روايه رائعه جدا الفصول من السادس ل العاشر بقلم الكاتبة الجليله

في صوت واحد    نعم  !!!!!  
ايه الي انت بتقولو ده يا بابا
انا مش فاهم حاجه يا عمي
اهدو هفهمكم  ..  الشريك الي كان مع باباك في الشركه كان انا  ..  انا و باباك كنا صحاب جدا يا بحر و من كتر حبي فيه و كان اقرب حد ليا سميت ابني الكبير علي اسمو  ..  عملنا شركه مع بعض و قولنا نكبرها مع بعض  ..  و لكن كانت بأسم عيلتنا المنياوي فا باباك مكنش معروف اوي  ..  مع الوقت فريده اتخرجت و طلبت تشتغل فا باباك قالها تدخل شريك او تاخد مركز كبير  ..  و لكن فريده رفضت و حبت تتعامل زي اي حد جاي يقدم مش علي انها اخت شريك  ..  في الوقت ده باباك كان عندو سكرتيره مش محتاج فا اتعينت سكرتيره لمكتبي  ..  و حصل الي حصل و حبيتها  ..  بعد ما الموضوع اتعرف باباك زعل جدا فا فض الشړاكه و اتخلى عن فريده و قالها اعتبريني مۏت او اعتبري اننا مكناش اخوات و متجيبيش سيرتي و سافر بس كده 
موج و بحر بصو لبعض پصدمه 
يعني انت ابن خالي  !  
و انتي بنت عمتي  !  
مثلث الحقيقه عندكم انتو الاتنين كان ناقص بالضلع الي قولتهولكم ده  ..  يعني انتو دلوقتي المثلث كمل و الحقيقه عندكم واضحه و كامله  ..  شوفو انتو عايزين تعملو اي و انا معاكم و هدعمكم في اي قرار تاخدو
بحر كان حاسس انو بيحلم  ..  اما موج كانت مش مستوعبه حاجه 
كل ما اقول اني وصلت ل نهايه الحقيقه اكتشف ان في حاجه انيل من الي قبلها هو انا ليه بيحصل معايا كده 
ده قدر و مكتوب يا بنتي و محدش يعرف الاسباب  ..  و ربنا لي حكمه انو يجمعكم في الحياه  ..  علي الاقل ممكن تبقو السبب الي يحل الخلاف بيني و بين سليم
يعني ده السبب الحقيقي الي خلا بابا يسبنا زمان
ايوه هو  ..  هسيبكم شويه تفكرو بهدوء اعمل كام تليفون كده بخصوص الشغل و ارجعلكم تاني تقولولي قراراتكم
سابهم خالد و مشي  ..  موج و بحر قاعدين مكانهم كل واحد في دماغو دنيتو و تفكيرو مش حاسس بالتاني اصلا  ..  فضلو ساكتين حوالي نص ساعه من غير كلام لحد ما موج قطعت الصمت ده 
هنعمل ايه يا بحر 
بصلها بحر بعد ما كان سرحان 
طلعتي جزء مني بجد يا موج مش احساس حب و مشاعر و بس  ..  طلعتي قريبتي بالمسمى و الډم قبل ما تكوني روحي و حبيبتي  ..  يوم عن يوم الرابط الي بيربطني بيكي بيقوى عن الاول  ..  تفتكري ممكن اتخلى عنك  ..  قولتلك قبل كده انتي ملكيش ذنب في الي حصل زمان  ..  و دلوقتي هقولك تاني  ..  لا انا ولا انتي لينا ذنب يبقاا منفكرش في حاجه ابدا و نكمل طريقنا سوا و نرمي كل ده ورا ضهرنا مهما كانت العواقب فاهمه
فاهمه يا حبيبي ربنا يخليك ليا بجد انت احسن حاجه حصلتلي في كل الي انا فيه ده
رجع باباها و قعد معاهم تاني
هااا يا ولاد قررتو هتعملو ايه 
ايوه يا عمي  ..  انت بحب موج و كل الي حضرتك قولتو ده مغيرش حاجه بالعكس خلاني اتمسك بيها اكتر و لسه عايز اتجوزها
و انتي يا موج
انا برضو يا بابا متمسك ب بحر و عايزاه
تمام يا ولاد يبقاا جوازكم و فرحكم هيتم حددو انتو بس الوقت الي عايزينو و ملكوش دعوه بأي حاجه تانيه 
قامت موج و حضنت باباها
ربنا يخليك لينا يا بابا 
حبيبت ابوكي و يخليكي ليا انا اعمل اي حاجه في الدنيا عشان تكوني مبسوطه  ..  انتو عانيتو كتير و انا مش هخليكم تعانو تاني بسبب حاجات احنا الي غلطنا فيها مش انتو 
طب استأذن انا بقاا يا عمي عشان اروح ابلغ ماما و ياسمين
ماشي يا بني 
هستناك تكلمني و تقولي عملت ايه 
حاضر 
مشي بحر و رجع بيتو عشان يحكي ل مامتو و اختو كل الي حصل