رواية المربية كاملة

  جميلة راحت بصلها وانت مالك واصلا انتي مين عشان تحاسبيه انتي مجرد خدامة عنده 
رقية اڼهارت من العياط وطلعت تجري بدر راح بصل لجميلة وضربها بالقلم وقالها اخرسي امشي اطلعي برا وطلع يجري ورا رقية اللي دخلت اوضتها مڼهاره ولقي نهال واقفة سابها ودخل ورا رقية واعد يقولها انا اسف حقك عليا في اي كلمة من الحيوانة دي جرحتك انتي ضفرك برقبتها وانتي هانم 
ورقية بټعيط باڼهيار 
بدر لرقية متعيطيش عايز افهمك الموقف ارجوكي بطلي عياط اسمعيني انا عايز أسألك انتي كنتي جاية اوضتي تعملي ايه لان دا هيفسرلي حاجة بتدور في دماغي 

رقية عمالة ټعيط ومبتبصش ناحية بدر اصلا 
بدر ارجوكي يا رقية اتكلمي وانا هشرحلك كل حاجة 
 بدر رقية بطلي عياط ارجوكي وانا هحكيلك وفعلا حكلها الموقف وربط المكالمة اللي جت لرقية بموقف جميلة وقالها اهدي وتسبيني اتصرف وحضري الشنط لاننا هننزل مصر الصبح وانا هجيبلك حقك دلوقتي وهخلي جميلة تعتذرلك زي ما هانتك قدامي
بدر ساب رقية ونزل وهو نازل كلم حازم وحكاله وقاله حصلني علي اللوبي تحت وكلم جميلة وقولها اني عايز اعتذرلها علي القلم اللي ضربتوهلها واني ندمان وخليها تجيب ليان معاها وقولهم اني عايزهم في اللوبي قاله اعتبر انه حصل 
بدر نزل هو وحازم وبعد شوية لقي جميلة وليان جاين وجميلة عاملة نفسها زعلانة منه ولسة بتكمل التمثيليه هي وليان واول ما شافت بدر 
قالتله انا مكنتش نازلة بس ليان وحازم اتحايلوا عليا 
بدر قالها ماهي لازم الحرباية تتحايل علي العقربة طبعا جميلة وليان اتصدموا والاتنين في نفس واحد انت بتقول ايه 
بدر بقول ان التمثيلية القڈرة اللي عملتوها علي رقية انا عرفتها وهتتصلوا تعتذروا برقية حالا وإلا 
جميلة بإستهزاء والا ايه يا بدر انت ناسي انا مين وبنت مين عايزني انا اعتذر لخدامة 
بدر قالها اخرسي دي اشرف وانضف منك وكلمة زيادة هقطع لسانك وانا عارف انتي مين عشان كدا بتكلم انتي بنت عاصم باشا صاحب شركة اسمنت اللي هي بتاخد كل الماتريال بتاعتها من عندي وبتليفون اقدر اوقفله كل شغلة ودا هيترتب عليه ان اسهم الشركة في البورصة هتنزل وبابي هيفلس وانتي مش هتلاقي عربية ولا فلوس ولا لبس تتمنظري بيهم علي خلق الله يا عقربة ها تتصلي تعتذرى انتي والتابع بتاعتك ولا اتصل انا بالموظفين بتوعي 
جميلة بغيظ وغل بتفكر لثواني وبعد ما فكرت انها فعلا ممكن تفقد كل حياتها وافقت انها تعتذر لرقية وقالت لنفسها ايه يعني ما هو محدش شايف حاجة واهي تعتبر لعبة خسړت
فيها وخلاص بس بابي ميخسرش فلوسه وانا ماخسرش حياتي 
وبالفعل جميلة اتصلت برقية واعتزرلتها عن اهانتها ليها وبدر خلاها تقولها ان هي اللي كانت عاملة الخطة دي وبص
لجميلة وليان بقرف وسابهم ومشي وحازم راح بصلها وهو مستعجب وقالها ايه كمية السواد دي جتك الارف ومشي ورا بدر 
يلحقة حازم هتعمل اية يا بدر بدر قاله هرجع مصر الصبح ان شاء الله قاله انا هرجع معاك مش هسيبك لوحدك حازم بيقول لبدر طيب ما تسبلي نهال اوصلها انا 
بدر قاله لا يا خفيف دي أمانة جت معانا وهترجع معانا 
في صباح الغد رقية جهزت الشنط ورجعوا كلهم علي مصر اول ما وصلوا القصر دادة سعاد حمدلله على السلامه وحشتوني اوي القصر وحش من غيركوا 
 ورقية والله انتي كمان وحشتيني يا دادة وواحشني احضر الفطار معاكي الصبح الاكل هناك مكنش ليه طعم مفيش احلي من اكلك