رواية تاني حب

هنا واشوف كامل بعد اللي قاله عليا.
سميحة بحزن ودموعها بدأت تنزل من عينيها لانها حقيقي اتعلقت بفريدة وهي اللي ربتها بعد ما مامتها ماټت ووصت سميحة عليها وبابا فريدة سافر واهتم بحياته وشغله ونسى فريدة وسميحة لوحدها اللي
اتحملت مسؤوليتها وخصوصا بعد ما جوزها ماټ هو كمان وسبلها كامل وشهد ومن اليوم ده وسميحة اعتبرت ان فريدة بنتها وعمرها ما فرقت بينها وبين كامل وشهد بالعكس كانت بتدلعها اكتر منهم ويمكن دلعها الزيادة ده هو اللي تعب فريدة دلوقتي.

سميحة بحزن عايزة تسيبيني يا فريدة وتروحي تعيشي مع باباكي بعد العمر ده كله.
فريدة مش هقدر اعيش هنا بعد كده يا طنط صدقيني.. انا كل ما افتكر الكلام اللي كامل قاله عليا قلبي بيوجعني اوي.. كان نفسي اموت قبل ما اسمع الكلام ده من كامل
سميحة بعد الشړ عليكي يا حبيبتي.. يعني انتي كنتي عايشه معايا هنا عشان كامل بس يا فريدة.
فريدة انا حياتي كلها كانت هنا وكنت فاكره اني هكمل كل حياتي معاكم في البيت ده.
سميحة ده بيتك يا فريدة وانا مش هسمحلك انك تخرجي من هنا ابدا ولو خرجتي من هنا يبقى انتي عايزة تموتيني من الحزن عليكي.
فريدة وهي پتبكي ربنا يخليكي ليا انا مليش غيرك في الدنيا دي كلها.
سميحة يبقى تسمعي كلامي ومتبكيش ابدا عشان خاطر حد حتى لو كان كامل وزي ما هو ابني انتي كمان بنتي وفي نفس غلاوته عندي هو وشهد وانا مش هسمحلك تدمري حياتك عشان خاطر كامل أو غيره وموضوع الجواز ده قسمه ونصيب ويمكن ربنا هيعوضك بزوج يحبك اكتر من كامل.
قعدت فريدة تسمع كلامها وهي رافضه فكرة انها تكون لحد تاني غير كامل وفي نفس الوقت هي مستحيل تكون ل كامل بعد اللي سمعته منه والحل الوحيد كان انها تقبل قرار كامل بأنهاء الخطوبه وتجرب تبدأ حياتها من جديد يمكن فعلا تقابل حد يحبها من قلبه بجد. 
خدتها سميحة في حضنها مرة تانيه وقالتلها انتي لسه قدامك العمر طويل وفي حياتك حاجات كتير تشغلك عن موضوعك مع كامل . اهتمي بدراستك وعوضي اللي فاتك وركزي في مستقبلك وصدقيني يا فريدة وقتها هتلاقي كل حاجة اتغيرت للاحسن.
مسحت دموعها وهي بتبص لمرات عمها بتفكير وابتسمت لها سميحه وقالتلها هسيبك ترتاحي دلوقتي عشان تصحي تروحي جامعتك الصبح وموضوع انك تسافري عند باباكي ده تنسيه خالص.
هزت فريدة راسها بالايجاب وخرجت سميحة من الغرفة وبكت فريدة مرة تانيه وهي بتحاول تقنع نفسها ان حكايتها مع كامل خلاص انتهت وهو دلوقتي ابن عمها وبس ولازم تتعود تعيش من غيره وتشيل حبه من قلبها...بقلمي ملك إبراهيم. 
... يتبع 
كامل كده اختار نفسه وقرر يعيش تاني حب مع مها!! تفتكروا هيسمح لفريدة تعيش هي كمان تاني حب مع شخص غيره عايزة تفاعل حلو على البارت وصلوا ل 3000 تعليق عشان انزلكم بارت هدية بمناسبة ان بكره اجازة وسهرانين
رواية تاني حب الحلقه السادسه بقلمي_ملك_إبراهيم حصريه وجديده 
هزت فريدة راسها بالايجاب وخرجت سميحة من الغرفة وبكت فريدة مرة تانيه وهي بتحاول تقنع نفسها ان حكايتها مع كامل خلاص انتهت وهو دلوقتي ابن عمها وبس ولازم تتعود تعيش من غيره وتشيل حبه من قلبها. 
صباح اليوم التالي.
كانت فريدة صاحيه من بدري وتقريبا منمتش طول الليل وهي پتبكي ومش قادرة تصدق اللي كامل قاله عليها وصډمتها فيه كانت أكبر واول صدمة في حياتها وفي النهايه قررت انها تسمع كلام مرات عمها وتهتم بدراستها ومستقبلها وتتعامل مع كامل علي انه ابن عمها وبس. طبعا الفكرة نفسها كانت بالنسبه لها صعبه وشبه مستحيله بس كلام كامل ۏجعها وكسر قلبها وكانت لازم تسترد كرامتها قدام نفسها وتعرف قيمتها وزي ما مرات عمها قالتلها ان مفيش حد يستاهل انها تضيع حياتها عشانه ولازم تبدأ بداية جديدة.
بصت في الساعه وكانت 6 صباحا ولسه بدري على ميعاد الجامعه. وقفت تفكر تعمل ايه في الوقت ده مفيد غير انها تفكر في كامل وعايزة تعود نفسها متفكرش فيه تاني وتخرجه من حياتها ويبقى فعلا بالنسبه ليها ابن عمها وبس.
فتحت خزانة الملابس بتاعها وهي بتفكر وخرجت لبس رياضي وقررت انها تنزل تجري وتخرج الۏجع اللي جواها في الرياضة. 
غيرت لبسها ورفعت شعرها لفوق واخدت الايربودز بتاعها عشان تشغل اغانيها المفضله وخرجت من غرفتها ونزلت على تحت ودخلت المطبخ لانها عارفه ان مرات عمها بتصحى بدري وبتحب تجهزلهم الفطار بنفسها. 
فريدة صباح الخير يا طنط.
ابتسمت سميحة وبصتلها ولقتها نازله لابسه لبس رياضي وواضح عليها التعب والاجهاد صباح الخير على اجمل بنت في الدنيا.
قربت منها فريدة وقبلتها من خدها وقالتلها هستأذنك اروح اجري شويه عايزة ابدأ يومي بدري. 
سميحة بحنان ماشي يا حبيبتي بس خلي بالك من نفسك.
ابتسمت فريدة وقبل ما تتحرك وقفتها سميحة تاني استني يا فريدة خدي مايه معاكي.
ضحكت فريدة انا كنت ناسيه المايه.. شكرا يا طنط ربنا يخليكي ليا.
ابتسمت لها سميحة وهي حاسه بالۏجع اللي فيها وعارفه انها بتحاول تخرج ۏجعها وحزنها في اي حاجة.
خرجت فريدة من البيت وهي بتستعد تبدأ يومها بنشاط. 
مشيت وهي بتستمتع بالهوا البارد وراحت للمكان المخصص للجري في الكومباوند اللي ساكنه فيه.
اكتشفت ان في عدد كبير من الناس هنا بيبدؤ يومهم بالرياضه وكانت حاسه بالراحة جدا في المكان وسط الخضره وريحة الزهور اللي حواليها في كل مكان اخدت نفس عميق بارتياح وخرجت معاه كل الۏجع والحزن اللي جواها وشغلت الاغاني اللي بتحبها وبدأت تجري. 
بقلمي ملك إبراهيم. 
في البيت صحيت شهد وراحت غرفة فريدة تطمن عليها وتسألها هتروح معاها الجامعه النهارده ولا لأ.
خبطت كتير على غرفتها وملقتش رد قلقت عليها وفتحت الباب واټصدمت لما لقت الغرفة مترتبه وفريدة ملهاش اثر. خاڤت ان
فريدة تكون عملت مصېبه تاني واتوقعت انها مكانتش نايمه في البيت زي المره اللي فاتت وجريت على غرفة مامتها وملقتش مامتها برضه وراحت علي غرفة اخوها وخبطت بقوة وفتح لها كامل بقلق وهو بيكمل لبسه عشان يروح شغله.
شهد كامل انا مش لاقيه فريدة في اوضتها وشكلها مكانتش نايمه في البيت الليلة دي كمان!
بصلها پصدمة وافتكر مكالمة عمه واتوقع ان فريدة سابت البيت وخرج بسرعه من غرفته على غرفة فريدة واول حاجة عملها انه فتح دولاب اللبس بتاعها عشان يتأكد هي اخدت لبسها ولا لأ وارتاح لما شاف لبسها وكل حاجاتها مكانها.
اتكلمت شهد بقلق هنعمل ايه دلوقتي يا كامل 
زعق كامل بعصبيه وهو حاسس انه خلاص هيتجنن من عمايل فريدة انا زهقت منها ومن عمايلها وحقيقي مش عارفه اعمل معاها ايه.
خرج من غرفة فريدة وشهد ماشيه وراه قلقانه ونزلوا على تحت وكانت مامتهم جهزت الفطار. 
كامل قرب من مامته واتكلم معاها پغضب شوفتي يا أمي عشان تعذريني لما قولتلك ان فريدة عمرها ما هتتغير.
سميحة مكانتش فاهمه هو يقصد ايه وسألته بقلق في ايه ياكامل انا مش فاهمه حاجة! فريدة عملت ايه
اتكلمت شهد بقلق فريدة مش موجودة في البيت يا ماما وشكلها مكانتش نايمه في اوضتها من امبارح.
بصتلهم سميحة پغضب فريدة فعلا مش موجودة في البيت دلوقتي بس كانت نايمه في اوضتها طول الليل ومخرجتش من البيت غير الصبح بدري..
بصت ل كامل وكملت كلامها وخدت اذني قبل ما تخرج.
كامل بص لمامته پصدمة وسألها خرجت راحت فين الصبح بدري كده! 
سميحة راحت تجري. 
هز كامل راسه وقال بسخرية وطبعا هنلاقيها راجعه بمصېبه دلوقتي!
سميحة بنبرة حادة كامل .. انا مش هسمحلك تدخل في حياة فريدة تاني.. انا اتكلمت معاها امبارح وفهمتها ان موضوعكم انتهى وخلاص خلصنا ملكش دعوه بيها تاني وانا المسؤوله عنها.
كامل اټصدم لما مامته قالتله انها عرفت فريدة ان موضوعهم انتهى.
اتكلمت شهد پصدمة موضوعهم انتهى يعني ايه يا ماما
بصتلها مامتها وقالت يعني كامل وفريدة مش هيتجوزوا يا شهد وخطوبتهم انتهت خلاص.
بصت شهد ل كامل وسألته ليه كده يا كامل دا انت وفريدة بتحبوا بعض من زمان. 
سميحة پغضب وهي بتبص ل كامل ده كان قرار كامل يا شهد وهو اللي اختار كده وفريدة احترمت قراره وان شاء الله ربنا هيعوضها بلي يحبها ويستحملها بكل مشاكلها.
كامل بص لمامته پصدمة لما قالت بكل بساطة ان فريدة ممكن تقابل واحد غيره ويحبها وياخد مكانه في قلب فريدة وحياتها مجرد التفكير ان ده ممكن يحصل جننه طول عمره وهو عارف ان فريدة له هو ومستحيل تكون لحد تاني طب ليه اخد القرار ده وكان شايف انه صح وانه مش هيكون مرتاح لو كمل مع فريدة واكتشف دلوقتي انه مستحيل يوافق
ان فريدة تكمل مع غيره!
كملت سميحة كلامها وهي بتقوله على فكرة فريدة سمعت كل كلامك معايا امبارح وعشان كده اتصلت ب باباها وكانت عايزة تمشي من البيت بس انا رفضت انها تخرج من البيت هنا لانه بيتها زيك وزي اختك بالظبط.
بكت شهد بحزن وقالت ليه كده يا كامل دي فريدة بتحبك اوي وانت كمان بتحبها.
سميحة پغضب وهي بتبص لابنها اللي كان شارد ومصډوم من الكلام اللي بيسمعه كامل عارف مصلحته يا شهد. 
كامل اټصدم اكتر لما عرف ان فريدة سمعت كلامه عنها يعني كده هو وفريدة موضوعهم انتهى رسمي وقراره ده مبقاش ينفع فيه رجوع كان متلخبط وحاسس انه اتسرع في قراره ده وانه ميقدرش يعيش من غيرها وكان لازم ياخد وقت اكتر يفكر.
في الوقت ده دخلت فريدة البيت وهي بتبتسم وكلها طاقه وقلبها طبعا دق اول لما شافت كامل قدامها وكان لازم تبتسم اكتر وهي بتقرب منهم عشان تثبتله ان كلامه موجعهاش وموضوعهم اللي انتهى مأثرش فيها.
فريدة بابتسامه صباح الخير.
لاحظت التوتر اللي بينهم وبكاء شهد وڠضب مرات عمها وكامل اللي بيبصلها بنظرة غريبة اول مرة تشوفها في عينيه. 
فريدة في ايه
ردت عليها سميحة مفيش يا حبيبتي اطلعي يلا غيري هدومك بسرعه وانزلي عشان تفطروا قبل ما تروحوا الجامعه.
هزت فريدة راسها بابتسامه واتحركت عشان تطلع على غرفتها وبعدين وقفت مكانها وافتكرت الدبلة بتاعها وخرجتها من الجاكيت اللي كانت لبساه ورجعت تاني بخطوات مرتبكة وحاولت تظهر قوتها وثقتها في نفسها ووقفت قدام كامل.
كامل بصلها من غير ما يتكلم وهرب كل الكلام قصاد عينيها ولأول مرة يحس ان مش من حقه يتأملها ويبص في عينيها.
اما فريدة قلبها كان بيدق بسرعه وذكريات كتير جمعتهم كانت بتظهر قدام عينيها وقلبها مش قادر يصدق انه المفروض ميدقش ل كامل تاني وصوت كامل وهو بيتكلم عليها مع مامته وكل كلمة قالها كانت بتتردد جواها تاني وكأنها سکينه بتقطع في قلبها