رواية فاطيما الفصول من السادس للحادي عشر

رحيم هو تعود فلنري مالذي تخبأه له الأيام من ندبات تؤثر علي روحه 
________________________________
انقضت الليالي العجاف بالنسبة لريم والآن تجلس في حديقة منزل أبيها فلقد مر ستة أشهر كاملة علي المحاكمة 
كانت بيدها مذكرات كانت تدون فيها كل مايجول بخاطرها منذ ۏفاة عزيزها 
فكتبت بقلب ينفطر حزنا
_ الآن مر علي وفاتك عاما كاملا ذقت فيهم من المرار ألوان لقد كنت لي حبيبا عزيزا قرير العين وتركتني وحدي أعاني مر الفراق وأنا أجلد ذاتي في يومي كله حتي في غفوتي أراك ڠضبان مني أشعر بأني في ساحة معركة الفراق بالاختناق أقاتل في ساحة المعركة وحدي أنا الجيش لنفسي وأنا السيف ذاته أذاني أقرب الناس إليك وكانوا يوما من الأيام الأقرباء إلي أيضا وتعلمت منهم درسا لن أنساه طيلة حياتي وهو

لا تأخذ جرعة كبيرة من الثقة إترك مكانا للخيبة ومكانا لإستيعابها أيضا كن معتدلا 
كانت منغمسة في تدوينها فسمعت صوت أبيها الحنون الذي يقف بجانبها دائما يردد بحنو 
_ الجميل اللي قاعد لوحده وشكله قلقان ومخليني مش مرتاح عشان خاطره بيعمل ايه 
أنهي كلماته وهو يمسح على راسها بحنان ثم جلس بجانبها
تنهدت بثقل والم نفسي واجابته
_مش مرتاحه يا بابا وحاسه اني مش قادره اتخطى مۏته هو انا هفضل كده كتير
وضع كف يداه علي كف يدها الموضوعه فوق فخذها ثم ربت عليها بحنو وأردف قائلا 
_طول ما إنتي حابسه نفسك بين حيطان البيت وسط دوامه الفكر إللي مبنتهيش هتفضلي كده على طول ده إنتي حتي الموبايل مبتفتحيهوش .
نظرت اليه بعينين حائرتين فأكمل هو بارشاد
_اخرجي يا بنتي واشتغلي واشغلي وقتك بحاجه مفيده إنتي محتاجه لكده مش عشان خاطر الفلوس ولا عشان خاطر الاحتياج للماده ذات نفسها انما إنتي عندك موهبة جميلة وقدرتي تصنعي لنفسك كيان في مكان بسمع عنه انه ممتاز جدا وله اسم .
انتفضت كمان لدغها عقرب من حديث والدها وهتفت برفض قاطع
_لا يا بابا انا عمري ما هرجع اشتغل في التصميم تاني ده كان السبب اني خلاني خسړت جوزي ابو ولادي ودمرني ودمر حياتي كلها .
اعترض على كلامها بشدة وهدر بها 
_ده كلام تقوليه ! هتعملي زي الجاهلين كون انكم كنتم بتتناقشوا في حاجه هو رافضها وإنتي كنت عايزاها وكون ان هو ماټ ده قدره والاتنين ما لهمش علاقه ببعض نهائي وسواء كنتوا اټخانقتوا او ما اتخانقتوش كان برده عمره هينتهي في اللحظه دي يا بنتي .
حركت راسها بنفي ودموعها تنهمر بغزاره من عينيها واردفت من بين شهقاتها بنفي
_انا عارفه كلام حضرتك يا بابا وفاهماه كويس جدا لكن المره دي كان بيبص لي باستغراب وما كانش مصدق ان انا أعارضه ولما خيرني ما بين الشغل واني افضل معاه خذلته ما استحملش الخذلان مني ونفسيته اتأثرت وماټ .
ضړب والدها كفا بكف وهو يردد باندهاش
_لا حول ولا قوه الا بالله العلي العظيم 
يا بنتي الأعمار بيد الله وكل واحد من قبل ما يتولد بيبقى عمره على الدنيا مكتوب ايا كانت المۏتة تعددت الأسباب والمۏت واحد 
ثم اخذها بين احضانه يهددها بحنان وتابع 
_فوقي لنفسك وفوقي لولادك هما محتاجينك مش هيبقى غياب ابوهم وضياعك في دوامه الحزن وكده انت يعتبر من القانطين من رحمه الله
واذا كنتي إنتي مصرة تشيلي نفسك الذنب استغفريه واذكريه الذكر بيطمن القلوب وتصدقي واعملي كل اللي في وسعك وفي كل مره هتعملي كده صدقيني هتلاقي نفسك بتخرجي من الدوامه دي واحده واحده وهتبقي بني ادمه طبيعيه جدا وهتحتسبي عند الله من الصابرين .
احست بطيف من الأمل يلوح على صدرها وكأن كلامي والدها نزل بردا وسلاما على قلبها وسألته بتيهة كي تطمئن
_يعني انت شايف يا بابا ان فعلا ارجع اشتغل واصمم واحقق حلمي اللي عشت عمري كله اتمناه واحلم بيه وابقى كده ما زعلتش مني باهر في تربته .
ابتسم لها ثم أجابها بتاكيد
_يا بنتي جوزك بقى بين ايادي الله هو ارحم بيه من عباده وما تزعليش مني الدنيا منفاته وما بتقفش على حد لازم تتعودي تقوي حالك بحالك علشان وقت الجد ما توقعيش من طولك ويكون اللي بيسندوكي كلهم وكنتي معتمده عليهم مبقوش موجودين 
واسترسل وهو يشير بيده إلي ملابسها باعتراض
_وبعدين انا عايزك بقى تقلعي الاسود ده مده حدادك على جوزك اربعه اشهر و 10 ايام واكتر من كده يبقى إنتي ډخلتي في الحرمانية وعملتي زي الناس الجاهلين انتي ما تعرفيش حديث رسول الله صلى الله عليه وسلم لا يحل لمسلم ان يحد على مېت فوق ثلاث ليالي الا على امراه لزوجها اربعة اشهر وعشرا
سيدنا النبي عليه الصلاه والسلام حدد المدة كما ذكرت في القران وقال لا يحل يعني إنتي كده ډخلتي في منطقة الحرمانية من بقالك اربع شهور ومستنيكي تقلعيه منك لنفسك وترضي بحكم ربنا وقضاء وقدره وانتي مكمله زي ما