رواية شيطاني كاملة
الحقېرة لهم و كأنهم عبيد لديه
بعد نصف ساعة دخل عمر مكتب شاهين و هو يرمق الاخر بنظرات ساخطة
شاهين ببرود مالك
عمر و هو يجلس على الكرسي المقابل له انت كل مرة تعمل كده و لا همك حد كان ممكن تديهم فرصة ثانية المهندسين دول هو صحيح تصاميمهم فيها شوية أخطاء بس ممكن تتصلح
شاهين باستهزاء أخطاء و تتصلح من امتى و انا بستعمل الكلمتين دول في قاموسي
عمر للأسف عارفك كويس بس
شاهين يعني من الاخر سيادتك عاوزني اسلم مشروع بالضخامة و الأهمية دي لشوية مهندسين مبتدئين
شاهين مقاطعا بصرامة و بالرغم من كل داه هو غلط غلطة كبيرة و انا نبهت عليه قبل كده أكثر من مرة و قلتله انه لو لقى اي صعوبة فهو ممكن يستعين بمهندسين من برا الشركة يكون عندهم خبرة اكثر و انت عارف كويس ان الكل بيتمنى انه يشتغل معانا هوالموظف الوحيد عندي اللي بيغلط و بديله فرص ثانية و كل داه علشان خاطرك انت متنساش داه
المهم سيبك من الموضوع داه كلها يومين و هو حيتصرف انا عارفه كويس قلي ظبطت سهرة الليلة
شاهين باستهزاء انت رجعت لادوارد داه ثاني البنات اللي عنده كلهم ژبالة مفيش واحدة فيهم دخلت مزاجي
عمر ما انت اللي شروطك صعبة الصراحة
و بعدين فين صافي بتاعتك
شاهين بوقاحة صوفيا تعبانة و لازمها فترة علشان
ترتاح و بعدين انا زهقت منها و عاوز اجدد
عمر بتقزز انت إيه يا أخي مش بتمل ابدا من القرف داه امتى حتفوق لنفسك و تنسى الماضي و
تخرج من المستنقع اللي انت فيه
شاهين بصرامة عمر يا ريت تقفل الموضوع داه و متتكلمش فيه ثاني انت تعمل اللي قلتلك عليه من غير مناقشة البنت تكون عندي الليلة
لوى عمر فمه بضيق قبل أن ينهض من مكانه و يغادر تاركا شاهين يتخبط وحيدا في ذكرياته
ليلا
في منزل زكريا
نعمة زوجة زكريا الأولى مالك ياخويا من اول ما جيت و انت مش على بعضك كده
زكريا عاوزة ايه يا نعمة بقالك ساعة بتزني فوق نفوخي قصري و هاتي من الاخر تعبان و عاوز ارتاح
نعمة بقالي ساعة بكلمك على البنت بطة قال إيه عاوزة تسافر عند خالتها سميحة اسكندرية علشان تحضر عيد ميلاد غادةبس انا قلتلها اخذ رأي أبوكي الأول
زكريا عيد ميلاد و كلام فارغ ايه مش فاضي و عندي شغل
بس يومين و حنرجع على طول
زكريا بتفكير ماشي على الاقل ارتاح من زنك
نعمة بثرثرة متجاهلة كلامه الاذع الذي تعودت عليه ربنا يخليك لينا و لا يحرمنا منك ابدا انا بكرة الصبح حنزل علشان أجيب الهدايا و بعد بكرة انشاء الله نسافر يااه وحشتني سميحة اختي جدا زكريا زكريا رحت فين يا راجل بكلمك سرحان في إيه
زكريا بملل و انت مالك يا ولية بتحشري مناخيرك دايما فللي ملكيش فيه فكري في عيد ميلاد بنت اختك و سيبيني في حالي
نعمة بردح نعم ياخويا هو ايه اللي مليش فيه مش جوزي و عاوزة اطمن عليك فاكرني هبلة و مش عارفة مالك دي كل المنطقة عارفة انك بتجري ورا بنت سعيد و هي مش معبراك
زكريا بشرود و لم ينتبه لصوتها العالي او كلامها مسيرها تلين و توقع في إيدي دا انا المعلم زكريا على سن و رمح حتلاقي زيي فين
نعمة بصوت خاڤت لا يصل اليه حنشوف و بعدين انا مالي مبقتش فارقة من يوم ما تجوزت
عليا العقربة اللي اسمها جميلة و انا بتوقع منك اي حاجة بس البنت كاميليا مش هاينة عليا تتجوز ثور زيك دي مهما كان صغيرة و حلوة و خسارة فيك مش زي
ضرتي الهي تتشك في نظرها قال جميلة قال
و هي شبه سنبل
