روايه رائعه جدا الفصول من الاول الي الخامس بقلم الكاتبة الجليله

الي جريت ورا لحد الباب عشان توقفو لكن ملحقتوش لانو نزل .. قفلت الباب و اخدت نفس عميق تجمع قوتها لانها مكنتش جاهزه ل كل ده ولا كانت عامله حسابو .. لفت و حاولت تبتسم .. بصت ل داليدا 
_ داليدا معلش ممكن تسبينا لوحدنا شويه 
حاضر يا حبيبتي .. تشرب حاجه يا عمو طيب ممكن اعملك لحد ما تتكلمو 
لا يا بنتي متشكر 
تمام عن اذنكم 
داليدا سحبت نفسها و دخلت الاوضه جوا .. و سابت موج مع باباها برا .. لما دخلت داليدا بصت موج ل باباها 
اتفضل حضرتك اقعد 
دخل الراجل قعد و قعدت قصادو موج و بصتلو بأهتمام 
خير ايه الي خلا حضرتك تفتكرني بعد السنين دي كلها كده و جابك لحد هنا 
انا عمري ما نسيتك يا بنتي .. و انتي دايما كنتي في بالي و بسأل عليكي امك و بتطمن عليكي و اي حاجه مامتك تقول انك محتجاها كنت بعملهالك علي طول
و ياترى ماما عمرها ما قالتلك اني كنت محتاجه حنان الاب و وجودو في حياتي .. ماما كانت بتقولك اني كنت برجع اعيط من المدرسه اقولها انا عايزه بابا زي ما صحابي عندهم بابا .. قالتلك اني لما كبرت شويه و عرفت اتكسرت .. اتكسرت علي الاب الي عايش مع عيالو و مراتو ولا هامو .. قالتلك اني كل مره كنت بتكسر اكتر لما يحصل موقف يحسسني ان ملناش راجل يسندنا و يكون جمبنا .. ماما قالتلك علي كل مره قلبي كان بيوجعني فيها و انا بقول للناس انك مټوفي عشان محدش يسألني عن سبب عدم وجودك في حياتنا .. قالتلك حسيت بأيه لما هي سابتني لوحدي في الدنيا دي و كنت محتاج حد جمبي يطمني و يقولي اني مش لوحدي و انت مكنتش موجود .. قالتلك ولا مقالتلكش كل ده .. عندك فكره عن الي انا عيشتو ولا معندكش 
دموعها نزلت و هي بتتكلم .. و حتي باباها دموعو نزلت من كلامها لانو كان عارف هي حاسه بأيه كويس اوي 
سامحيني يا بنتي سامحيني انا عارف اني غلطت كتير اوي .. بس صدقيني مكنتش مرتاح في بعدك عني و دايما كنتي بتشغلي بالي .. انا عارف اني سيبتك كتير و ده كان ڠصب عني .. بس انا جاي النهارده عشان اقولك خلاص مش هسيبك تاني .. هتيجي تعيشي معايا انا و اخواتك في بيتنا و مكانك الصح 
اجي معاك فين .. عايزني اجي اعيش في مكان انا معرفش حد فيه .. ده انت نفسك معرفش حاجه عنك غير ان اسمك بابا و بس 
هتعرفينا كلنا و هتحبينا .. و اخواتك طيبين اوي ده انا