روايه رائعه جدا الفصول من الاول الي الخامس بقلم الكاتبة الجليله
عشان يا دوب تلبسو انتي و دودو عشان نلحق معادنا و منتأخرش علي الغدا
اولا اسمها داليدا مش دودو مبحبش انك تدلع حد تاني قدامي .. ثانيا غدا ايه !
حاضر يا موجي مش هدلع حد غيرك .. ابدا ماما عزمانا كلنا علي غدا من ايديها النهارده انما ايه قمررر
اتوترت موج و سابت الي كانت بتعملو و بعدت و ادت ضهرها ل بحر
قرب منها بحر و حط ايدو علي كتفها و لفها لي
يا موج يا روحي لحد امتي هتفضلي حابسه نفسك في البيت كده .. فات تلاته شهور و انتي حتي مبتطلعيش من باب البيت و كده مينفعش
نزلت راسها ل تحت و دموعها بدأت تنزل
مش قادره يا بحر .. مش قادره اخرج و اتعامل مع الناس برا .. مش قادره اشوف الدنيا من غيرها .. والله ما هقدر يا بحر
مفيش حاجه اسمها مش هقدر يا موج .. لازم تخرجي و تنزلي و ترجعي ل حياتك الطبيعيه .. تفتكري مامتك لو شافت حالك كده هتكون مبسوطه اكيد لا .. و انتي مبتحبيش تزعليها يبقاا لازم ترجعي تعيشي حياتك الطبيعيه .. يا موج بتوجعي قلبي اكتر عليكي كل ما بشوفك كده
مفيش بس .. انا ماما و اختي ھيموتو و يشوفوكي تاني من ساعه العزا عشان يتعرفو عليكي و انا كل مره بأجل عشانك .. بس خلاص كفايه لحد كده بقاا .. لازم تخرجي و ترجعي تنزلي .. و بعدين اكل ماما هيعجبك اوي ولا انتي مش عايزه تشوفي اهلي بقاا
لا طبعا مش كده .. عايزه اشوفهم اكيد
هتعمل ايه !
غمزلها
هستناكي العمر كلو يا موجي
ضحكت موج
ماشي .. هروح اغير و مش هتأخر
تمام خدي وقتك و راحتك
راحت موج تغير هدومها و طلع بحر يقعد في الصاله يستناها هي و داليدا .. كان مبسوط جدا انو قدر يقنع موج و انها و اخيرا هتخرج من البيت .. و كان مبسوط اكتر بوجودها في حياتو .. و انهم قريبين من بعض و انو الوحيد الي بيقدر يقنعها او يأثر عليها بعد وفات مامتها .. فضل مستني حوالي ساعه الا ربع لحد ما خلصو البنتين و طلعو من الاوض .. الاتنين في صوت واحد
احنا جاهزين خلاص
وقف بحر و بصلهم .. ايوه داليدا شكلها كان حلو .. بس بالنسبه ل
