روايه رائعه جدا الفصول من الاول الي الخامس بقلم الكاتبة الجليله

من بعد وفاه مامت موج .. تلاته شهور و موج لا بتخرج ولا بتنزل من بيتها ولا بتتعامل مع العالم الخارجي .. و لكن بحر مكنش بيسيبها يوم لوحدها .. كان كل يوم بيجي يطمن عليها و يقعد معاها و يشوفها محتاجه ايه و يساعدها و يعملها كل حاجه .. كان بيحاول يعوضها عن غياب مامتها .. و كانت دايما موج بتحمد ربنا انو عوضها عن غياب مامتها ب بحر و الا كانت ممكن تتجنن لو كانت فضلت لوحدها فعلا .. في الفتره دي موج و بحر قربو من بعض جدا .. و بالاضافه ل بحر كان أدم برضو بيطمن علي موج كل فتره و يشوفها .. ده غير صاحبت موج داليدا كانت دايما معاها و معظم الوقت بتبات معاها عشان متحسش انها لوحدها 
جرس الباب رن و موج كانت في المطبخ بتعمل عصير مش فاضيه تفتح الباب 
داليدا معلش ممكن تفتحي الباب عشان مش هعرف افتح 
داليدا من برا 
حااضر 
قامت داليدا و راحت تفتح الباب لاقيت بحر قدامها ساند علي الباب 
ساعه يا دودو عشان تفتحي 
ساعه ايه انت هتحور ده انت لسه رانن الجرس 
طب وسعي كده خليني ادخل 
وسعتلو داليدا دخل و بدأ يدور علي موج ب عيونو و هو مكانو ملاقهاش 
ايه ده امال فين موج 
في المطبخ بتعمل عصير 
طب حلو اوي هدخلها .. ادخلي انتي غيري هنتغدا عندي في البيت النهارده ماما عازماكم 
ايه ده بجد 
ايوه يلاا 
مفيش داعي انا اروح روحو انت و موج و انا هستناها هنا في البيت عادي 
لا مفيش الكلام ده هتيجي معانا 
و راح غمزلها ب عينو 
و كمان أدم جاي و هيكون موجود 
اتوترت داليدا و خدودها احمرت 
اااا .. دكتور أدم 
اااه دكتور أدم 
ط. ط. طب و انا مالي انت بتقولي ليه اصلا 
لا مفيش معلومه قولت اعرفهالك يعني .. هااا اخلصي هتغيري و تيجي معانا ولا اخد موج و اروح 
لا لا هغير و اجي ماشي 
و اختفت من قدامو في ثواني و دخلت تغير .. ضحك بحر و دخل ل موج المطبخ لاقاها مديالو ضهرها بتعمل العصير .. سند علي باب المطبخ و هو بيبصلها و يسرح فيها زي ما اتعود يعمل كل ما يشوفها 
انت مبتزهقش كل مره تشوفني تقعد تبصلي كده 
لو قعدت ابصلك و اسرح فيكي حياتي كلها عمري ما ازهق .. و بعدين انتي عرفتي ازاي اني واقف ببصلك انا حتي معملتش اي صوت 
بحس بيك لما تكون قريب ما انت عارف .. بس جاي بدري عن معادك النهارده 
بدأ يقرب لحد ما وقف جمبها و سند علي رخامت المطبخ و ربع ايدو 
ايوه ما