روايه جميله مكتمله الفصول بقلم الكاتبة الجليله

قريب من بعد وكل واحد منهم بيقول أنه عاوزني يبقي اكيد هو اكيد هو 
بعد يومين من حوار اللايف وحياتي بلا شيء مهم وانا مطنشه حوار البيدچ ع الاخر ف قررت اطلع لايف ع غفله واهزر مع الفانز وكدا واي حد حابب يدخل اللايف معايا بډخله عادي جدا ....قعدت ساعتين مع الفانز ونتكلم ف مواضيع مختلفه لحد ما واحد من الفانز كتبلي كومنت وطلب مني نكمل حوار الخميس اللي فات حالا ....حب التملك
وفعلا بدأت اتكلم ع حب التملك وأنه ع قد ماهو حاجه حلوه ع قد ماهو بيكون سبب ف مشاكل كتيره بين الطرفين 
وبدأت استقبل ناس بيقولوا رأيهم لحد ما ظهرلي جريح الليل كنت خاېفه بس وافقت عليه عندي فضول اعرف هو مين واي حكايته معايا
اووه جريح الليل ظهرلي من تاني
ههه ضحكتيني والله يافريده 
لي هو انا قلت نكته 
لا بس ف الحقيقه محتوي اللايف بتاعك مضحك
اضايقت جدا دا كدا بيقلل مني ف رديت عليه ب غيظ لي هو انا كنت قلت نكته ولا حاجه
يااريت....ع الاقل مش كنتي هتباني سخيفه كدا قدامي 
احترم نفسك احسن 
انتي سخيفه عشان مقتنعه أن حب التملك دا مرض
وهي دي الحقيقه وف ناس كتير من جمهوري مقتنعه ب دا ياريت يااستاذ ياامحترم تحترم راي غيرك مش عشان معترضه ع كلامك ابقي سخيفه 
بكرا ياافيفي تبقي زي
اضايقت اوي منه وطلعته من اللايف وقررت اقفل اللايف وكفايه كدا 
صحيت تاني يوم ع صوت بابا....اخيرا جه من السفر
ازيك يافيفي رديت وانا مخنوقه من العياط بس مسكت نفسي 
كويسه.. وحضرتك
بخير ....ف حاجه عاوز اقولك عليها ...انا قررت اتجوز
انت كدا هتكون ف الجوازه العشرين!!
وفيها اي مش فاهم
افتكرت ماما اللي معرفهاش ولا عمري شفتها وبدأت اعيط ع فراق ابويا ليا لانه مقتنع اني سبب مۏتها
فيها كتير ....فيها أن سنك بقي معدي ٤٥ سنه وبتتجوز ناس قد بنتك ...
مبقااش فاضل غيرك انتي اللي تتكلمي .....اوعي اوعي ياافريده تنسي انا مين .....غوري من وشي بقي 
لي يااا بابا بتعاملني كدا ...لي پتكرهني كدا 
انا مش بكرهك يافريده
امااال....مشيلني ذنب مۏت مامي لي
بدأ يعيط ......
عشان حبتك اكتر مني....اختارتك ومش اختارتني .... وجودك كان بېهدد خطړ ع حياتها ويوم ولادتك اختارت انك انتي اللي لازم تعيشي .....كل ما بشوفك بفتكر قد اي هي خانتني لما ساابتني وماټت .. 
وانا مليش ذنب ....بتعمل فيا كدا لي ....هي اللي اختارت مش انا........والمۏت دا ب ايد ربنا حرام اللي بتعمله فيا دا .....ولو انت للدرجه مش قادر ع بعدها بتروح تتجوز لي
بدور عليها
نعم!!
ايوا....بدور عليها ف كل واحده بتجوزها .....بدور ع شهد حبيبتي ..... 
فجاه بطل عياط وهدي خالص
عشان مش اكرهك فعلا خليكي بعيده عني احسن ليكي
قلبي بيوجعني اووي ....مع أنه مكنش معايا.....بس احساس أن ابوك اللي انت جزء منه بيكرهك احساس وحش اووي وبياذي اوووي ....اللي ربتني هي خالتو واټوفت من خمس سنين ومن ساعتها وانا لوحدي .....ف الخمس سنين دي انا اكتشفت قد اي بابا كان بعيد عني .....!!
فضلت اعيط وجه ف بالي الظابط وجريح الليل ..... فضلت اعيط واقول انا محتاجه حد ...انا لوحدي .....من طبيعتي الوحشه اني لما بعيط بنعزل عن العالم ...يعني لو بيعط وجمبي حد بيتكلم مش بسمعه ولا ببقي فاكره ........بعد ما خلصت عيااطي وهديت كان عدي حوالي أربع ساعات.....يااه محستش بالوقت ..
فتحت فوني لقيت مسدچ من جريح الليل بقالها ساعتين ونص فتحتها وانا قلبي بيدق اوي من الخۏف والتوتر 
عاوز اشوفك......يمكن محتاجك اكتر ما انتي محتاجاني ....دموعك عندي بالدنيا 
رديت عليه وانا ايدي بتترعش دموعي!!! انت عرفت ازاي 
لقته رن عليا ماسنجر.....رديت وانا قلبي بيدق من كتر الخۏف منه 
فريده انزلي .... انا تحت بيتك 
ا ا انتتتت مم مممين
رد عليا ب نبره كلها هدووء وكأنه بيحاول يطمني
مټخافيش مني يافريده ...انا هنا عشانك انتي وبس ..انزلي يااحياتي انا مستنيكي تحت من زمان
نزلت وانا مړعوبه اووي ... ..لقيت واحد ب لبس الشرطه ومديني ضهره 
احم أحم
لو سمعت صوتك يافريده ھقتلك وهقتل ابوكي اللي زعلك دا وهقتل نفسي 
انا عاوزه ارجع بيتي وبدأت اعيط 
مردش نهائي وساابني بعيط وفضل سايق لمده كبيره اوي لحد