قطرات الغيث

مشاعرهم ..
داخل مركز الشرطه جلس حمزه بمكتبه ثم تطلع الي علي وبدء في استجوابه قائلا 
ايه اللي حوصل يا علي وليه روحت دار شاهين في وچت متأخر اكيده
ابتلع علي ريقه بتوتر ثم قال ماچتلتوش يا باشا والله ما حوصل
احقتن وجه حمزه ثم قال بصوته الرخيم سؤالي واضح ومحدد يا علي عاوزك تحكيلي بالظبط حوصل ايه عشان أچدر أساعدك
هتف علي قائلا بتوتر كنت چاعد علي الچهوة متابع شاهين ولم تليفونه المحمول رن شاهين خرچ من الچهوة واني مشيت وراه ماعرفتش كان بيتحدت مع مين وبعد دچايچ لاچيته رايح يمته داره روحت وراه كان شكله بيتلفت وراه كأنه عامل عمله وخاېف حد يشوفه ناطرين چدام داره بس وچفت في مكان ماحدش يشوفني المهم شاهين لم خرچ راح عند داره الچديمه وبعد هبابه وچفت عربيه سوده كبيره نزل منيها چاسم بيه ودخل ورا شاهين الدار وسمعت بينهم عاركه دخلت اشوف في ايه بيوحصل لاچيت حد خبطني بالشومه مادرتش بالدنيا غميت يا باشا ولم فتحت عني لاچيت شاهين سايح في دمه ومافيش حد غيرنا في الدار بس دي كول اللي حوصل
رمقه حمزه بنظره مبهمه ثم قال بتسال 
بس اكيده ولا في حاچه مخبيها يا علي 
هز راسه نافيه وقال بتوتر لاع يا باشا دي كول اللي حوصل
زفر حمزه بضيق ثم قال هتفضل امعانا اهنيه لحد ما يوخلص التحچيچ ويثبت ادانتك ام براءتك يا علي ثم نظر الي العسكري قائلا 
خوده علي الحچز يا عسكري
تمام يا أفندم
سحب العسكري علي من يده وغادر مكتب حمزه سار به الي حيث الزنزانه ثم وضعه داخلها واوصد الباب بالاقفال وعاد الي مكتب حمزه طرق الباب ثم دلف بثبات ووقف امامه قائلا 
سمعت اچوال المتهم يا باشا وفي حاچه رايد اخبرك بيها
نظر له حمزه باهتمام ثم قال قول يا فضل
سمعت حديت داير في البلد بيچول ان علي وخيت شاهين يعني استغفر الله العظيم يارب اني عندي ولايه يا باشا بس الحديت متنتور والناس بتحكي وتتحاكي عنيهم
تقصد ان في علاقه بينهم
ايوه يا باشا وكانو بيتچابلو في الدار الچديمه ولم خيها عرف طب عليهم واتعاركو وكان رايد يغسل عاره بيده راح علي چاتله چبل ما شاهين يچتله هو وخيته
لازم تتاكد من الكلام ده يا فضل جايز يكون اشاعات والناس اهنيه مابتبطلش كلام عاوز اعرف مين اللي كان بيراقب شاهين وچاسم امبارح وهل چاسم دخل البلد فعلا ولا لاء 
ابتلع ريقه بتوتر ثم قال بلجلجه اصل حوصل حاچه اكيده وخلت العسكري ما يكملش مرچبته 
هتف بانفعال يعني ايه ازاي ده يحصل وتقصرو في شغلكم يا عسكري 
ڠصب عني يا باشا اني سبت العسكري ميحمد يكمل مراچبه ولم چالي الخبر اتحديت معاه چالي أن هو گمان
روح بعد ما شاهين وصل داره وماشافش چاسم بيه 
غور من وشي ومش عاوز اشوف حد فيكم غير بمعلومات جديده تفيدنا في القضيه ..
بعدما غادر العسكري مكتبه شرد باقوال علي الي ان صدح رنين هاتفه اجاب بهدوء صباح الخير يا دكتوره وصلتي بالسلامه
هتفت وجدان بضيق يعني لسه فاكر يا حضرة الظابط تطمني ان وصلت وكمان انا اللي متصله مش حضرتك
في دي معاكي حق حقك عليه والله انشغلت جدا وعندي قضيه مهمه بحقق فيها چريمه قتل والموضوع باينله واعر چوي يا دكتوره 
اممم من اولها كده شغلك اول اهتماماتك وهياخدك مني 
لا طبعا يا حبيبتي بس ده واجب ونداء الوطن أتخلي عنه يرضيكي 
لا ما يرضنيش طبعا كده بقا مش هنشوفك دلوك يا حضرة الظابط
ضحك بخفه علي لهجتها الصعيديه ثم قال بمرح والله لو علي يا دكتوره عاوز اشوفك كل دقيقه وكل ثانيه وانام واصحي علي وجهك الجميل بس للضروره احكام اتكلمتي مع اهلك عن موضوعنا 
هتفت بحماس طبعا وبابا قالي هيسال عليك الاول 
هتف بحزن عندما تذكر رفض والدته القاطع حقه طبعا ثم اردف قائلا بس بعتذر منك بلاش تحددي معاد دلوقتي القضيه دي مهمه ولازم اخلصها الاول عشان ارتاح واخد اجازه واقدر انزل مصر واقابل اهلك ونتم كل حاجه علي خير 
ابتسمت برقه ثم قالت علم وسينفذ يا حضرة الظابط
ابتسم هو الاخر وانهي المكالمه ثم حدث نفسه قائلا
يعني القضيه دي جت في وقتها علي مااحاول اقنع الحاجه زاهيه بموافقتها علي جوازي اركز دلوقتي علي حل لغز القضيه 
خطي بقلمه اعلي الورقه التي امام مكتبه ودون بها اسم علي وجاسم وشاهين ثم وضع دائره حول اسم كل منهما ..
الفصل الثالث عشر 
ذاع سبب مقټل شاهين بالقريه وظلت النساء تتهامس والاقوايل تزداد الي ان وصل الخبر الي عائلته .
لطمت حليمه وجهها وصړخت بنحيب وركضت الي غرفه ابنتها 
انتفضت روح عندما وجدت والدتها تجذبها بقوه من الفراش ثم انهالت عليه بالضړب المپرح وهي تصرخ قائله فضحتيني وبچت سيرتنا علي كل لسان في البلد كيف هنخرص السانتهم كلهاتهم يا بت الفرطوس خيك راح فطيس علي يد كلب مايسواش كان رايد يغسل عاره بيده اه يا حرچت چلبي عليك يا ولدي ياريتك كتي انتي اللي متي ولا انك تچبيلنا العاړ ډم خيك في رچبتك يا بت بطني وماحدش هيغسل عاړك غير يدي 
هتفت بصړاخ من بين دموعها قائله كدب والله اللي بيتچال كدب 
القتها ارضا وركضت تغادر الغرفه كالعاصفه وتوجهت الي المطبخ التقطت سکين وهمت الي غرفة ابنتها ثم اغلقتها خلفها بالمفتاح ودنت من ابنتها ورفعت السکين تريد ذبحها 
هچتلك واخلص من عاړك يا فاچره 
في ذلك الوقت كان حمزه يطرق الباب فتحت له زوجة شاهين وعيناها تسيل بالدموع وعندما وجدته قالت بتسول الحچ يا باشا اماي ماسكه السکينه ورايده تچتل روح 
دلف بخطوات واسعه اشارت له نواره بالغرفه دفع الباب بقوه الي ان انفتح علي مصرعيه وجذب والدتها من عليها والقي السکين من بين يديها ثم صړخ بها بانفعال بتعملي ايه عاوزه تچتلي بتك 
لطمت وجهها وشقت الجلباب وهي تقول بنحيب سبني اخلص عليها بيدي لازمن اغسل عارها واتويها كيف الكلاب 
زفر بضيق ثم قال لنوراه كوبايه مايه عشان الحاچه تهدي 
مد كفه لروح لكي تنهض ثم تركها وجلس ارضا بجانب والدتها وقال بصوت جاد مش دي بتك يا حچه اللي ربتيها علي يدك وكبرتيها لم بچت عروسه زينه تصدچي عنيها اكيده 
نظرت له بعينين تائهتان ثم قالت پانكسار والحديت اللي داير في البلد مافيش حلاوه من غير ڼار يا ولدي واني ڼاري چايده علي ضناي 
ربت علي كتفها بلطف ثم همس بصوت حاني تچومي تچتلي بتك عشان تحصل ولدك هترتاحي اكيده يا حچه لو چتلتيها 
وضعت راسها ارضا وهمست بحزن أومال اعمل ايه يا ولدي بچيت چليله الحيله سندنا راح يا ولدي في غمضه عين هو ضهرنا وعكازنا اتعرينا يا ولدي من بعده والخلچ بتنهش في لحمنا مش اهنيه عشان يدافع عن عرضه ويخرص السناتهم والتلسين اللي داير علي بتي دلني يا ولدي كيف اتصرف في النصايب اللي نزلت علي دماغنا دي شور عليه أعمل ايه بس يا ربي لله الامر من چبل ومن بعد 
ايوه يا حچه تعملي اكيده تسلمي امرك لربنا هو اللي چادر علي كل شيء لا يعلم الغيب الا هو 
صړخت بصوت عال وهي تنظر للسماء قائله 
سلمت امري لك يارب فوضت امري لك يا صاحب الامر 
اعطتها نواره المياه ارتشفت القليل منها 
هتف حمزه بجديه خديها ترتاحي في اوضتها وبعد اذنك يا حچه هسأل روح كام سوال اكيده انا ظابط وجاي اشوف شغلي والبقاء لله واوعدك حق ولدك ماحدش هيجيبو غيري اطمني 
اقترب من روح التي ترتجف وتحتضن جسدها بذراعيها وكانها تحمي نفسها وعيناها تذرف الدمع بصمت وانين ېمزق نياط القلب .
جلس بجانبها اعلي الاريكه ثم قال بصوت هادئ اولا البقاء لله شدي حيلك ثانيا لو عاوزه تساعديني تحط يدك في يدي عشان نچيب حچ خيك من اللي چتله 
ها چولتي ايه هتساعدني ندفع اللي عمل اكيده في خيك التمن وحبل المشنچه تتلف حولين رچبته 
همست بصوت ضعيف منكسر واني في يدي أيه اعملو

هتف بجديه تحكيلي حوصل ايه البارحه 
همست بتردد ماخبراش 
رفع حاجبيه باستنكار ثم قال بصوت خاڤت بجانب اذنها لا خابره يا روح حوصل ايه وهتچوليلي علي كول حاچه ثم ازداد صوته وهتف پحده 
شاهين الله يرحمه عاود نص الليل واخدك وروحتو الدار الچديمه ليه 
ابتلعت ريقها بتوتر ثم قالت والله يا ساعت البيه هو چي اهنيه وصحاني من سابع نومه وچلي اني بوي چبل ما ېموت عاين دهبات في الدار الچديمه وخبرني لازم نروحو نچيبهم دلوك عشان هو رايد يببع الدار وكمان يديني حچي في ارث بوي من الارض وكمان الدار واني لم چولتله نستنا الصباح رباح شخط في وچالي دلوك چبل مااماي تاخد خبر وتچاسمك الدهبات وأني روحت امعاه خاېفه منيه ليضربني عاد كيف ما بيعمل لم اكسر كلمته 
استرسل حديثه قائلا وحوصل ايه لم روحتو الدار الچديمه 
فلاش باك ..
سارت روح بجانب شقيقها الي ان دلفوا سويا لداخل المنزل .
همست پخوف وها الدار عكمه يا خوي 
ولكن فقدت وعيها عندما قرب المحرمه من انفها استنشقت المخدر ثم غابت عن الوعي ليحملها شقيقها ويدلف بها داخل الغرفه .
باك ..
لم فوچت لاچيت خي غرچان في دمه وعلي راچد چاري وعيونه بتطلع علي پخوف 
صړخت في وشه وچولتله انت اللي عملت اكيده في خي ليه وفضلت اصوت والطم كتم خاشمي وچلي لاع ماعملتهاش ولا أچدر اعملها بس انتي لازمن تعاودي دارك دلوك عشان لو حد شافك اهنيه الحديت الماسخ هيكتر والناس ما بترحمش وجيت علي الدار وانا برتچف ومش عارفه ايه اللي حوصل 
تعالي معايا 
هتفت بهلع هتسچني يا بيه 
هتف بجديه لا بس علي هيكمل باقي الحكايه ليكي تعالي معايه وانا هچولك تعملي ايه بالحرف الواحد 
سارت خلفه منصاغه لاوامره وعندما استقل حمزه سيارته استقلت هي الاخري مقعدها بجواره قاد السياره عائدا الي مركز الشرطه .
بالقاهره ..
غادر المرحاض وهي يضع المنشفه حول خصره نظر الي زوجته قائلا اكفياكي كسل وچومي اتسبحي عشان نخرچ نتغدو بره ونتفسحو هلففك مصر حته حته 
نهضت من الفراش بسعاده ثم دلفت الي المرحاض لتنعش جسده بالماء ثم بدلت ثيابها برداء انتقاه غيث لها وارتدي هو الاخر قميص ازرق وبنطال أسود 
نظرت شچن لهيئته التي لم تعتاد عليها 
هتف هو قائلا والابتسامه تنير ثغره كيف رايك في راچلك منيح 
منيح چوي يا بوي 
داخل القسم جلست روح بانتظار علي بمكتب الرائد حمزه ترك حمزه مكتبه بعد أن وضع جهاز تسچيل ليسچل ما سيدور بينهم واذن للعسكري ان ياتي بعلي من الحجز ..
عندما دلف علي المكتب تركه العسكري قائلا ههملك دچايچ مع البنته