رواية لا افهمك بقلم هدير محمد

هو و رنا و عادوا للقصر... آسر اخذ ياسين للمعلب كما وعده و رنا جلست مع رغد... 
انا لازم اعرف ايه سر سعادتك دي... احكيلي 
مش عارفة ابدأ ازاي... بس انا حاسة ان آسر... 
آسر ماله 
يعني آسر بيبادلني نفس الشعور... 
شعور ايه 
الحب... انا بحب آسر... 
فرحت رغد كثيرا و قالت 
كنت عارفة ان هيجي يوم و تحبوا بعض... 
بس مش متأكدة من شعوره ناحيتي... 
بيحبك... والله بيحبك... شوفته و هو بيبص عليكي بدري... عيونه بتقطر حب ليكي... 
فرحت رنا و قالت 
انا عايزة اقوي علاقتنا أكتر من كده... 
ازاي 
عندي احساس... انا و آسر يعني... اقصد يعني انا عايزة اقرب من آسر... الحاجات دي يعني انا حساها ناحيته... مش عارفة اشرح... انتي مش هتفهميني... 
غمزت لها رغد و قالت
فهمتك يا سكر... 
انا محتارة اقوله ازاي اني بحبه... 
انا اقولك... انتي تحضريله عشاء خفيف كده مع اجواء رومانسية كده... شموع و ورد... تلبسي حاجة كده قصيرة تغريه... 
زي ايه 
مع نفسك... انتي وشطارتك... خلاص الساعة جاية 8... اعملي اللي قولته ده قبل ما يجي... 
خرجت رغد... فتحت رنا الدولاب و اختارت الذي سترتديه... 
بعد ساعتين... عاد آسر... دخل الغرفة وجد النور مقفل... فجأة فتحت أضواء هادئة... وجد أكل على الطاولة و شموع... تفاجئ و ابتسم... تفاجئ اكثر عندما وجد رنا أمامه ترتدي قم يص نوم قصير يظهر مفاتنها و شعرها مفرود... اعجبته كثيرا... 
اي رأيك 
قمر... 
شعرت رنا انه قالها بدون نفس و قالت و هي تأخذ جاكته 
تعالى ناكل قبل ما الأكل يبرد... 
عايز اتكلم معاكي في حاجة... 
قول... 
الأول بصيلي... 
نظرت له ثم امسك يدها و قال 
عارف اني مكنتش لطيف معاكي في الأول... كنت بتخانق معاكي دايما... يعني بدايتنا مكنتش مرضية لاي حد مننا... في المواقف الأخيرة حسيت يعني بحاجة غريبة ناحيتك... 
حسيت بإيه 
بحب... حاسس إني بدأت احبك... 
قالها و هو ينظر لعيناها نظرت له في عيناه و قالت 
اها و بعدين 
عايز ابدأ معاكي من الأول... و عايز اعرف ايه رأيك... متوافقيش دلوقتي... فكري الأول... اكيد هتسألي عن السبب... السبب انا مش عايز اتعلق بيكي و بعد كده تسبيني 
اسيبك ليه 
كل الاحتمالات جايزة... مش عايز اللي تكرر زمان يتكرر تاني... 
يتكرر تاني ! هو انت كنت... 
كنت متجوز قبل كده... 
lټصدمت رنا و سحبت يدها من يده 
كنت عارف ان ده هيبقى رد فعلك... طبيعي تتفاجئي... محدش قالك لاني طلبت منهم كده... و السبب اني كنت عامل حسابي اني هطلقك فقولت مش لازم تعرفي... لكن دلوقتي لازم تعرفي لان بدأت احبك فلازم اكون صريح معاكي... 
كنت بتحبها 
ايوة... بس دلوقتي لا... لو كان لسه في قلبي واحد في مية حب ليها مكنتش هصارحك ولا اقولك نبدأ من جديد... 
اتجوزتوا اد ايه 
سنتين... 
لم ستها 
ايوة... 
تغلغت الدموع في عيناها... اقترب منها لكنها ابتعدت عنه الفور... و قالت بنبرة إنكسار
كان مفروض تقولي من بدري... كان مفروض اعرف قبل ما امضي على قسيمة جوازنا... 
هيفرق معاكي 
ايوة هيفرق طبعا ! 
قالتها بإنفعال عليه ثم اكملت 
خلفت منها ولا لا 
لا... 
ليه مش كنت بتحبها 
ايوة كنت بحبها بس هي محبتنيش... 
حجج الرجالة المعتادة... اكيد طبعا هي سبب طلاقكم... 
هي فعلا سبب طلاقنا... مش بكذب عليكي... 
ضحكت بسخرية و قالت
يعني انا مجرد وسيلة هتنساها بيا ! 
لا... مين قال كده 
انت قولت كده... قولت كده لما خبيت عني انك متجوز قبل كده... 
عارف اني ڠلطټ لما خبيت
عنك كده بس متكبريش الموضوع... 
مكبرش الموضوع !! انت شايف ان الحوار تافهة للدرجة دي ! طب لو كنت انا مكانك... و كنت انا اللي متجوزة و اتطلقت و اتجوزتك و مقولتش حاجة ليك و قولت نفس كلامك ان كده كده هطلق منك و انت متقربتش مني يعني انا في أمان و مش مهم تعرف... هيبقى ايه رد فعلك 
رنا... اهدي و خليني اوضح كل حاجة... 
على كده لو مكنتش اتكلمت انت كنت هفضل طول عمري معرفش ولا حاجة عن كده ده انا طلعت عبيطة اوي... انت منستهاش يا آسر... و الدليل على كده معاملتك القاسېة ليا و كلام الجاف معايا من اول ساعتها عيشتها معاك في نفس الأوضة... كل اللي انت
عملته كان بيوضح اد انت مش طايق ... جاي بكل بجاحة تقولي انا بدأت احبك ! ... و انت بتعمل كل ده عشان تنساها بيا... و انا زي المغفلة صدقتك !! 
مين قال كده والله مش بنساها بيكي... 
المفروض اصدق انا تعرف الغلط عليا انا لاني وحدة ڠبية... مدورتش وراك زي ما انت دورت ورايا و جبت تاريخي كله من اول ما اتولدت... نزلت دموعها و اكملت ساعتها لما اتحججت ان يحصل ما بينا حاجة عشان نخلف... اصريت ان اخضع لرغباتك بدون موافقتي... بس طبعا ملم ستنيش مش عشان انا مكنتش موافقة... انت مقربتش مني لانك مش طايق وحدة غيرها تكون في حضنك... طبعا اول ما عرفتني قعدت تقارن بيني و بينها و لما لقيتني مش بشبهلها كرهتني... ياااه كل حاجة كانت واضحة قدامي... لاني عبيطة معرفتش و محاولتش حتى افكر انت ليه كنت كارهني للدرجة دي... 
مش ده السبب... اهدي و خلينا نتكلم... والله هقولك كل حاجة... 
مش هنتكلم !! مش هنتكلم يا آسر خلاص مفيش كلام ما بينا تاني... انا عايزة اطلق... 
لا... مستحيل اطلقك... انا مش موافق... 
لا هتطلقني و هاخد حقوقي كاملة... خلي كل واحد فينا يظهر على حقيقته... ايوة انا بتاعت فلوس و هاخد منك المهر بتاعي و المؤخر اعالج بيهم اخويا... انا اصلا اتجوزتك عشان كده مش اكتر... زي ما انت بتحاول تنساها بيا و تقولي انا بدأت احبك... انا كمان اتجوزتك عشان فلوسك مش اكتر... 
تفاجئ من كلامها... كيف الحب الذي رآه داخل عيناها هل كان مزيفا نظرت رنا الى السرير و تخيلته و .. اشمئزت منه و نظرت للارض و دموعها تسيل على وجهها و قالت بصوت مك سور
و انا بغبائي كنت هسمحلك انك تقربلي و جوازنا يبقى حقيقي بلع ن قلبي لاني حبيتك !! 
قالتها ثم تركته و دخلت الحمام... ضړب آسر الكرسي پغضب و مسح آسر وجهه بيديه بتعب و تنهد پضېق 
غبي... انت واحد غبي... كان لازم اقولها من الأول... بس انا خبيت بما فيه الكفاية... كان لازم تعرف...
تاني يوم..... 
كان آسر ينتظر خروج رنا من الحمام... هااا هي خرجت اخيرا... يبدو على وجهها انها كانت تبكي... 
رنا ممكن نتكلم 
لم ترد و لم تنظر لوجهه حتى و تفادته و خرجت... تنهد آسر پضېق و خرج ورائها... جلست رنا معهم على السفرة... اضطر آسر للجلوس معهم من اجلها... كانت رنا تأكل و عيناها لا تتحرك من الطبق... أما آسر ينظر لها و ينتظر منها ان تتكلم بأي كلمة... فصمتها هذا يقت له !! لاحظت رغد ان هناك شيء حدث... جعلهم سطحيين بهذا الشكل... 
قالت فاطمة 
مالك يا رنا شكلك متغير عن امبارح
مفيش... نسيت البلكونة مفتوحة امبارح ف اخدت برد عشان كده حاسة بتعب... 
ألف سلامة... تاخدي رغد و تروحوا للدكتور 
لا مفيش داعي... شوية برد و هيرحوا عادي... 
هخلي الدادة وفاء تعملك كمون مغلي... حلو اوي للبرد... 
تسلميلي يا طنط... 
رنا... تعالي نطلع على اوضتنا... 
قالها آسر... رنا لم ترد عليه و ركزت في طبقها... رن جرس القصر... فتحت الدادة وفاء الباب... دخلت منه فتاة عشرينية جميلة ترتدي جاكت جينز و تنورة قصيرة للركبة و هيلز و تحمل طفل بين يديها... 
هاااي... 
نظروا لها جميعا... نظر لها آسر بذهول... تقدمت منه و قالت 
ازيك يا آسر وحشتني... 
نظرت رنا لآسر و قالت 
مين دي يا آسر !
انتي اللي مين ! 
انا مراته... 
ضحكت بسخرية و نظرت لها من تحت لفوق و قالت 
مراته !! للدرجة دي يا آسر ذوقك في البنات اندثر من بعدي ! 
نهلة اخړسې !!
ضحكت نهلة أما رنا كررت سؤالها
انتي مين ! 
انا يا حبيبتي اسمي نهلة... بنت عم آسر... ابقا طلقيته... و ده زين ابني... و ابن آسر !! 
نزلت تلك الجملة كالصاعقة على رنا... 
هتسألوني انا جاية ليه هقولكم ببساطة ابني بيكبر و لازم يكبر وسط عيلته... نظرت لآسر و مع ابوه... 
تغلغت الدموع في عينا رنا... نظرت لآسر بك سرة
ابنك !! يعني ده كل اللي قولته طلع حقيقي... و انا كنت بتمنى انك تطلع في الآخر بتكذب عليا... كنت متجوز و مخلف كمان !! نظرت لهم جميعا انتوا ليه خبيتوا عني ليه عملتوا كده فيا فيها ايه لو عرفت انه كان متجوز قبل كده !... مش مسامحة ولا واحد فيكم !! 
تركتهم و صعدت لغرفتها... قال آسر پغضب
انتي بتكذبي... ده مش ابني !! 
لا مش بكذب يا آسر... ده ابنك... من لحمك و من دمك... مش مصدق عنك ما تصدق عادي... كل اللي عيزاه حقوق ابني كاملة متكاملة... مش معقول يعني يبقى ابوه عايش على وش الأرض و في الآخر انا ألتزم بيه لوحدي... 
انتي هتجنيني !! حملتي مني امتى
لا عېپ يا حبيبي الحاجات دي مش بتتقال عادي قدام الكل... 
انتي هتستعبطي !! 
لا مش بستعبط... انت اللي بستعبط... ليك حق تتفاجئ لكن متستعبطش عليا و تنكر... 
مقولتيش ليه انك حامل قبل ما اطلقك 
حبيت انتق م منك و احرمك منه... بس للأسف كنت غلطانة... انا مش قادرة اشيل مسؤوليته لوحدي و ابوه عايش بيتدلع في العز ده كله... 
قولي انك داخلة على طمع ! 
افهمها زي ما تفهمها... انا ڪأم عليا رعايته و بس... امأ الباقي عليك انت يا بابا آسر... 
ڠضپ آسر كثيرا و قال 
ده مش ابني... و انا مش هصرف على حد... اخبطي راسك في الحيطة يا نهلة... اطلعي بره !! 
لا المرة دي متقدرش تطردني... لو رجلي عدت عتبة القصر ده هروح ارفع قضية عليك و اقول للقاضي يا سيادة القاضي جوزي السابق مش راضي يصرف على ابنه... تخيل كده اسم العيلة على النت بالعيلة البخيلة اللي مش عايزة تتولى مصاريف ابني... 
انتي لسه ژبالة زي انتي متغيرتيش... ده مش ابني... و انا مش هشيل مسؤولية طفل من ابني و روحي ارفعي قضية عليا... في سنتين داهية... تمام يا نهلة 
نظر لها پضېق و صعد الى غرفته... قال محمد پغضب 
طالما انتي كنتي حامل منه خبيتي ليه 
عشان اوجعه... كنت عايزة احرمه منه... 
و جاية دلوقتي بعد ما آسر اتجوز ترجعي و تقولي ده ابنك يا آسر و اتولى مصاريفه 
قال معاذ 
البنت دي ڼصابة... بعد 3 سنين لسه فاكرة تظهري انتي و ابنك ده 
انا عارفة ان ده تأثير الصدمة فطبيعي تقولوا كده... على العموم مش مهم رأيكم... لو سمحتوا... حضرولي انا و ابني الأوضة اللي هنقعد فيها... 
قالت رغد 
انتي بجحة و بجاحتك زادت عن الأول !! 
اسيبكم يعني تاكلوا حق ابني مكالمة وحدة من المحامي بتاعي و هرفع عليكم قضية... اظن العيلة مش ناقصة