روايه رائعه جدا الفصول من السادس ل العاشر بقلم الكاتبة الجليله

دكتور أدم و كده 
اه بنتكلم علي طول و احيانا بنتقابل كمان 
محصلش اي تطورات بينكم مقالكيش حاجه كده او كده 
لا مقاليش .. بس ياريت يقول و نخلص 
اااا طب .. طب هو بحر كويس يعني بيجيب سيرتو و هو بيكلمك و كده 
والله يا موج مش عارفه لان بحر مختفي و مش بيكلم أدم حتي .. بس متقلقيش هيكون بخير بأذن الله 
كانت لسه هتتكلم موج لكن حازم كان رجع بالحاجات في اللحظه دي 
_ اتفضلو اديني جبت حاجه نشربها 
موج و داليدا في صوت واحد ميرسي 
قعد حازم مع موج و داليدا و قعدو يتكلمو و يحكو و يهزرو كتير لدرجه انهم محسوش بالوقت و هو بيعدي .. و بعد وقت طويل قرارو ان يروحو خلاص .. خارجو من النادي و عرض حازم انهم يوصلو داليدا في طريقهم و وافقت بعد محايله من موج .. راحو ناحيه العربيه و لسه بيفتح حازم العربيه سمعو صوت رصاص .. اتجمد هو و داليدا و موج مكانهم من الخضه و انهم مش عارفين الړصاصه الي سمعو صوتها دي راحت ناحيه مين و جايه منين .. لكن مفاتش دقيقه و كانت موج وقعت علي الارض .. جري عليها حازم بسرعه و داليدا واقفه مكانها من الصدمه مش فاهمه ايه الي بيحصل 
_ موووووووج ...... 
. 
البارت الثامن 
راحو ناحيه العربيه و لسه بيفتح حازم العربيه سمعو صوت رصاص .. اتجمد هو و داليدا و موج مكانهم من الخضه و انهم مش عارفين الړصاصه الي سمعو صوتها دي راحت ناحيه مين و جايه منين .. لكن مفاتش دقيقه و كانت موج وقعت علي الارض .. جري عليها حازم بسرعه و داليدا واقفه مكانها من الصدمه مش فاهمه ايه الي بيحصل 
_ موووووووج ......
في المستشفى و قدام اوضه العمليات بالتحديد .. موج بين الحياه و المۏت .. حازم رايح جاي قدام الاوضه مش عارف يهدى .. اما داليدا قاعده علي كرسي لحد دلوقتي مش مستوعبه ايه الي حصل و موج بتعمل ايه جوا .. الدقيقه بتعدي ساعه و الساعه بالنسبالهم سنه 
دخل خالد و سليم و احمد المستشفى و هما مش شايفين قدامهم و حتي مش عارفين وصلو المستشفى ازاي .. راح سليم يسأل عن الاستقبال و بلغو انها في اوضه العمليات .. اخد باباه و اخوو و طلع جري يشوف اختو .. وصلو عند اوضه العمليات لاقو داليدا قاعده و حاطه راسها بين ايديها .. اما حازم فا كان مديهم ضهرو و ساند علي الحيطه 
سليم حازم ايه الي حصل ! موج مالها حصلها ايه ! 
بصلهم حازم و عيونو مليانه دموع و خوف علي اختو .. جري علي سليم و اترمى في حضنو و قعد يعيط و سليم قعد يطبطب عليه 
حازم اختي اضربت پالنار و معرفتش احميها يا سليم .. انا السبب في ان يحصلها كده لو كنت سبتها في البيت و مخرجتهاش مكنش حصلها ده كلو .. توأمي جوا بين الحياه و المۏت و انا مش عارف اعمل حاجه يا سليم 
دموع سليم نزلت و احمد و خالد باباهم كمان .. صحيح موج مبقلهاش كتير معاهم الا كلهم حبوها جدا .. و ازاي ميحبوهاش و هي البنت الوحيده في بيتهم و خلت حياتهم كلها فرح و ضحك .. خالد مستحملش اكتر من كده و قعد علي الكرسي جمب داليدا 
خالد يعني ايه ! يعني بنتي هتروحي مني بعد ما رجعتها لحضني بعد كل السنين دي !! ده انا ما صدقت اعوضها عن الي فات يقوم يحصلها كده 
نزل احمد علي رجل باباه و حاول يواسي 
احمد متقولش كده يا بابا موج مش هيحصلها حاجه .. موج بتحبنا و مش هتقدر تسبنا كده .. انا متأكد انها هتبقاا كويسه و تطلع من الاوضه دي بخير .. احنا بس ندعيلها كتير 
خالد ياارب يا حبيبي يارب 
راح حازم قعد علي الارض و ضم رجلي عليه .. شافو سليم فا راح قعد و طبطب عليه 
سليم حازم لازم تهدى عشان تفهمني حصل ايه و مين عمل كده عشان نعرف