رواية صعيدية تحفة الفصول من السابع للعاشر

ساعه كان علي قد استغرق في نومه بفضل حبات المنوم التي وضعتها له في العصير تاكدت من نومه فااخذت المفتاح وغيرت ملابسها واخدت معها كل شيء يخصها هي واولادها وكانت مجهزه لذلك قبل مجيئه وذهبت مع اولادها الي الموقف وعادت الي البلد وهي تحمد الله علي ما كان وتدعو الله ان ان يحميها ويخلصها منه ولكن كانت قلقه من رد فعل ابيها فهي تحب علي ولكنها تحب اولادها اكثر وصلوا الي منزل العائله طرقت الباب فااذا بالحاجه سعاد تصرخ عندما رآت اثار الضړب والكدمات علي وجه ابنتها
الحاجة سعاد زينب بتي ايه الي في وشك ده مالك وفين جوزك ايه الي حصل قولي
ارتمت في احضان امها تبكي وتبكي........
في منزل فاطمة لم يكن الحال يسر ابدافهي علي يقين
ان زوجها منشغلا بغيرها ولكن كيف لها ان تعرف من تكون والي اي حال وصلت العلاقه بينهم
فاطمة واد يامروان روح كده قول لبابا انك عايز تليفونه تلعب بيه شويه
مروان ما انا معايا التابلت مش عايزه
فاطمة قوم ياواد وهاتلي التلفون واياك تقوله اني انا الي بعتاك فاهم
مروان حاضر هروح بس افرض مرضيش
فاطمة لا هيرضي انت بس زن عليه وقوله تليفون امي فاصل شحن
مروان حاضر حاضر بس تسبيني انزل الشارع العب مع العيال
فاطمة بنفاذ صبر طيب اتنيل انزل بس هاته الاول قبل ما ابوك يروح في النوم
ذهب مروان لوالده والذي كان قد اوشك علي النعاس
مروان بابا عايز التليفون بتاعك شوية
حسن تليفوني ليه ما انت معاك تابلت امشي ياض سيبني انام
مروان التابلت هنج معايا معلش معلش افتحولي يالا دا انا مروان حبيبك وبعد زن متواصل
حسن طيب هاته بسرعه ومتدهوش لحد فاهم
مروان حاضر حاضر
ذهب مروان مسرعا لامه واعطاها الهاتف المحمول قائلا بسرعه ياما واوعي ابويا يشوفك قالي متدهوش لحد انتي عايزاه ليه
زينب هات ومتسألش ملكش دعوة انت 
فتحت فاطمة الهاتف ووجدت اسم مسجل ب زكريا ومكالمات صادرة وواردة كثيره وهي تعلم ان زكريا هذا صديق لزوجها ولكنه بالسعودية منذ فترة لم تهدأ ففتحت الرسائل النصية والواتس وايضا حساب الفيس بوك الخاص به وهنا عرفت الحقيقه التي الجمتها وبسرعه اخذت اسكرين شوت لبعض المحادثات وسجلت الرقم وارسلتهم لهاتفها حتي تفكر ماذا ستفعل معه اتواجه ام ماذا ولكن ما قرأته كان يدل علي ان زوجها ليس فقط في نزوة ولكن يبدو الامر اكثر من ذلك مسحت دموعها واعطت ابنها الهاتف ليعيده لابيه
فاطمة خد ياولدي ادهوله
مروان مالك ياما في ايه انتي پتبكي ولا ايه
فاطمة لا ابكي ايه دا البصل يالا يالا وديه وانا هدخل اوضة اختك انام شويه مصدعه
مروان بقلق علي والدته طيب انزل اجيبلك حاجه للصداع
فاطمة لا ياولدي انا كويسة
ظلت فاطمة تفكر وتفكر ولكنها قد تعبت من التفكير هل هي من اضاعت زوجها بقلة اهتمامها به ام انه خائڼ والرجال خائڼون بطبعهم ولكن كيف له ان يفعل ذلك معها وظلت تبكي وهي تقرا المحادثات والكلام المعسول الذي يقوله لها اين هي من كل هذا ولكنها ستفعل اي شيء حتي لا يضيع منها ليس حبا بل امتلاكا فهو ملكها وفاطمة لن تسمح لأحد بأن ياخذ منها ممتلكاتها الخاصه 
ولكن ماذا ستفعل.....
عند خديجة كانت قد ذهبت مع حماتها عند الدكتور وكانت بإنتظارهم شيماء تنتظر عودتهم علي احر من الجمر فهي فضولية بطبعها وبها من الحقد ما كانت تتمني به ان تكون خديجة بها عيب يمنع الحمل لاسباب خفية وما ان عادوا حتي بادرتهم بالسؤال
شيماء خير عملتوا ايه قالكم ايه الدكتور
ام منير شكله دكتور عبيط مبيفهمش قالي التبويض تمام ومسألة وقت وكتبلها مقويات قال مقويات قال لما كل حاجه تمامحصلش ليه لدلوك حمل
خديجة انا عملت الي عليا وروحت اهه وحتي مرضتش اخلي منعم يجي معايا عشان تسألي الدكتور براحتك يامرت عمي مش كده
ام منير ما انتي اطمنتي بس انا الي لسه مش مطمنة وهشوف دكتور واتنين وتلاته غيره مش هسيبك غير لما تخلفي
شيماء معلش ربنا يكرمها من عنده كرمه واسع ياما
ام منير يارب يابتي بس انا برضه مش ههدأ
خديجة طب عن اذنكم هطلع اشوف منعم زمانه متعشاش ومستنيني
ام منير روحي ياختي طمنيه روحي ياختي
وما ان ذهبت خديجة حتي فتحت شيماء الحوار مجددا مع حماتها بصي ياما اعملي الي بقولك عليه وتعالي ناخدوها للشيخ منصور ونكحرتوها من الجبل يمكن تحمل ما انتي عارفه الطريقه دي مجربة
ام منير بس يابتي هي هترضي ولو رضيت جوزها ممكن يرضي
شيماء بصي انتي لا تقوليله ولا تقوليلها ناخدوها وكأننا هنزور قرايبك وعلي فجأة نعملوا الي يقول عليه الشيخ ايه رأيك
ام منير طيب سبيني افكر وادورها في دماغي
شيماء لم تكن خائفه علي خديجة بل كانت تود افتعال المشاكل ومضايقتها فقط لا غير ولكن هل ستنصاع حماتها لما قالت لا تعلم ولكن كما يقولون الزن علي الأذن امر من السحر فستتأخذ اسلوب الزن حتي تنفذ مرادها
في شقة خديجة فتحت الباب فذهب لها منعم بلهفه عملتي ايه 
خديجة ابدا كشفنا والدكتور قال مفيش حاجه وخلاص
منعم وامي كده هديت انا عارفها مش هتهدا ولا تستريح غير لما صبري ينفذ واضطر اقولها
خديجة لا اوعي سيبني اتصرف انا وبعدين خليها تاخدني للدكاترة براحتها يمكن كده تهدا وترتاح.
منعم طب وبعدين ياخديجة
خديجة اقتربت منه ووضعت نفسها بااحضانه ولا قبلين وبعدين مفيش وحشتيني ياخوخه ليك كتير مقولتليش كده ولا يعني خلاص مبقتش تحبني
منعم احبك انا لو الاقي حاجه اكبر من الحب كنت قدمتهالك انتي كل يوم بتعلي في نظري كفايه انك مستحمله كل ده ياخوخه عشاني
خديجة متقولش كده انت جوزي وحبيبي وكل حاجه ليا بالدنيا انا مش عايزاك تشيل هم وان شاء الله ربنا
هيكرمنا مفيش مستحيل عند ربنا
منعم يارب ياخوخه عارفه انانفسي اخلف بس عشان يبقي في حته مني ومنك في الدنيا دي لانك روحي ياخوخه ويوم المنا لما اخلف منك
خديجة انا بقا المهم عندي اننا نفضلوا كده ومتغبش عن عيني لحظه بحبك
قوووووووووي يامنعم
منعم وانا بمۏت فيكي ياروح منعم
في البيت الكبير منزل فاروق السوهاجي كانت الاجواء مشټعلة فلقد علم الجميع بما حدث مع زينب بعدما هدأت وحكت كل ما حدث وكيف جاءت اليهم بصعوبه
الحاج فاروق يتصل بااشخاص ويأمرهم بأن يأتوا بعلي من اي مكان يتواجد به
يونس يعني ازاي تسبيه يمد ايده ومش مرة لا كتير وياخد دهبك الحقېر الواطي قليل الأصل ومتقوليش ليه معندكيش اهل ولا ايه ياختي وكمان مدمن والله لاوريك وادفعك التمن غالي
رقية اخذت الاولاد لغرفة بناتها بعدما احست برعبهم وخوفهم الظاهر سما العبوا سوا ومتتشاقوش ومتخرجوش من الاوضه
سما حاضر ياماما
مريم طنط رقية هو جدي ھيموت بابا زي ما بيقول
رقية لا ياحبيبتي جدو بيقول كده عشان هو زعلان من بابا لكن مفيش حاجه هتحصل باذن الله يالا العبوا
محمد يارب جدي يموته ويريحنا منه دا قرفنا اخر قرف
رقية لا ياحبيبي انت ملكش دعوة بكلام الكبار مهما كان ابوم يالا العبوا وانتي ياسجي متنزليش تحت
سجي حاضر ياماما
وفي الاسفل
الحاجه سعاد تتشل ايده وتتكسر رقبته علي صدره البعيد بتي انا يحصل فيها كده
زينب انا قولت اصبر يمكن ينصلح حاله بس كل يوم بقا انيل من الاول غير الضړب والشتيمة وقفلته الباب علينا ولولا اني افتكرت ان كان عندي حبوب منومه كان مديهالي الدكتور لما وجعني ضهري ومكنتش بنام من فترة قولت مبدهاش انيمه وامشي وجيت علي هنا علطول
آدم طب ياخيتي مش تقولي هو احنا مش هنجبولك حقك افرضنا كان موتك
الحاج فاروق يونس تروح انت وآدم والرجالة تجبولي الواد ده من تحت الارض انا هعرفه مين فاروق السوهاجي وكيف انا اعمل للي يهين بت من بناتي
زينب هو اكيد لسه نايم دا انا اديته منوم كتير
يونس يبقي نروحوا علي شقته ونجيبوه من قفاه
الحاج فاروق ولو ملقتهوش تجبهولي من اي حته من الي بيغور فيها اما وريتك ياابن المركوب مبقاش انا فاروق السوهاجي قومي يابت استحمي والبسي احلي لبس وكلي واشربي وميهمكيش انا هخليه يبوس رجلك ومش هسامحه برضه معاش ولا كان الي يذلك
الحاجه سعاد يالا يابتي اسمعي كلام ابوكي وكلي لقمه وارمي عشرة انتي هنا ست البنات وبيت ابوكي مفتوح بحسه
زينب بااطمئنان ربنا يخليكم ليا
رقية ربنا يصلح الحال يارب
زينب يارب تشكري ياخيتي وكلتي العيال وغيرتيلهم كتر خيرك وايدك موجوعه
رقية دول زي بناتي متقوليش كده
الحاجه سعاد طب روحي حضري العشا ايدك المحروقة الشمال مش اليمين تلاقيها علي لحم بطنها من الصبح
رقية حاضر من عنيا حالا
الفصل التاسع
حينما تبدوا الأيام كسواد الليل شديد الظلمة نعتقد ان الحياة ستنهي ولكن يفأجئنا القدر باانه كلما زاد الضيق اقترب الڤرج......
لم ينم الجميع فالحاج فاروق ظل منتظراحتي يأتوا له بعلي فهو كرجل صعيدي حر لا يحب ان يتنازل عن حقه او ينام دون اخذه فهو من البدايه كان غير راضي علي زواجه بإبنته الرضا الكامل ولكنه لم يجد وقتها سببا للرفض فكان علي يمتلك مطعما شهيرا ولكنه خسر كل شيء ولم يتركه الحاج فاروق وساعده كثيرا ولكن كل مشاريعه باءت بالفشل وكان ينصح ابنته بالصبر والوقوف معه فهو زوجها والمرأة الصعيديه خير من تقف بجوار زوجها وتسانده ولكن عندما وصل الامر لاهانة ابنته هكذا فلا غفران ولابد ان يأخذ حقها منه ويجعله عبرة لمن لا يعتبر...
انفردت زينب بغرفتها بعد ان نام اولادها محمد بغرفة آدم ومريم بجوارها بكت بكاءا شديدا وهي تنظر لنفسها 
رقية تطرق الباب مستئذنة بالدخول
زينب اتفضل يالي بتخبط
رقية ايه الجمال ده يازوزو الله اكبر عليكي
زينب صح يارقية ياخيتي
رقية طبعا وبعدين بصي للمراية قمراية والله
زينب انتي مشفتنيش قبل الجواز دا انا انطفيت بسببه البعيد
رقية معلش نصيب بس والله انتي زي القمر وبنوتك شبهك ملاك وهي نايمه
زينب عارفة البت دي من
عمايل ابوها بقت تترعب ومتنمش غير جمبي وبتقوم من النوم تصرخ وتقول كفايه يابابا
رقية متأثرة ربنا يهدي الحال
زينب الف سلامه علي يدك وصممتي تاخدي بالك من عيالي لحد ما هديوا وانتي ايدك باينلها متعورة ولا ايه
رقية لا ده حړق بسيط ومن اول ما حطيت المرهم خف عن الاول الحمد لله
زينب خدي بالك من نفسك الف سلامة
رقية الله يسلمك
زينب هما لسه مجوش ولا ايه
رقية لا محدش لسه جه هو انتي متعرفيش بابا هيعمل فيه ايه.
زينب انا معرفاش ابويا هيعمل ايه بس عارفة نفسي كويس هعمل ايه
وبينما يتحدثون سمعوا صوت عالي بالأسفل فتيقنوا انهم قد اتوا....
زينب بتوتر جم صح
رقية وهي تنظر من اعلي الدرج ايوة كلهم تحت بس استني احسن يكون في حد غريب استني