روايه رائعه جدا الفصول من الاول الي الخامس بقلم الكاتبة الجليله

. . 
. 
البارت الثالث
يا موج حرام الي بتعملي ده يا روحي عشان خاطري اهدي 
ماااااامااااااااااا 
في اللحظه دي فقدت موج الوعي و وقعت بين ايدين بحر .. خاف بحر و اتخض عليها .. شالها بسرعه و ډخلها اول اوضه قابلتو و حطها علي السرير .. طلع تليفونو بسرعه و اتصل ب أدم عشان يلحقو بسرعه .. و بالفعل مفيش ربع ساعه و كان أدم عندو .. دخل أدم و هو مخضوض و مش فاهم حاجه 
في .. في ايه يا بحر 
مش وقت اسئله ادخل بسرعه شوف موج مالها فيها ايه فقدت الوعي فجأه 
دخل أدم و حصلو بحر كان واقف بيشوف أدم و هو بيكشف عليها لحد ما شافو بيطلع حقنه و بيجهزها 
هي مالها في ايه ! و ايه الحقنه دي !! 
اتعرضت لاڼهيار محتاجه ترتاح .. الحقنه دي هتخليها تنام ساعه بالكتير ترتاح و تصحى 
قعد بحر علي الارض و حط راسو بين ايديه و هو مش عارف يعمل ايه و مش قادر يستوعب كل الي حصل .. أدم ادي ل موج الحقنه و خلص لف ضهرو شاف صاحبو بالمنظر ده قرب و قعد جمبو و حط ايدو علي كتفو 
ايه الي حصل يا بحر .. و شوفت موج ازاي .. و ايه الي جابك بيتهم .. و ايه وصلها للحاله دي .. فهمني عشان اقدر اساعدك يا صاحبي 
رفع بحر راسو و بص للفراغ قدامو و بدأ يتكلم 
قابلتها صدفه زي كل مره بقابلها صدفه فيها .. وصلتها لحد تحت البيت عرضت عليا اطلع اسلم علي مامتها و اتعرف عليها و ان مامتها كمان عايزه تتعرف عليا .. بس . بس لما طلعنا كانت مامتها مش موجوده .. لاقيناها متوفيه .. متتخيلش منظرها كان عامل ازاي و هي بتحاول تكدب عيونها و الواقع .. وجعت قلبي عليها اوي .. مستحملتش فراق والدتها فا اڼهارت و فقدت الوعي 
بدأت دموع بحر تنزل من ۏجع قلبو علي موج .. و أدم حس بيه و زعل هو كمان جدا و قعد يطبطب عليه 
طب مامتها فين ولا انت عملت ايه 
بعد ما كلمتك خرجت شيلتها و دخلتها اوضه و غطيتها .. أدم هما ملهمش راجل .. لازم نمشي في اجراءات الډفن و كده و نساعدها .. موج كده بقاا ملهاش حد مش هقدر اسيبها في الحاله دي لوحدها 
اكيد يا صاحبي من غير ما تقول .. انا هقوم اخلص الكلام ده كلو بالتليفون و انت خليك جمب موج هتصحى في اي وقت و هتحتاج حد يكون جمبها و معاها 
بحر هز راسو موافقه علي كلام أدم لانو مكنش قادر يتكلم ولا ينطق