روايه فوق الخيال الفصول من الثامن الي الرابع عشر بقلم الكاتبة الجليله ايزيس بنت الصعيد

عارفة أدم ليه  مصاحب عاهات
مروان.....وانا مش عارف ازاي منير بيه مربي جاموسة ف البيت ماروهاش غير الاكل ...وسابها ومشي وهو هيتجنن خاېف تضيع منه
طبعا الحفلة كانت جميلة جدا وزي ما قال العندليب الاسمر مالقيت فرحان ف الدنيا زي اللي فرحان بنجاحه 

خلصت الحفلة والمعازيم مشيوا وادم طلع اوضته اللي ف فيلة باباه عشان ينام معزور بقاله اسبوع مش بينما غير ساعتين ف اليوم ..وطلب ماحدش يصحيه الا لما يصحي لوحده
عدي النهار وحبيبة وادم لسة في الفيلا ..اذن العشا وحبيبة وزهرة وكارما صلوا جماعة ...ومنير كمان صلي وقعدوا بعد كده يشربوا قهوة ويحكوا عن تفاصيل الحفلة ومنير كان مبسوط بفكرة الاناشيد الاسلاميه
في أوضة ادم
أدم صحي واخد شاور وطلع صلي وكلم مروان
أدم ....كله تمام 
مروان ...عيب عليك يا يسطا
أدم ...حبيبي يا ميرو ...يلا سلام يا قلبي 
مروان ....حب عمري كيمو كونو عسول وربي ...سلام يا حب الله يسهلك
نزل أدم عند أهله وفجأة يسحب حبيبة أيدها  من وسطهم وقال احنا اتأخرنا لازم نمشي سلام بقا يا جماعة وشدها وراه 
كلهم استغربوا هو ليه عمل كده
في عربية أدم
حبيبة ...أدم هو فيه ايه انت ليه عملت كده
أدم .....عادي يعني تعبان وعايز أنام
حبيبة ....مانت كنت نايم يا حبيبي
أدم ....يا ايه حبيبي الله ...أحلي حبيبي دي ولا ايه
حبيبة اتكسفت وبصت الناحية التانية
أما أدم فكان بيصلها وبيدندن ويطبل ع الدريكسيون مقواد العربية
زي الملايكة أما تشوفها ورداية تحلم تقطفها مايتحكيش عليها دنا لسة فاكر من يومها ساعة ماكنت بكلمها ضحكتها وعينيها مايتحكيش عليها 
حبيبة بصت له وضحكت ...والله انت ما طبيعي انهاردة

وصلوا الشقة واول ما دخلت حبيبة لقت الشقة متزينة ورد وشموع وبلالين واكل وتورتة عليها شمعة واحدة وهدية ع السفرة
انبهرت حبيبة ...وبصت لادم بحب...انت جهزت. دا كله
أدم ...موافقة تكملي حياتك معايا
حبيبة ....هزت رأسها بالموافقة ...قام برقة
أدم ...أنا سميتك ايه
حبيبة....حورية
أدم ...وجبتلك فستان حورية ونفسي اشوفك لابساه الفستان دا اللي شبه السمكة
حبيبة ....اخدت الفستان وراحت تلبسه وبعد شوية خرجت كأنها حورية طالعة من المية وشعرها مفرود علي ضهرها
كانت ف قمة الكسوف
أدم. وقالها انتي ...جعانة ...
حبيبة ...لا
أدم قام شايلها مرة واحدة وهي اتخضت وشهقت  وقالها ...احسن برضو
واخدها ودخلوا أوضة النوم ..أنا كنت هدخل عشان احكيلكوا اللي حصل بس الواد أدم قفل الباب ف وشي يلا نسبهم ربنا يهنيهم
عند هشام وكمال عمه
هشام. ....ماليش فيه انت قلتلي أنه بعد المناقصة هتخلي أدم يطلق حبيبة صح ....اتصرف
كمال......مانت شفت كل حاجة ..كل اللي خططناله انهد بسبب دماغ ابن الالفي وعبقريته ...مين كان يصدق أنه يقدر يغير التصاميم في اسبوع
هشام .....وحياتك يا عمي لهدمه تاني ورجعه لنقطة الصفر تاني...بس بشرط حبيبة تكون ليا أنا وبس انت فاهم
كمال....اسمع انا حاسس كده أنه أدم بدأ يتعلق بحبيبة ايه رأيك لو نسيبه يحبها وبعدين نحرمه منها ...احنا مش قادرين نواجهه في لعبته الهندسة خلينا نكسر قلبه
هشام ....عاجبتني دي دانت مخك دا سماوي اوي يا عمي
ضحكوا هما الاتنين بطريقة مستفزة 

عند أدم 
ليلة العمر عمرها مابتتنسي زي ما بيقولوا واخيرا أدم أعلن  ملكيته لحبيبة قلبا وقالبا
في الصبح بقا
حبيبة صحيت قبل أدم لقت نفسها بين ايد ادم عايزة تقوم من جمبه مش قادرة بدأت تسحب نفسها بهدوء واخير هتقوم
أدم همس .... صباح الفل يا وحش
حبيبة اڼصدمت .....اداااام 
أدم ....نعم يا قلب أدم من جووه...بس ابهرتيني وحش وحش
حبيبة ....والله هخصمك يا آدم ومش هكلمك تاني
أدم ....ضحك ....طب. خلاص قوم يا وحش حضريلي الفطار 
عشان ورايا مشوار مهم 
حبيبة ضړبته ف صدره بقبضة أيدها ....اهو انت اللي ستين وحش وسابته ومشيت
فطر أدم وحبيبة وادم نزل مشواره
في شركة العدلي 
وصل ادم مكتب كمال العدلي لقي هشام وكمال قاعدين
أدم .....متجمعين عند النبي إن شاء الله
كمال ....مبروك يا جوز بنتي انت اثبت جدارتك يا آدم
هشام ...ايه اللي جابك
أدم ...ببرود .....الله جي لبابا كمال واحشني
كمال ...احم .اتفضل يا آدم
دام ....أنا مش هطول عليك ....أنا جي اقولك يا عمي أنا مش زعلان لانك اخدت تصاميمي ونسبتها لنفسك 
بس حبيت الفت انتباهك أنه التصاميم كانت ناقصة حاجات كتير اوي ... ونفسي اعرف ازاي الباشمهندس هشام ماخدش باله من كده ...علي حد علمي باشمهندس هشام عقلية نادرة