رواية رشا الجزء الثالث

انت قول لماما دلوقتى وشوف رأيها ..وانا هبقى اقول لبابا بكرة ان شاء الله بعد الغدا .إية رايك  
مصطفى فكرة كويسة 
تخرج آية ويرن هاتف مصطفى وتكون ياسمين 
ياسمين الو 
مصطفى بنت حلال ..كنت لسة هطلبك 
ياسمين فية إية. .صوتك مالة  
مصطفى موضوع كدا شاغلنى ..وحكى لها مصطفى. 
ياسمين انا من رايك ..تكلم ماما وتقول لها مباشرة 
مصطفى بحرج مش عارف أبدأ إزاى !
ياسمين إبدأ على طول وقول لماما مهندس يازيد طلبك للجواز وانا آية موافقين .
مصطفى والله انا وآية كل اللى يهمنا سعادة ماما سواء بقى مع بابا او يازيد او اى حد تانى ..هية تعبت كتير ومن حقها شوية سعادة وراحة .

ياسمين خلاص روح قول لها كدا ...يمكن هية رفضت المرة الاولى علشان خاېفة من انكم تزعلوا لو وافقت على الجواز واعتقد دا حقها فى فرصة تانية ..ولا اية  
يدخل أحمد لغرفة ياسمين ويستمع لجملتها الاخيرة 
مصطفى أنا معاكى ومش ومعترض وخلاص هروح اقول لها واعرفك إية اللى حصل. .سلام .
ياسمين ابقى طمنى ..مش هنام اللى لما اعرف اللى حصل. 
مصطفى ماشى. ..سلام مؤقت .
ياسمين سلام 
أحمد مين اللى من حقها تتجوز  
ياسمين بتوتر طنط رنا 
احمد بدهشة هية هتتجوز !!
ياسمين لا. .بس متقدم بها جارهم وهية رفضتة قالتوان المبدأ مرفوض ورجع طلبها تانى من مصطفى. 
أحمد يعنى هية ممكن توافق ولا إية  
ياسمين مش عارفة 
أحمد بإهتمام لما مصطفى يرد عليكى ابقى بلغينى ردها .
ياسمين بقلق لية يا بابا هو الموضوع دة ممكن يأثر على جوازنا 
ينظر لها احمد مفكرا ثم يقول لا ...بس الصراحة كدا يعنى أنا ...أنا عايز اتقدم لها .
ياسمين وقد فتحت فمها وهى غير مصدقه وتغمض عينيها وتفتحهما عده مرات فى محاولة منها لاستيعاب ما سمعتة ثم تقول إية ...عايز تتجوزها 
أحمد بتوتر شوفى يا ياسمين ..أنا مش هخبى عليكى هية ست محترمة وهادية جدا .وأنا قلت أخليها تشتغل معايا فى الشركة علشان تقرب منى وتعرفنى اكتر علشان لنا اتقدم لها ... عارف ان الموضوع شائك ..بس أنا مكنتش هتكلم دلوقتى ابدا بس طالما فية واحد تانى يبقى اعرف هية هترد تقول إية علشان اعرف .... بس إوعى تقولى لمصطفى اى حاجة دلوقتى ..
ياسمين پصدمة إستحالة اقولة حاجة دلوقتى ..مش عارفة رد فعلة هيكون إية ولا رد فعل عمومحمود  
احمد طب هو رد فعلة إية بالنسبة للعريس اللى متقدم .
ياسمين هو مش عندة مانع ...هو اهم حاجة عندة سعادة طنط وإنها تكون مبسوطة ومستريحة لانها تعبت كتير .
أحمد بإرتياح طب الحمد لله .. يعنى المبدأ فى حد زاتة مقبول .
يتقدم منهما نور
نور بضحك بتعملوا إية  
ياسمين بضحك تعال يا نور واشترك معانا بالمرة 
نور ضاحكا شكلكم زى ما تكونوا بتحضروا لحاجة. .إية  
ياسمين بوحوم صح ... عندك حق ..بنخطط لمصېبة .
نور ضاحكا يا ساتر يا رب ...مالك يا رية فيكى إية انتى وسکينة 
ياسمين بإبتسامه ساخرة لا أبدا ...بابا عايز يتجوز حماتك 
نور ضاحكا حماتى مين ..طنط رنا  
ياسمين اه 
نور يزداد فى ضحكة يبقى بالشفا عليك يا معلم اللى هيتعمل فيك من خالتى وعمو محمود 
أحمد تصدق بالله انك واد سقيل قوم يا نور من هنا ..
نور لا دا انا هظبطك يا معلم ...متزعلش 
احمد هو انا منتظر منك إنت تظبطنى ...قوووم يا نور 
نور ضاحكا متزقش بس ..انا هقف معاك زى ما انت وقفت معايا يوم خطوبتى ..وابقى افتكر الجمايل دى .
احمد يعنى هتعمل إية  
نور هرفع لك راسك فى العلالى واكلم لك آية ومصطفى. 
أحمد ضاحكا والله هتتقلب فرخة قدامهم وترجع لى
نور ضاحكا يا شماتتة الاعادى فيك يا نور انت وابوك 
احمد ضاحكا مكنش يومك يا نور 
ويضحكون سويا 
ياسمين تنظر لهم بغيظ والله عااال ..انتم قاعدين تهزورا وفية بلوة ممكن تحصل لو طنطن رنا وافقت !!
سكت احمد ونور ونظروا لبعضهم البعض وظهر القلق عليهم 
لتطمل ياسمين لازم انكد عليكم كدا 
نور البت دى من معسكر الاعداء 
احمد حبة جد بقى.. ياسمين اول ما مصطفى يرد عليكى قولى لى على طول .وانتم محدش بفتح الموضوع دة لا مع مصطفى ولا آية ...لحد لما امهد انا ...ماشى 
ياسمين ونور ماشى 
يدخل مصطفى لغرفة رنا
مصطفى رنوش بتعملى إية 
رنا قاعدة شوية