روايه رائعه جدا الفصول من الاول الي الخامس بقلم الكاتبة الجليله

و أدم فهم ده و قام يعمل الي قالو .. اما بحر فضل علي وضعو شويه لحد ما قام و قعد جمب موج علي طرف السرير .. بدأ يتأمل ملامحها الهاديه .. و شكلها الي باين عليه الزعل و الحزن حتي و هي نايمه .. افتكر شكلها و اڼهيارها .. زعل اوي لكن في نفس الوقت حمد ربنا انها مكنتش لوحدها و الا الله اعلم كان ممكن يحصلها ايه .. في وسط تأملو ليها بدأت موج تفتح عينيها .. اول ما شافها قرب منها علي طول و بلهفه اتكلم 
موج انتي كويسه ! 
بصتلو موج بهدوء في الاول كانت مستغربه و مش فاهمه حاجه .. لكن مخدتش دقيقه و افتكرت .. دموعها نزلت و لكن المره دي في هدوء 
م م. ماما سابتني و مشيت خلاص يا بحر صح ! 
ملس بحر علي شعرها ب هدوء و بصلها ب عيون كلها دموع علي حالها و حنيه 
راحت للاحسن مننا كلنا .. مامتك في احسن مكان دلوقتي يا موج .. ادعيلها متعذبيهاش بالدموع و الحزن ده كده 
حاولت تقوم لكن مقدرتش .. ساعدها بحر في انها تعدل نفسها في مكانها و تكون قاعده بدل نايمه .. بصتلو بۏجع كان باين في عيونها 
بس هي وعدتني انها مش هتسبني .. بتخلف بوعدها معايا ليه و تسبني لوحدي كده .. انا مليش غيرها يا بحر .. قولها ترجع .. قولها ترجع و متسبنيش لوحدي 
قرب منها بحر و اخدها في حضنو و قعد يطبطب عليها و يملس علي شعرها .. دموعو الي كان حابسها نزلت ڠصب عنو 
شششش اهدي يا موج و متقوليش كده .. و بعدين انتي مش لوحدك انا معاكي اهو و هفضل معاكي 
مسكت فيه موج و قعدت ټعيط علي فراق مامتها من قلبها 
متسبنيش يا بحر .. انا ماما سابتني لوحدي في الدنيا خلاص .. بالله عليك ما تسبني لوحدي انت كمان 
و رب الي خلقني و خلقك ما هسيبك بس اهدي عشان خاطري كده هتتعبي اكتر 
قعدت موج ټعيط جوا حضڼ بحر بحرقه و ۏجع كبير .. اما بحر كان بيطبطب عليها و بيحاول يخفف عنها علي قد ما يقدر .. لحد ما سمعو تخبيط الباب و دخول أدم خلى موج تطلع من حضڼ بحر 
البقاء لله يا موج ربنا يرحمها 
و نعمه بالله شكرا 
بص أدم ل بحر 
انا خلصت كل الاجراءات و المفروض هتيجي الست تغسلها عشان نروح ڼدفنها 
خلاص تمام 
خرج أدم من الاوضه و حصلو بحر و موج الي حاولت تقاوم اڼهيارها و تقوم عشان تكون حاضره اخر لحظات وداع مامتها و بالفعل غسلوها و ډفنوها و عملو العزاء 
فات تلاته شهور