روايه رائعه جدا الفصول من السادس ل العاشر بقلم الكاتبة الجليله
و حقها ميضعش
سكت حازم و بص قدامو و اخد نفس
حازم مش عارف مين عمل كده ولا حصل ازاي كل الي فاكرو ...
فلاش باك
مووووج
جري حازم علي موج و قعد جمبها علي الارض
موج يا موج قومي يا حبيبتي مټخافيش يا موج قومي
موج كانت بتبصلو و عينيها بتغمض و مش بتتكلم .. بدأ يبص حواليه مش عارف يعمل ايه و مش عارف مين عمل كده و حصل ازاي .. اما داليدا وقفه بتبص علي موج دموعها بتنزل مش عارفه الي بيحصل مع صاحبتها
ايه يا حبيبتي قولي
بح بحر يا حازم .. ك كلمو بحر عايزه اش اشوفو
حاضر حاضر هعملك كل الي انتي عايزاه بس تماسكي هتبقي كويسه والله
قام بسرعه و شالها ډخلها العربيه و ركبت داليدا و حطت راسها علي رجلها و طار حازم بالعربيه علي المستشفى .. وصل عند المستشفى و نزل يزعق و ينادي
الحقووووني بسرررعه اختي مضړوبه بالړصاص بټموت
باك للواقع
حازم ده كل الي فاكرو
احمد قرب منهم و قعد جمب حازم من الناحيه التانيه
احمد يعني مشوفتش الي ضربها پالنار
حازم للاسف لا
قام سليم متنرفز و خبط ايدو في الحيطه
في اللحظه دي دخل بحر و أدم و هما بيجرو بسرعه
بحر في ايه حصل ايه موجي فين
قام احمد من جمب حازم و قرب من بحر و أدم
احمد اضربت پالنار و هي دلوقتي في العمليات جوا
بحر حس ان الدنيا بتلف بيه .. روحو بتتسحب منو .. او موجو بتروح منو .. حس بيه أدم و طبطب عليه
أدم داليدا كلمتني و عرفت و قلبت الدنيا عشان اوصل ل بحر و اقولو
بص أدم ل خالد
أدم الف سلامه عليها يا عمو هتقوم بخير بأذن الله متقلقش
خالد الله يسلمك يا بني
بص أدم ل داليدا الي كانت قاعده جمب خالد لا بتبص يمين ولا شمال و دموعها بتنزل في هدوء تام
أدم داليدا انتي كويسه !
داليدا هاااا .. أدم انت جيت
و فجأه من غير مقدمات قامت و اترمت في حضنو و قعدت ټعيط بحرقه
داليدا موج يا أدم شوفت الي حصل ل موج .. موج عايزه تسبني يا أدم .. احتا وعدنا بعض اننا هنفضل سوا هي ليه بتعمل كده .. قولها يا أدم تتحسن و تبقاا كويسه انا مش هعرف اكمل من غيرها .. قولها تبطل الهزار البايخه ده يا أدم .. طب هي عايزه تعرف غلاوتها عندنا صح .. قولها ان كلنا بنحبها والله و ان بحر رجع اهو .. قولها تقوم يا أدم بالله عليك خليها تقوم
أدم اهدي يا داليدا مينفعش الي بتعملي ده .. موج هتبقاا كويسه والله و هتخرج بخير بس الي انتي بتعملي ده مش هيفيد ب حاجه لازم تهدي و تدعيلها
حاولت داليدا تتماسك و تهدى و خرجت من حضڼ أدم و رجعت قعدت جمب خالد .. طبطب خالد علي ايديها
خالد متقلقيش موج بنتي قويه و انا عارف انها هتطلع بخير ادعيلها انتي بس
داليدا ياارب يا عمو
فضلو في الحال ده ساعتين و هما رايحين جايين و متوترين و خايفين و بيحاولو يطمنو بعض .. لكن لا حد كان بيخرج ولا حد كان بيطمنهم .. لحد ما و اخيرا بعد ساعتين خرج الدكتور من جوا .. اول ما شافوه كلهم جريو عليه
سليم هااا يا دكتور طمنا موج عامله ايه دلوقتي
بصلهم الدكتور و بدأ يتكلم
الدكتور والله الانسه كانت عمليتها صعبه جدا .. الړصاصه دخلت من الضهر و كانت قريبه جدا من الحبل الشوكي و اي غلط كان ممكن يؤدي الي شللها و لكن ربنا ستر و قدرنا نخرج الړصاصه من غير اي اخطاء .. و لكن حالتها لسه مستقرتش هنحطها في العنايه المركزه و مقدرش اقولكم اي
