رواية ابن ليل
الشقاوه وخفه الډم
سلمت سونه عليهم وخدت سماح ونزلت وهي بتستحلف لمها
دعاء ولا يا حسن بنقولك ايه
حسن قولي
دعاء ما تروح يا اخويا تنضف المدخل كده لحد ما نشيعوا للست اللي بتمسح بكره
حسن طيب ما ادام هتشيعيلها بكره لزومه ايه ننزلوا غاويه انتي تتعبينا
دعاء يا ولا السلم اتبهدل من الطفايات والحريقه الشقق هتتبهدل نضفه كده اي كلام لحد بكره
حسن ياعم اقعد انت ما بتصدق انت التاني بنقولك ايه يا دودو انزلي من علي دماغي بكره الست تيجي خلينا قاعدين مع بعض بقي ده احنا ما صدقنا
دعاء ټموت ياولا لو قولت حاضر زي باقي الخلق
حسن ايوه ڼموت لو قولنا حاضر اسكتي بقي يا دعاء بقي
نبيله هتروح بكره تعمل المحضر يا زكريا
رفاعي المهم زي ما قولنا نهدي بقي ومنفرحوش الخلق فينا ولا نفرجوا الخلق علينا يا مها هااا فهماني طبعا
مها احيه علي مها وسنين مها واشمعني انا هو انا نطقت
نبيله عارفك وحافظك يابت سوده من جوه
مها احييييه لاحقتي تقلبي عليا يا بلبله ده
يا اختي لسه مسنداكي كنتي هتفرفري علي باب المدخل
نبيله وحشك ابو ورده يابت
نبيله تستاهلي
رفاعي سمعتي يا مها اللي قولناه
مها سمعت يابا
رفاعي مش عايزين الدنيا تولع يا مها انتي عارفه في هنا عالم ما بتصدق تقوم الدنيا حريقه ومبيتوصوش
عبدالله صحيح اللي حصل ده مكانش مقصود بيه يوقعونا في بعض وبس كان مقصود ينكدوا علينا ويضيعوا فرحتنا لو تفتكروا يوم المزاد ما رسي علي كرم بليل الدكان اتحرق بيه ونكدوا علينا
زكريا واحنا يا ابني مش هندوهم فرصه ينكدوا علينا وادام عدونا بقي مفضوح يبقي غباء مننا نديله الفرصه ينكد علينا اكتر
عبدالله معاك حق
رفاعي قام وقف طيب يا زكريا نسيبكم بقي ترتاحوا الوقت اتأخر اوي
زكريا مالسه بدري
رفاعي بدري من عمرك يا صاحبي الجيات اكتر من الريحات ان شاء الله وحمد الله علي سلامتك يا دره يا بنتي انتي والبنات
رفاعي اكيد هنبقي نتعرفوا عليكم يا بنات في وقت احسن من ده
ابتسم البنات بهدوء واكتفوا بالابتسامه
قربت مها من دره ودعاء
مها يكون في علمكم مقلب الفار مش هيعدي علي خير
دره احيه لاحقتي تقلبي علينا احنا كمان
مها امااااال ده انا قلبي كان هيقف وانتي ياللي ما تتسمي
دعاء عايزه مني ايه
مها المحروس ابنك خد مني طبق رز بلبن ودين محمد طبق النيش لو ما رجع لا نسمعوكي اجدعها ربع في وسط الشارع انتي وهو
مها وبتقوليها في وشي اهو كبسك وخد وعلي فكره مش اول مره فكرك انا مش عارفه ان عيالي الواطيين بيدوقوا كل حاجه بنعملها
دعاء طفحي الولا اللي كلوا من ايدك
مها الطبق يرجع
دره ياستي عندي انا متقلقيش
مها بابتسامه لينا قاعده طويله مع بعض
دره بحب اكيد
سلموا الكل علي بعض واستغل كرم صوتهم العالي ووقوفهم
قرب من ودن دره وهمس بسرعه جنب ودنها
كرم مخلصتش يا دره وهندفوكي التمن وهنعرفوكي ازاي تشكي فيا
بصتله دره وهي قلبها بيدق وبعدين ابتسمت في وشه
دره اعلي ما في خيلك اركبه يا ابن الرفاعي
كرم هنتقابلوا والساحه واسعه
دره دماااااغنا
بصلها كرم ورفع حاجبه اول ما سمعها بتقول كلمته الشهيره
ثواني والكل خرج ونزل معاهم زكريا و عبدالله وحسن يوصلوهم تحت
نبيله كانت طايره من الفرحه والابتسامه اللي علي وشها كانت غايبه بقالها سنين بصت لدره بحب
نبيله تعالي يادره
نبيله كنت هنتجننوا عليكي انتي والبنات خۏفت يجرالكم حاجه
دعاء بعد الشړ عليهم غمه وإنزاحت الحمد لله انهم بخير
دره الحمد لله
ديما مامي مش هنطلع انا عايزه انام
دره هنطلع يا روحي انا عندي شغل الصبح كمان
نبيله شغل ايه انتي ناسيه المحضر
دره لا مش ناسيه هروح مع بابا وعبدالله وبعدين هطلع علي المستشفي
دعاء خلاص اطلعي نامي يلا انتي والبنات شكلهم تعبانين
دره تمام مش عايزين مني حاجه
دعاء سلامتك يا قلبي
نبيله نعوزكم طيبين جهزوا روحكم يا بنات بكره عندنا حفله في المطبخ بمناسبه الصلح
دارين جاهزين يا بلبله
دره تصبحوا علي خير
دعاء وانتي من اهله
خرجت دره والبنات وطلعوا علي فوق
راحت نبيله قعدت علي الكرسي وهي مبتسمه
بصتلها دعاء وبعدين راحت قعدت قدامها وفضلت ساكته
نبيله في ايه يابت مالك زي اللي عايزه تقولي حاجه كده ليه
دعاء اااا بصراحه اه
نبيله طيب قولي متخليش في نفسك حاجه
دعاء الاول مش عيزاكي تزعلي مني
نبيله ونزعلوا منك ليه يا بت هببتي ايه
دعاء بصراحه بقي يا بلبله انا ظلمتك وشكيت فيكي
نبيله ظلمتيني وشكيتي فيا انا ازاي مش فاهمه
دعاء الصبح واحنا واقفين في البلكونه مع البنات البنات كانوا بيتكلموا في موضوع الصلح بين العيلتين وقتها انتي قولتي لازم حاجه تحصل تهزهم وتخليهم يجروا علي بعض من غير تفكير يعني حاجه قويه و لما حصل اللي حصل من شويه للحظه حسيت ان انتي ممكن تكوني وراها
نبيله انا اللي وراء ايه يا بت
انتي متخيله ان انا اعمل كده في بنتي وبناتها
دعاء معرفش بقي يا بلبله ده اللي جه في دماغي وقتها اللي قولتيه الصبح ليا انا والبنات أتنفذ بالحرف من شويه وفعلا بعد الحريقه اللي حصلت الكل جري علينا و وقفتهم معانا أنتهت بصلح وقتها حسيت ان ممكن تكوني عملتي كده عشان يتصالحوا
نبيله انتي متفكريش تلني خالص ولا تشغلي دماغك عشان لما بتشغلي دماغك الدنيا بتخرب وبتوسع منك انتي يابت قعدتك قدام المسلسلات التركي شكلها كده كلت دماغك
بصتلها دعاء وسكتت
نبيله نعرضوا حياة بنتي وولادها للخطړ عشان يتصالحوا ياخي ان شالله ما اتصالحوا يابت انا صحيح كنت هنتجن عشان
نرجعوا زي زمان كلنا بس مش لدرجه اني أذي بنتي دول كانوا ممكن يروحوا فيها لولا ستر ربنا وبعدين ما يابت قدام عينك قالوا ان اللي عملها اتنين علي موتسيكل
دعاء مانا قولت ممكن يعني تكوني دفعتلهم فلوس عشان يعملوها
نبيله كمااااان طلعتيني زعيمه عصابه بخطط وبنفذ وبأجر رجاله
دعاء حقك عليا يا بلبله انا قولتلك اللي في ضميري عشان انا مبنحبش نخبوا عنك حاجه
نبيله ياريتك خبيتي يا اختي ولا انك تفكري التفكير ده
دعاء ڠصب عني يا بلبله والله كمان يعني افتكرت حكايه المزاد وقولت ان ده تفكيرك
نبيله حكايه مزاد ايه يا بت
دعاء ااااا بصراحه بقي يا بلبله انا سمعتك يوم المزاد لما كلمتي كرم في الموبايل كنتي في الموبايل وقولتيلوا انك عملتي انك تعبتي عشان المزاد يرسي عليه
نبيله انتي با بت بتتجسسي عليا ده انتي نهارك مش فايت
دعاء ودين محمد ما حصل انتي كنتي بتتكلمي وانا دخلت عليكي بس مكنتيش معايا وسمعت اللي دار بينكم
نبيله ايوه عملت كده بس ده عشان نفرح كرم وقتها كان نفسيته زي الزفت وبعدين يا بت انا لو عارفه ان الدكان ده يلزمهم مكنتش عملتها بس عبدالله وقتها كان راسه وألف سيف ياخد الدكان عشان بس يضايق كرم زي ما بيعملوا في بعض كل مره لكن هنولعوا في البت و ولادها عشان يتصالحوا
وبعدين يا اختي ادام سمعتيني مقولتيش ليه ولا ليه مقولتيش لعبدالله
دعاء اخس عليكي ياما وانا من امته بنخرجوا سرك بره وبعدين انا مفتحتش معاكي الكلام عشان مكانش له لزوم وعشان عارفه ان الدكان مكانش لازمهم فعلا
نبيله ماشي يا بت دسوقي
دعاء والنبي ما تزعلي مني ياما
نبيله انا لولا يابت اني مبسوطه ومزاجي عال من اللي حصل انهارده كان زماني طابقه في زمارة رقبتك وعرفناكي شغل العصاپات علي حق
دعاء لا وعلي ايه الطيب احسن سماح بقي يا بلبله
نبيله بإبتسامه سماح يا اختي خلاص
دعاء بس سيبك انتي يا بلبله طلعتي بتنجمي وبتقرأي الطالع
نبيله لا طالع ولا نازل كل الحكايه اني كنت عارفه ومتأكده ان لو حصل حاجه عندنا او عندهم مفيش حد فينا هيتحمل ومن غير ما نحسوا هنجروا علي بعض يابت دي الشدة ربنا مبيبتليش بيها العبد عشان يتوجع زي ما احنا بنقولوا ديما الشدة مهياش إبتلاء زي ما بنفكروا
دي زي ما تقولي كده بتخلينا نعرفوا مين اللي يستحق يكون في حياتنا ومين لأ الشدة طول عمرها بتظهر معادن الناس الحقيقيه
دعاء عندك حق يا بلبله وعلي رأي المثل عارف فلان ايوه عاشرته يبقي متعرفهوش ودول عشرة سنين
نبيله بإبتسامه واهو حتي المثل ده يا دعاء مبقاش مضمون ياما بنعاشروا ناس وبيطلعوا معندهمش اصل ومع اول مصېبه تجرالك بيظهروا علي حقيقتهم ووقتها بتتصدمي في العشره والسنين اللي عشتيها معاهم صدقيني يابنتي انتي ممكن تعرفي حد انهارده ويحصلك موقف صعب وتجري علي اللي معشراهم يدوكي ضهرهم في نفس الوقت اللي انتي لسه عرفاه تلاقيه بيمدلك أيده الأصيل اللي بجد يا دعاء العشره والسنين مش هي اللي بتثبت انه اصيل الشده يابنتي اللي بتعري الخلق كلها قدام عينك وبتعرفك مين اللي ينفع تمسكي فيه بأيدك وسنانك ومين اللي تسيبيه وانتي ضميرك مرتاح
وهما يابنتي ولاد اصول حريمهم قبل رجالتهم بمليون راجل وخدي بالك رغم اني مبنطقش البت سونه بس هي كمان جدعه وبت اصول مسابتناش وانا يابت بنفهموا اوي في وقفة البني ادم معاكي إذا كانت تمثيل ولا طالعه من قلبه وهي كانت خاېفه علي دره وبناتها بجد واول ما سمعت صوتنا جات تجري علينا
دعاء بصراحه اه مع اني متوقعتش ده منها خصوصا يعني انتي عارفه ان كرم عندها غالي انا قولت هتفرح في دره بصراحه
نبيله هو ده اللي بنقولوا يا دعاء الشدة بتعري قلوب البني ادمين يا بنتي المهم الحمد لله محدش حصله حاجه وكمان الدنيا هديت بين الكل
دعاء علي رأيك ربنا ما يجيب اي حاجه وحشه ولا يفرق ما بينا ابدا
نبيله يارب يا بنتي
ليله بدأت بكارثه وأنتهت بصلح محدش فيهم كلهم قدر ينكر الفرحه اللي في قلبه يمكن كانت اول ليله الكل ينام فيها
وهو مبسوط بجد
علي قد ما دره كانت مصدومه في البدايه لكن في النهايه هي كمان كانت مبسوطه من اللي حصل ويمكن كمان هي عندها ثقه كبيره فيهم
وعارفه ان لايمكن حد فيهم يتغير ويأذيها لكن كان ڠصب عنها للحظات حست انها مشوشه كلامهم وتهديهم ليها كان بيتردد في عقلها وخۏفها علي بناتها خلوها مقدرتش تتحكم في اعصابها
نامت دره علي السرير وهي مبتسمه فضلت تتقلب كتير مش عارفه تنام شويه تبص للسقف وشويه تنام علي جنبها شويه تفتكر كلام مها وتضحك شويه وتفتكر ټهديد كرم ليها تاني وترجع تبتسم فضلت علي حالها ده لحد ما غلبها النوم وراحت في سابع نومه
في صباح يوم جديد نزلت دره وعبدالله وزكريا عشان يروحوا يعملوا المحضر كان معاهم التسجيل بتاع الكاميرا اللي ظهر فيها الشاب صبي منصور
أتفاجئت دره بكرم واقف تحت مع عبدالله وجاهز عشان يروح معاهم
دره صباح الخير
كرم هطلع وراكم يا عبدالله بعربيتي
عبدالله تمام يا كرم يلا يابا
دره بصوت واطي بني ادم قليل الذوق طب رد الصباح ولا ترد ليه إن شالله ما رديت
ركبت دره العربيه بتاعتها ومشيت وراء عبدالله وأبوها
وطلعوا علي اقرب قسم شرطه ليهم عملوا المحضر وقدموا بلاغ وبعد ما خلصوا خرجوا بره
زكريا بيتهيألي كده اطمنا شويه
عبدالله وهنطمنوا اكتر لما يبعتوا يجيبوا منصور ويواجهوا
كرم خير ان شاء الله
دره طيب يا بابا انا هنمشي بقي
