رواية المربية كاملة

ايه
دادة سعاد بصي يا بنتي بدر بيحب ايه بقى بيحب المكرونه البشاميل والفراخ المشويه والمسقعه باللحمه المفرومه ورق العنب مع البط وبيحب الكبده المتشوحه في الزبده وخدى بالك ان مش دي كل الاكلات بس دي معظمها في اكلات ثانيه طبعا هتعرفيها مع الوقت
رقيه ممكن يا دادا اعمل انا الاكل النهارده
سعاد طبعا عايزه تعملي ايه
رقيه مكرونه بالبشاميل وفراخ مشويه
دادا سعاد بابتسامه ماشي يا رقيه هطلع لك الحاجه واعملي انتي
وفي نفس الوقت وهما بيتكلموا تليفون رقيه رن بصت عليه لقيت نهال صاحبتها بتتصل بيها ردت ايوه يا نهال وحشتيني

نهال وانتي كمان وحشتيني قوي
رقيه ايه اخبار المحاضرات
نهال انا صورتها لك كلها بس انا كنت عايزة اسالك على حاجه.
رقيه طبعا اتفضلي.
نهال هتروحي الساحل مع بدر بيه
رقيه باستغراب ساحل ايه انا ما اعرفش حاجه عن الموضوع ده ورقيه سكتت شويه وراحت مكمله لنهال هو انتي عرفتي منين موضوع الساحل ده.
نهال اقول لك الصراحه انا ما بعرفش اخبي عليكي حاجه انت صاحبتي الوحيده
نهال اصل حازم صاحب بدر بيه المره اللي فاتت لما كنت عندكم راقبني وعرف السكن بتاعي ولقيته في مره بيخبط على باب السكن وبيقول لي عايز اتكلم معاكي ويا ريت لو نفطر سوا قلت له موافقه واتكلمنا فطرنا مع بعض.
رقيه بضحكه فيها لؤم بريء كمان فطرتوا مع بعض يا سيدي يا سيدي وايه كمان.
نهال بضحكه مايعه لا يا رقيه ما تفهمنيش صح بصي بقى يا ستي مع انه مدب حبتين ولسانه طويل بس الواد قمر ودمه خفيف الصراحه
رقيه يا سبحان الله اللي يشوفكم وانتم بتتخانقوا مع بعض ما يشوفكيش دلوقتي وانتي بتحكي لي.
نهال ما تكسفنيش بقى
رقيه طب خلي بالك وما تامنيش لحد بسهوله ويا رب يكون غرضه خير..
نهال ما تقلقيش ما يقدرش اكله والله وانتي عارفه صاحبتك .
رقيه ماشي يا حبيبتى ربنا يحفظك عموما ولما يجي بدر هشوف الموضوع ده وارد عليكي واشوف هيحصل ايه في موضوع الساحل واقول لك ايه اللي حصل.
وقفلوا مع بعض في القصر وبالليل بقى في القصر بدر وصل بعربيته اول ما دخل شاف رقيه وكاميليا راح قايل مساء الخير يا رقيه وبص الكاميليا وقال لها ازيك يا كاميليا يا حبيبه بابي.
كاميليا الحمد لله يا بابي
بدر بص على السفره وقال الله ايه الاكل الحلو ده ده الاكل اللي انا بحبه تسلم ايدك يا دادا يا سعاد
سعاد لا والله يا ابني مش انا اللي عملت الاكل ده دي رقيه اللي عملت كل ده
بدر بص لرقيه وقال لها هو بجد انت اللي عملتي الاكل ده طب لما ندوق بقى ونشوف الاكل حلو زي شكله ولا ايه وضحك وبص لرقيه .
رقيه بتبص له ومستنيه رايه في الاكل بتاعها.
بدر بدا يدوق في الاكل واندهش وفجاه بص الرقيه وقال لها واااااااااااااااااااااااو ايه الاكل الحلو ده ده انتي طلعتي كمان اكلك حلو
زيك يعني انتي ما فيش فيكي غلطه كده يا رقيه ..
رقيه بكسوف شكرا بجد الف هنا على قلبك
بدر اكل وقام وهو قايم قال لها رقيه عايزك في المكتب
رقيه حاضر يا بدر بيه
بدر انا مش هتكلم تاني في موضوع بيه ده
رقيه حاضر يا بدر انا جايه جايه المكتب اهو
دخلت رقيه المكتب وراحت مخبطه على الباب قبل ما تدخل طبعا
بدر اتفضلي يا رقيه
دخلت رقيه وقعدت على الكرسي اللي قدام مكتب بدر
بدر بصي بقى يا ستي كنت عايز اقول لك على حاجه
رقيه كنت عايز تقول لي على سفريه الساحل صح
بدر باستغراب وبعصبيه ايه ده عرفت منين بصوت حاد جدا ونبره صوته بدات تتغير هو انتي بتتكلمي مع حازم ولا ايه 
رقيه لا لا والله وهي متوتره وصوتها بدا يترعش ما حصلش ما حصلش استنى بس افهمني 
بدر امال عرفت منين وصوته ابتدى يعلى انطقي
رقيه نهال صاحبتي كلمتني وقالت لي الموضوع ده 
بدر باستغراب نهال !!!! وايه علاقه نهال بالموضوع
رقيه استنى بس هفهمك بس ممكن تهدا وبلاش عصبيه هفهمك كل حاجه والله.. والخۏف كان واضح عليها
بدر رد على رقيه وقال لها اتفضلي بعصبيه راحت رقيه حاكيه لبدر ايه اللي حصل بينها وبين نهال الصبح في مكالمتهم في التليفون
بدر سكت شويه قال لها