رواية رشا الجزء الثالث

رواية شيقة بقلم رشا مجدي الجزء الثالث
الحلقة 12
تدخل الحاجه هانم شقة محمود وهى تتفحص وجهه جيدا يتبعها خالد ويغلق محمود الباب وهو مندهش من خضورة على الصباح هكذا .
محمود اخباركم إية فية حاجه الحاج حسين كويس  
هانم وهى تجلس على الاريكه كلنا بخير يا حبيبى وتشير لة ليجلس بجوارها فيحلس محمود بجوارها .
لتكمل الحاجه هانم أخبارك إنت إية  
محمود كويس الحمد لله 
هانم وطليقتك... اخبارها اية 
ليهب محمود واقفا پغضب اسمها رنا يا حاجه ..مش طليقتى ..
هانم يعنى رجعتها لعصمتك  
محمود مفمغما بصوت منخفض لا 

هانم وقايم محموق اوى وإسمها رنا يا حاجه .
محمود فية إية يا حاجه  
هانم وهى تنظر لة بصرامه مرجعتش رنا لية لحد دلوقتى  
محمود مش راضية إلا لما اتغير .
هانم واتغيرت يا بية 
محمود بحاول اهه 
خالد بتحاول !! بقالك 3 شهور بتحاول ..لية  
محمود بحدة ماهو اللى إيدة فى المية بقى يا سي خالد .
خالد بحدة مية إية يا محمود !!معلش يعنى إنت السبب فى اللى انت فية دا واللى ولادك ومراتك فية .
هانم صاړخه خالد 
ليكمل خالد حديثة بدون توقف دايما حابسها لا بتخرج ولا بتروح ولا بيتيجى .. الغريب حنين عليها منك يا اخى ..قلت لها إمتى كلمه حلوة ولا سهرت معاها سهرة حلوة دا كويس أوى إنها إستحملت 20 سنه وجاية تتكلم والبية يقول لسة بيحاول ..على كدا بقى رنا دى جبل إنها إتحملتك وإتحملت غيرتك وشكك السنين دى كلها !
محمود صارخا وهو يمسك خالد من تلابيب قميصة وانت عرفت دا كلة منين هيه اللى قالت لك ولا إشتكت لك عرفت منين يا خالد إنطق عرفت منين اللى بينى وبين مراتى  
خالد بسخرية حتى أخوك إبن امك وابوك بتشك فية ! منتظر منها إية مالك يا محمود بتشك إن فية حاجة بينى وبينها كمان 
هانم بس يا خالد .
خالد وهو يلتفت لها ويقول لا يا حاجة ..كفاية ظلم منه ومننا ليها بقى .هو ظلمها بطريقتة وإنتى عارفاها كويس يشكه وغيرته وبردة مرحمتيهاش قعتى تتكلمى وتنبطى وتحرجى فيها ..لية مش قادرة تقولى إن ابنك بيغير عليها مننا .. إحنا إخواته 
محمود صارخا اه ..اه بغير عليها منكم منك إنت يا خالد لانك قريب اوى منها لما بتضحك معاك ببقى عايز اجيبها من شعرها ضحكتها دى ليا انا بس. . ايوة يا ماما ..بغير عليها منهم من إخوانى ومش بس كدا لا بغير عليها من مراتتكم كمان .هم مش ستات زيها بس بخاف وبغير عليها منهم ومن حقدهم عليها .
يتنفس بسرعه ويكمل بغير عليها من الهوا اللى بيلمسها بخاف عليها من نظرة ممكن تجرحها لما بخرج معاها يكون ماشى يتلفت حواليا اشوف مين ممكن يتجرأ ويبص عليها .. 
إنت عمرك ما هتعرف أنا بحبها قد اية لانك عمرك ما حبيت مراتك .
تجحظ عيناى خالد وهانم ليكمل محمود ايوه عمرك ما حبيتها أنا بشوف دا فى نظرة عينيك ليها . رنا دى انا حبيتها من وهية فى إعدادى كنت بروح عند فريد اخوها لمدة 8 سنين علشان اشوفها بس . كبرتوعلى ايدى كنت أنا أول حب فى حياتها كنت أنا أول راحل فى حياتها علمتها كل حاجة وخفت ..اه خفت من الناس عليها ..الناس بيستكتروها عليها .. هيه حلوة اه بس مش علشان الحلاوة بغير لا .. كفاية ضحكتها ولا طيبتها حتى سزاجتها. برائتها .
يلتفت لة ويشير لة بيد مرتعشة تنكر إن مراتك باغير منها ..تنكر إن مرات حسام يتغير منها . تنكر انكم إخوانى بينكم وبين نفسكم كنتم بتتمنوا واحدة زى رنا .خالد بحدة مننكرش بس زيها فى هدوئها وعقلها فى إحساسها ..
محمود مقاطعا وموجها حديثه لوالدته أهه ..قال اهه .يبقى أنا عندى حق اخفيها عن الكل .
هانم بس كدا غلط .والنتيجه اهه مستحملتس و إطلقت .. إخواتك عمرهم ما يبصوا لحاجه ليك ..دول دمك .
محمود عارف ..عارف انا بعرفكم انى عارف كل واحد جواه إية .. بس بردة ما قلتش عرفت منين  
خالد من نظرة الخزن والانكسار اللى فى عنيها . من ضحكتها اللى بتحاول تدارى بيها ۏجعها