رواية منة الجزء الثاني الاخير

ما عرف طوالي
وبعدين مجاصيصي البيض دول مش بالساهل إكدة يا بنيتي أني كنت حاسة من لما شوفتك إني أعرفك .عينيكي مكانتش غريبة واصل 
إبتسمت مليكة في حبور وهمت بالتحدث حتي أردفت خيرية 
خيرية طبعا سليم ميعرفش أيتها حاچة لسة 
أردفت مليكة بإضطراب متوجسة 
مليكة أيوة يا ناناه أنا لسة مقولتلهوش وهو ميعرفش حاجة 
أردفت خيرية بهدوء لتطمئنها 
خيرية وأني معرفتش حاچة من الأصل متجلجيش يا بنيتي بس لازم تجوليله في أجرب فرصة 
تنهدت مليكة بعمق وهي تردد 
مليكة حاضر هقوله 
بعد عدة ساعات حضرت مليكة إفطار سليم ودلفت له لتطعمه في هدوء فقد إنخفضت درجة حرارته عن الأمس بعض الشئ ولكنه لا يزال لا يشعر بها فقد كان أحيانا يفتح عيناه قليلا ليطالها بنظرات غريبة عنها خيل لها أنه حبا ثم يغمض عيناه مرة أخري دون أن يتفوه بحرف وأحيانا أخري يهمهم بكلمات غير مفهومة 
مليكة مراد حازم مينفعش بحبها كدابة
ولكنها لم تفهم أي شئ مما يقصد 
حتي بدأ في استعادة وعيه بعد مرور بضع

________________________________________
أيام 
فقرر الإذعان لمليكة بعدم الذهاب للشركة ومباشرة عمله من المنزل حتي يستعيد عافيته 
فهاتفته خيرية لتطمئن عليه وبعد السلامات أردفت هي توصيه علي مليكة 
خيرية خليك أمانها ياولدي 
أردف سليم بعدم فهم مازحا 
سليم جصدك إيه يا جاچة عاد 
أردفت هي بثبات 
خيرية أمانها يا ولدي ..عارف يعني إيه أمان للست يعني لما تيچي تطلب منك طلب تطلبه وهي مش خاېفة مهما كانت هيافته 
يعني لما تجولك علشان خاطري تكون خابرة إنها ورطتك لأنك مش هترفض طلبها .يعني لما تغلط يا ولدي تحكيلك إنت أول واحد مش خۏڤ لع حب وأمان ولما تعمل حاچة چديدة تاخد رأيك فيها وهي واثجة إنك مش هتبخل عليها بيه .يعني متتمألتش عليها لو توخونت شوي
 يعني لما أني ولا عمتك ولا أي مخلوج نسألوك مرتك عاملة إيه معاك تجولنا الحمد لله مبسوطين حتى لو فيه مشاكل بينكم وبين بعض
يعني يا ولدي توبجي صاحبها جبل حبيبها وحبيبها جبل چوزها وچوزها جبل ما تكون أبو ولادها ..تكون سندها ظهرها اللي بتتحامى فيه ۏقپل كل دول ابوها ابوها اللي متخافش ولا تتكسف منيه
صدجني يا ولدي ديه اللي بتدور عليه أي حرمة في الدنيا و اللي لما تلاجيه بتبيع الدنيا كلاتها علشانه لما تلاجيه مش هتنكد عليك مش هتنام كل يوم ودموعها على خدها مش هتكره الچواز وانها ست لع والله يا ولدي وشها هينور كل يوم عن اليوم اللي جبله هتمشي تتفاخر بيك وتجول ياريت كل الرچالة چوزي مكنش هيبقي فيه حرمة حزينة واصل خليك أمانها ياولدي هتكون سندك طول العمر فهمتني عاد ولا لع 
لمست كلمات جدته شغاف قلبه وحركت أخر جزء كان يعاند من الإنجراف في

________________________________________
تيار حبه لمليكة 
ولكنه أردف مازحا 
سليم واااه يا حاچة من مېتي وإنت بتجولي شعر 
أردفت خيرية باسمة بأسي 
خيرية دا مش شعر يا ولدي ده الي سيدي وسيد البلد كلاتها چدك الله يرحمه علمهولي طول عمره معايا أكده 
خدني وأنا بت 15 رباني علي يده كان أبويا جبل أي حاچة تانية .عمره ما جالي كلمة شينه واصل حبه كان زي الزرعة الصغيرة چوة جلبي اللي كانت بتكبر كل يوم كان بيسجيها حب وإهتمام وأمان فهمت جصدي يا ولدي 
أردف سليم باسما بسهادة 
سليم فهمت يا حبيبتي فهمتك 
جلست مليكة أمام نافذتها في شرود 
مضي الليل إلا أقله ولم يبقي إلا أن ټنفجر ظلمة الليل عن جبين الفجر ولا تزال هي ساهرة قلقة المضجع تطلب الراحة ولا تجدها .تهتف بالغمض ولا تجد سبيل إليه يؤرق مضجعها ذلك السليم الذي يشغل تفكيرها بتغيره الجذري معها 
فقد أصبح يحترمها يهتم بها أصبح لا يخجل من إظهار قلقه وخوفه وحتي حبه .علي وجيفها بإضطراب حينما فكرت ولو لوهلة في إمكانيه حبه لها .هل يمكنها وبعد كل ذلك الوقت إقناعه بالحب إقناعة بإمكانية برائتها رفعت يدها تواسي قلبها الحائر تذكره بثابت من ثوابت القدر والنصيب أننا لا نقابل الناس صدفه بل من المقدر لهم أن يعبروا طريقنا لسبب ما فلعل هذا السبب يكون حبا أو عشقا ابديا 
فخلدت إلي النوم وفي قلبها يتردد سؤال واحد 
ومتى الفؤاد بالتلاقي يهتني!
في قصر الغرباوية 
بعد إنتهاء صلاة الفجر خرجت قمر من غرفتها كي