روايه رائعه جدا الفصول من الاول الي الخامس بقلم الكاتبة الجليله

لما حكيتلهم عنك حبوكي و كانو عايزين يجو معايا عشان يشوفوكي و يقنعوكي بس انا منعتهم قولت اجي لوحدي اول مره احسن 
و مراتك ! 
مش هكدب عليكي و اقولك ان هي مبسوطه و وافقت علي طول .. لكن انا ميهمنيش انا مش هسيبك تاني .. و هي اكيد هتحبك انا عارف 
بس .. بس انا مش هقدر اسيب البيت هنا .. ده اخر حاجه فضلالي من ماما و ريحتها 
ما هو البيت ده موجود يا حبيبتي و محدش هيمنعك عنو اي وقت عايزه تيجي محدش هيقولك لا .. عشان خاطري يا بنتي اديني فرصه اعوضك عن الي فات .. فرصه واحده بس و لو مرتاحتيش و عايزه ترجعي بيتك محدش هيعارضك والله و هسيبك براحتك تعملي الي يريحك
سكتت موج شويه و حست انها تايه مش عارفه تقرر
مش هعرف اخد قرار سريع كده .. محتاجه وقت و محتاجه اني افكر 
الي يريحك يا بنتي .. هسيبك تفكري و تاخدي وقت زي ما انتي عايزه و هستنى ردك في اي وقت 
تمام
استأذنك انا بما اننا خلصنا كلام 
طب اقعد اشرب حاجه حضرتك مشربتش حاجه 
تسلمي هشرب بمناسبه فرحتي بموافقتك المره الجايه بأذن الله 
بأذن الله 
قام باباها نزل و قفل الباب .. معدهاش خمس دقايق و لاقيت الجرس بيرن .. افتكرت ان باباها نسي حاجه و رجع .. قامت فتحت الباب لاقيت بحر واقف قدامها و عيونو كلها عتاب .. نزلت عيونها للارض و وسعتلو يدخل من غير كلام .. دخل و قفلت الباب ورا و راحت قعدت من غير ما تتكلم .. جيه وقف قصادها و معرفش يسكت اكتر من كده 
انا عايز افهم بقاا ايه الي بيحصل ده 
بصتلو موج بتعب 
طب ممكن تقعد و تهدى عشان نعرف نتكلم و اشرحلك كل حاجه لان مش هينفع نتكلم و انت كده
نفخ بحر في الهوا و فضل رايح جاي شويه بيحاول يهدى .. و بعدها قعد جمبها علي الكنبه و بص للفراغ قدامو 
تمام هديت ممكن تتكلمي بقاا عشان انا قلبي بياكل في نفسو من جوا .. مين ده يا موج 
اتنهدت موج و اتكلمت 
بابا 
ازاي ! هو مش انتي قولتيلي ان باباكي مټوفي 
كنت بكدب يا بحر 
ليه يا موج تكدبي ليه و علي مين عليا انا 
احيانا الدنيا بتخليك تضطر تعمل حاجات ڠصب عنك لا انت حاببها ولا حابب تعملها او تقولها 
سكت بحر لانو فهم كلام موج 
طب فهميني كدبتي ليه و ايه الي حصل و الراجل ده كان عايز ايه 
اخدت نفس عميق و سكتت شويه كأنها بتدور علي قوه جواها تخليها تتكلم عن الي خبتو ل سنين و