روايه رائعه جدا الفصول من السادس ل العاشر بقلم الكاتبة الجليله

كنت في محاوله اني اتقبل وجودو وسطنا و اني مينفعش اتكلم عشان في الاول و الاخر ده ابويا و مينفعش ازعلو  ..  لكن هو يسيبنا و يرمينا سنين و يرجع وقت ما مزاجو يقولو عادي  ..  اختفيت من حياه كل الناس  ..  حتي انتي  ..  مكنتش قادر اواجه حد  ..  كنت محتاج اكون لوحدي عشان ابطل صراع بيني و بين نفسي و اعرف اتقبلو  ..  لما قولتيلي انك عانيتي في صغرك بسبب الحرمان من باباكي  .. كنت حاسس ب كل كلمه بتقوليها و فاهمها كويس اوي  ..  لاني انا كمان عانيت كتير زيك يا موج 
بصتلو موج بحزن علي حالو لانها عارفه احساسة كويس 
خبيت عليا ليه يا بحر 
زي ما انتي خبيتي يا موج  ..  فاكره لما حكتيلي حقيقه باباكي لما سألتك قولتيلي جمله انا عارف و حاسس بمعناها كويس  ..  قولتيلي  احيانا الدنيا بتخليك تضطر تعمل حاجات ڠصب عنك لا انت حاببها ولا حابب تعملها او تقوله اهو ده كان حالي بالظبط  .. كنت بخبي الحقيقه لان معنديش ليها اي سبب او مبرر حقيقي
موج حطت ايديها علي  ايد بحر و ابتسمت
مش مهم الحقايق و مش مهم الاسباب  كفايه انك معايا و اني معاك  ..  ميهمنيش اي حاجه في الدنيا دي غيرك انت و طول ما ايدك ماسكه في ايدي كده تولع الدنيا كلها
بصلها بحر بحب و تبت في ايديها
لو كان شافك كان اكيد هيحبك و يغير رائيو انا متأكد
هو مين ده انا مش فاهمه حاجه
بابا لما قولتلو اني عايز اتجوزك فرح جدا بالخبر و قالي كلم باباها نروحلهم و بتاع لكن اول ما قولتلو اسم باباكي و عيلتك ملامحو اتغيرت علي طول و رفض و قالي مستحيل اوافق تتجوزها 
خاڤت موج و بان علي وشها لدرجه ان مسكه ايديها بدأت تترخي  ..  حس بيها بحر فا مسك في ايديها اكتر
مټخافيش يا موج انا لو الدنيا كلها رفضت هتجوزك برضو انا بحبك و انتي بتحبيني و متأكد ان حياتي معاكي هتبقاا حلو و هكون مبسوط و ده يكفيني ميهمنيش اي حاجه تاني 
طب هو رافض ليه 
والله ما اعرف يا موج حاولت كتير افهم و اعرف سبب الرفض لكن هو مرضيش يقولي خالص 
و الحل هنعمل ايه
مش هنعمل حاجه هاجي اتقدملك و اتجوزك رفضو مش فارق معايا في حاجه  ..  هو عمرو ما كان موجود في حياتي و مش هسمحلو يضيعك من ايدي كده
بس ده باباك يا بحر
و انتي موجي و روحي عمري ما اقدر اتخلى عنك لو علي مۏتي انتي فاهمه 
مش عايزاك تخسر باباك بسببي يا حبيبي
عمري ما كسبتو عشان اخسرو دلوقتي فا مش فارقه انا مفيش حاجه تفرق عندي غيرك انتي 
سكتت موج شويه و بعدين بصتلو فجأه
طب قوم معايا بسرعه 
في ايه هنروح فين بس
هنروح ل بابا نحكيلو هو اكيد هيساعدنا 
يا بنتي اصبري بس
لا يلا قوم بس 
حاضر 
قام بحر مع موج و راحو عندها البيت  ..  لاقو سليم و حازم و احمد مش موجودين و باباها قاعد لوحدو
بابا القمر قاعد لوحدو ليه
مفيش يا حبيبتي اخواتك خرجو من شويه  ..  اقعدو يا ولاد
قعد بحر و موج 
بابا كنا جاينلك في موضوع كده انا و بحر
موضوع ايه يا بنتي خير
حكيتلو موج كل حاجه من اول سفر بابا بحر و هو صغير لحد رفضو ليها في الجواز 
طب هو رفض ليه يا بحر 
بصراحه يا عمي انا اول ما قولتلو انها بنت حضرتك و قولت اسم العيله ملامحو اتبدلت و رفض علي طول من غير حتي ما يقولي سبب الرفض
انتو قولتو انو سافر و انت صغير بسبب انو اټخانق مع شريكو و فض الشړاكه صح
ايوه يا بابا
اسمك الثلاثي ايه يا بحر 
بص موج و بحر لبعض مش فاهمين حاجه 
اسمي بحر سليم عبدالله يا عمي
اسم مامتك ايه يا موج 
فريده عبدالله يا بابا 
عبدالله المشترك بينكم ده يبقاا جدكم انتو الاتنين 
موج و بحر