلك العالم المجهول 
غياث وهى تفتح الصيدليه تاتى لها رباب زميلتها ولكنها اصغر منها بثلاث اعوام 
رباب صباح الخير يا دكتوره 
غياث بابتسامه صباح الورد اتاخرتى لييه 
رباب بفرحه اصلى امبارح كان خطوبتى 
غياث بابتسامه الف مبروك مقولتليش يعنى 
رباب وهى تحاول أن تدارى اصلى مجاتش منااسبه يعنى وهو و ..
فهمت غياث أن رباب تخشى منها وان تحسدها على خطبتها فهى اكبر منها فغيرت غياث مجرى الحديث 
غياث طيب يلا عندنا شغل وفى ادويه جايلنا كمان شويه 
رباب حااضر عقبالك يا دكتور غياث 
غياث بنص ابتسامه أن شاء الله 
بعد ساعات رن هاتف رباب فاخذته واعتلتها الابتسامه 
رباب ايووه يا احمد وحشتنى 
غياث وهى تنظر لها باندهاش متى عرفته ومتى عشقته حتى تتحدث بكل تلك الجراه معه لوت فمها فى تهكم هل تغير الزمن اما تغيرت الاخلاق اما كلاهم 
رباب بصوت هادئ وانت كمان بحبك واخذت تلك الهمهمات والكلام المعسول 
انزعجت غياث كثيرا لا لشىء ولكن هذا مكان عمل لا للغرميات 
غياث پحده رباااب احنا عندنا شغل 
رباب وهى تنظر لها بكبرياء وترد ببرود طيب وبعدين بكلم خطيبى بكرره اما تتخطبى هتعرفى قالتها وهى تتكىء على الكلام كانها تعاير غياث على فوات قطر الزواج
غياث بالم داخلى ماشى ياارب بس ياريت تعرفى أن ده مكان اكل اعيش واحنا حاليا لازم نوسع مكان عشان الطلبيه الجديده 
وهنا اقتح حديثهم دخول ذلك الشاب الثلاثينى 
كان يبدو عليه الغموض والحزن اخرج تلك الروشته من جيبه ومسح وجه بكف يده فى الم 
غياث وهى تلتقط الروشته وتقراها وتقول بصوت هادئ حضرتك عايز الادويه دى كلها 
رفع ساجد رأسه قليلا وهنا ظهرت عيناه البنيتان ولكن كان يملأها الحزن والالم وقال لا عايز المسكنات بس 
غياث وهى تنظر له بشفقه فتلك الادويه لاتصرف الا لمريض السړطان بس الادويه الباقيه لازمه هو حضرتك مش هتكمل علاج 
ساجد پحده لوسمحتى المسكناات عندك ولا اشوف مكان تاانى 
غياث بحذر ثانية واحدة أحضرت غياث له المسكنات 
أخرج ساجد الحساب ورحل فى غموض تمام كما دخل 
تعلق عين غياث به قليلا ولكن قاطعتها رباب هو مين المز ده يا دكتوره 
غياث باستغراب مززز 
رباب اهااا ده شكله امووور قووى وكمان معاه عربيه انتى مشفتهاش 
نظرت غياث فالخارج وبالفعل لمحت سياره سوداء فاخره ولكنها قالت بهدوء وفيها اييه يعنى اما يكون عنده عربيه ما احنا بنشوف كتيير 
رباب بحب ياااه نفسى خطيبى يجبلى عربيه واخرج اتفسح انا هو ياااه 
نظرت لها غياث بابتسامه على تلك الاحلام الورديه ولم تعلق 
فكانت غياث اكثر واقعيه 
دخلت امرأه وبطنها منتفخ امامها وتحمل بيدها طفلين 
رباب اهلاا يا ام ابراهيم 
ام ابراهيم اذيك يا حبيبتي وهنا نظرت لغياث التى كانت