روايه رائعه جدا الفصول من الاول الي الخامس بقلم الكاتبة الجليله

دي .. و انا اديتها حقنه هتريحها لحد الصبح و تنيمها .. و كتبتلك ادويه تجيبيها الصبح تمشي عليها اسبوع و بعد كده انتي هتلاحظي التحسن لوحدك
اتنهدت براحه و اطمنت 
ميرسي جدا يا دكتور بجد مش عارفه اشكرك ازاي و تعبتك معايا في وقت زي ده انا اسفه 
علي ايه بس ده واجبي و شغلي متشكرنيش ولا تتأسفي علي حاجه اهم حاجه انك اطمنتي عليها .. يلا انا هستأذن بقاا .. هتمشي معايا يا بحر ولا انت قاعد ولا ايه 
انتبهلو بحر بعد ما كان سرحان في البنت 
ايه !! لا طبعا هاجي معاك .. يلا بينا 
كانو لسه هيمشو .. وقفتهم البنت تسأل بأستغراب
هو انت اسمك بحر !! 
ايوه .. غريب مش كده 
لا مش غريب ولا حاجه انا مستغربه الصدفه بس
صدفه ايه ! اسمك بحر انتي كمان ولا ايه 
ضحكت و ردت عليه 
لا مسميش بحر .. اسمي موج .. ابقاا جزء من البحر
بص لعيونها الي لونهم بلون البحر الازرق الصافي و الي كان اول مره يشوف حد يشبو في لون عيونو بالطريقه دي 
انتي فعلا جزء منو 
في اللحظه دي ادخل أدم الي كان مش فاهم حاجه .. ازاي ميعرفوش اسامي بعض و هو في التليفون قالو انها قريبتو
يلا يا بحر عشان في حاجات مش فاهمها محتاج افهمها قبل ما اټجنن 
احنا هنمشي .. خلي بالك من نفسك و من مامتك .. و حاولي متنزليش في وقت متأخر زي ده تاني محدش عارف ممكن يحصلك ايه المره الجايه
حاضر .. و متشكره جدا بجد مش عارفه من غيرك و من غير دكتور أدم كنت هعمل ايه 
علي ايه احنا معملناش حاجه تستاهل كل ده عادي يعني .. يلا مع السلامه 
بااي 
نزل بحر و أدم من عند موج .. و اول ما ركبو العربيه اتكلم أدم و اطلق علي بحر كل اسألتو و استغرابو
مين دي و تعرفها منين و لما هي مش قريبتك امال تبقاا ايه و عرفتها ازاي اصلا و لما انت متعرفهاش اصلا جيبني في انصاص الليالي لحد بيتها ليييه 
اييييييييه يا أدم مسوره و انفرجت ما براحه في ايه .. سوق و انا هفهمك كل حاجه في الطريق
ايه ده اسوق ايه !! امال انت عريبتك فين
سبتها عند البيت .. انا اصلا كنت خارج اتمشى
ماشي
ساق أدم و بحر كان بيحكيلو كل حاجه لحد ما وصلو 
يا ابن الايه كل ده حصل 
ايوه 
لا بس بصراحه البت بطل و تستاهل المساعده 
بطل !! بقاا في دكتور محترم يقول بطل .. و بعدين احترم نفسك احنا عملنا الي علينا و الي كان المفروض نعملو و