ايططط
رواية اية كاملة
اوي
عمر طب كويس ان المكان عجبك و لسه ساعه الغروب المنظر من هنا حلو اوي
ملك الله انا متحمسه اوي يلا نتصور
عمر انتي بتحبي التصوير بس بلاش نتصور خلينا نتأمل في خلق الله المنظر هنا جميل شوفي قدره الله في خلقه آثم من لم يتدبر خلق السموات و الارض
ملك عندك حق فعلا
عمر و نبقي نتصور بعدين
بنت٢اه عسول اوي و جنتل كده في لبسه و عيونه لون البحر و لا شعره حلو اوي و قمور كده و هو مربي دقنه
ملك لنفسها ايه قله الحيا دي ازاي يتكلموا عن جوزي كده و بيبحلقوا فيه كده ده انا بتكسف ابص في عنيه
ملك يلا نرجع
عمر خلينا شويه المنظر حلو
ملك الظاهر انك عاجبك الكلام ان كنت هتفضل انا همشي
.................................
سالي اول خطه نجحت و اتخانقوا الي يضايق الست ان حد يكلم عن جوزها و خصوصا لو جوزها حلو زي عمر و اكيد هي افتكرت ان عمر عجبه الكلام
منار يخربيت دماغك هو انتي الي بعتي البنات دول
سالي اه ايه رأيك في دماغي
منار دماغ شيطان
.............................
ملك مفيش عايزه انامي
عمر طب مش هتتعشي
ملك لا مش جعانه و سبني عشان عايزه انامي
ملك عمر بطل تلعب في شعري انا عايزه انامي
عمر ممكن اعرف انتي زعلانه ليه انا عملت ايه
ملك و كمان مش عارف عملت ايه
اكيد عجبك كلامهم و هم بيتكلموا عن جمالك و انا مش فارقه معاك
عمر طيب اهدي و اسمعيني
عمر امسحي دموعك و اسمعيني
اولا يا حبيبتي انا كلامهم ده ما يفرقش معايا
ملك يعني كنت سامع و عاجبك الكلام
عمر سبيني اكمل كلامي
انا سمعت كلامهم بس ما اهتمتش في حد يكون معاه القمر و يبص لنجوم
ملك اضحكي عليا بكلمتين
عمر مش محتاج اضحك عليكي عشان انتي الي في قلبي و محدش يقدر ياخد مكانتك و بعدين انا اصلا ما بصتش ليهم و مكنتش واقف عشان مهتم بكلامهم انا كنت واقف بتابع الغروب و بعدين دول بنات عندهم قله حيا ربنا يهديهم و لو مش مصدقاني انتي حره
و ما الغيره الا بيان للحب
ملك يا عمر ما تزعلش بقي انا غلطانه
يا عمر رد عليا
عمر قولتلك قبل كده دموعك غاليه عندي و مش عايز اشوفها
ملك ما انت زعلان مني
عمر خلاص مش زعلان بس انتي اهدي
ملك انا غلطانه يا عمر بس انا انانيه في حبي جايز عشان انا البنت الوحيده و متعودتش حد يشاركني حبي اهلي و مش عايزه حد يشاركني حبك
ملك انا واثقه فيك بس كلامهم ضايقني و ما استحملتش
عمر خلاص يا حبيبتي ولا يهمك حصل خير و اهم حاجه ان عرفت اد ايه حبيبتي بتحبني
ملك بس انا غلطانه المفروض مكنتش سامحت كلامهم يأثر عليا و لا كنت زعقتلك عشان نمشي
عمر اهم حاجه اننا نعرف اخطائنا و ما نسمحش ليها انها تأثر
علي حياتنا و لو زعلتك في يوم عتابيني بس اهم حاجه ما تناميش و انتي زعلانه مني
ملك عندك حق يا عمر
عمر ممكن بقي نتعشي عشان جعان جدا و مش هاكل لوحدي انا جايب كفته
ملك بتغريني بالكفته يعني
عمر الصراحه اه
ملك الصراحه انا جعانه
عمر طب يلا ناكل انتي لسه قاعده مكانك
عمر النهارده مش عندي شغل هنخرج من اول اليوم
ملك عارف هنروح فين ولا هنتوه سوا
عمر طبعا يا حبيبتي هنتوه سوا
...............................
منار رجعوا يتكلموا تاني ولا اكن حاجه حصلت
سالي مش هستسلم احنا لسه في اول يومين في الرحله الغيره ما جابتش فايده ندخل علي الخطوه التانيه
منار و ايه هي الخطوه التانيه
سالي هنقلل ثقتها في نفسها و نزرع الشك في قلبها
يتبع
آيه عفيفي
رفيق الروح
الفصل العاشر
ملك اليوم كان حلو جدا و اهم حاجه اننا مش ضايعنا الصلاه
عمر الحمدلله ربنا يثبتنا علي الصلاه في وقتها
عمر بكره بإذن لله هتأخر في شغل معلش بقي هتفضلي لوحدك
ملك عادي هقعد اسلي وقتي و قرا اي كتاب او اراجع شويه قران
عمر شكلك بتحبي القراءه
ملك جدا كل كتاب بقراه بيزود معرفتي و بيغير فيا كتير
بس اهم حاجه تختار الكتب الي تفيدك
التيلفون بيرن
ملك ده بابا بيتصل
ملك السلام عليكم
ابو ملك و عليكم السلام اخباركم ايه يا حبيبتي
ملك الحمدلله بخير و مبسوطين جدا
ابو ملك ربنا يفرح قلوبكم دايما
ملك انت اخبارك ايه يا حبيبي و صحتك عامله ايه
ابو ملك الحمدلله يا بنتي
ملك و ماما عامله ايه اوعي تكون مزعلاك
ابو ملك انتي عارفه ما بتحبش تزعلني
ملك مسيطر يا حاج
ابو ملك كانت عايزه تكلمك بس راحت تشوف خالتك
ملك خالتو كويسه
ابو ملك اه كويسه بس محمود ابن خالتك رجع من السفر و راحت تشوفه
ملك ابقي سلم عليهم علي ما اجي اشوفهم
ابوملك ترجعوا بالسلامه يا بنتي مع السلامه
ملك في رعايه الله
عمر بتحبي عمو اوي مش كده
ملك اه فعلا بابا اقرب حد ليا كان ليا الاب و الاخ و الصاحب بيفهمني من قبل ما اتكلم و بيدعمني في كل قرارتي و بياخد رأيي في كل حاجه
ملك سرحت في ايه
عمر بتحبي مين فينا اكتر
ملك مافيش مقارنه ما بينكم و اكيد بحبكم انتوا الاتنين و كل واحد ليه مكانته
عمر ما جاوبتيش علي سؤالي بتحبي مين اكتر انا ولا هو
ملك اكيد بابا
عمر زعل و بان الحزن عليه
ملك بحب بابا بس بابا الي قاعد جمبي
عمر يعني ايه
ملك مش انت دايما بتقولي اني بنتك يبقي انت ابويا
عمر بتتكلم جد ولا بتقولي كده عشان تراضيني
ملك بابا كان بيقولي الاب بيبقي رقم واحد في حياه بنته لحد ما تتجوز جوزها بيبقي رقم واحد في حياتها و الاب بيبقي راضي بمكانه التانيه في قلب بنته
و جوزها ليه الحق عليها اكتر من ابوها و لازم تحترمه و تقدره
عمر تعرفي انك كل يوم بتكبري في نظري عن اليوم الي قبله و بعرف اد ايه انا اخترت صح
ملك ربنا يقدرني و اكون عند حسن ظنك فيا
...........................
عمر عايزه حاجه يا حبيبتي و انا راجع
ملك سلامتك يا حبيبي
عمر انا طلبت الفطار افطري لما تصحي
ملك حاضر يا بابا في تعليمات تانيه
مش هفتح الباب لحد و مش هبص من البلكونه
عمر لا شطوره يا حبيبتي
ملك يلا يا عمر هتتأخر علي شغلك و ما تقلقش عليا انا مش طفله و هعرف اخد بالي من نفسي
عمر هحاول اخلص بدري و ارجع بسرعه
ملك ماشي في رعايه الله
الباب بيخبط
ملك السلام عليكم
سالي و منار و عليكم السلام
ملك اتفضلوا
سالي ايه رأيك تيجي انتي معانا نقعد علي البحر شويه بدل ما انتي قاعده لوحدك و البشمهندس هيتأخر علي ما يرجع
ملك ماشي هتصل استأذن عمر و اجي معاكم
سالي تستأذني هو في لسه حد بيستأذن في الزمن ده شكلك كده پتخافي منه آسفه اني بدخل في حياتكم
ملك مش حكايه خوف اد ما هي احترام ليه في وجوده و غيابه و كمان عمر بيقلق عليا و لازم اطمنه و انا عارفه انه مش هيرفض .ليه بقي اعمل حاجه من وراه
منار كلامك صح بس سالي قصدها ما تخليش جوزك يتحكم فيكي عشان هتتعبي بعدين
ملك بس عمر مش بيتحكم فيا
سالي احنا مش قصدنا حاجه احنا بس بننصحك
احنا هننزل نستناكي تحت علي ما تكلمي البشمهندس
ملك ماشي
.................................
ملك اتأخرت عليكم
سالي لا ابدا كلمتي البشمهندس
ملكاه
منار ايه رأيكم نروح نشتري شويه مكياج
سالي فكره حلوه انا عايزه اشتري شويه حاجات عايزه تشتري حاجه يا ملك
ملك لا انا ماليش في المكياج كل الي اعرفه الروچ و الكحل و ده اخري
سالي ده انتي طلعتي بريئه اوي في حد في الزمن ده مش عارف انواع المكياچ ده انا نص مرتبي ضايع علي المكياچ
ملك مش بحب الحاجات دي بحس ان الانسان بطبيعته احلي من غير كل الحاجات دي و كل انسان و ليه جماله الطبيعي
سالي انتي طيبه اوي
بس الرجاله مش بتفكر كده اهم حاجه عنده الشكل و الاهتمام و الا يبص بره و انتي شايفه البنات بيعملوا ايه في نفسهم و الرجاله عينهم زايغه
ملك مش كل الناس كده عمر مش بيفكر كده و عمره ما هيبص لوحده غيري
سالي الرجاله كلهم نفس الطبع ممكن يكون في الاول كده لكن بعدين بيمل و يشوف حد تاني غير مراته و يتجوز عليها انا بنصحك عشان خاېفه عليكي صدقيني صنف الرجاله ده ما حدش يثق فيه
انا عارفه ان البشمهندس كويس بس الزمن بيغير اي حد
منار هااا هتيجي معانا تشتري
ملك هاجي اتمشي معاكم بس مش هشتري
سالي جربي مش هتخسري حاجه ده حتي المكياچ هيخليكي تباني اصغر من سنك و تفضلي حلوه في عين جوزك
ملك ماشي هجيب معاكم
و ها قد نجحت في تقليل ثقتها في نفسها
..................................
ملك لنفسها انا مش عارفه ايه الحاجات الي انا اشترتها دي انا مش عارفه بتتحط ازاي اصلا
معقول يكون عمر بيفكر زي ما بيقولوا و يكون مش شايفني حلو و يجي يوم و يبص لوحده غيري
لا عمر بيحبني و شايفني جميله
ما هو اكيد مش هيقول اني وحشه هما عندهم حق انا مش جميله زي عمر هو احلي مني و اكيد هيجي يوم و يزهق مني انا اصلا مش حلوه
زين لها شيطانه انها ليست جميله و نست قول الله تعالي
و لقد خلقنا الانسان في احسن تقويم
ملك خليني اجرب احط الحاجات الي انا اشترتها
عمر السلام عليكم
ملك وعليكم السلام
هو ماله بيبصلي كده ليه اكيد بيقول عليا اني شبه المهرج بالالوان الي حطيتها علي وشي انا اصلا غلطانه
عمر بتكلمي نفسك يا حبيبتي
ملك ااااه لا
ملك دخلت تمسح المكياچ
عمر مسحتيه ليه
ملك عشان شكلي شبه المهرج
عمر من قال كده يا حبيبتي انتي جميله في كل حالاتك
و بطبيعتك احلي بكتير كفايه البراءه الي في وشك
ملك يعني انا جميله زي ما انا
عمر اه يا حبيبتي
ملك يعني انت هتفضل تحبني زي ما انا و مش هتبص لحد غيري
عمر انا مكتفي بيكي يا حبيبتي و انتي في نظري اجمل واحده في الكون
ملك انا بحبك اوي
يا عمر خليك دايما جمبي
عمر انا قاعد علي قلبك لحد ما تزهقي مني
ملك عمري ما هزهق منك
عمر قدر يحتويها و يرجع ثقتها في نفسها و يحسسها بالامان من تاني
عمر قول لي عاملتي ايه النهارده
ملك خرجنا نتمشي و اشترينا شويه حاجات
