روايه زين الفصول من السابع الي الثاني عشر

تروح رسل ع البيت وتروح تاخد اخوها من عند يارا وتلبس فستان زيتي بنص كم وبحزام من الوسط وتفرد شعرها وتحط ميك اب خفيف خالص وتبان بسيطه وجميله ويروحو علي بيت زين . يفضل زين واقف في البلكونه لغاية ما يشوفها ينزل جري يقابلها ويمشي معاها  
زين عامل ايه يا صحبي  
اسر الحمدلله ياعمو  
زين لا يا حبيبي قولي زين عادي  
اسر طب ادلعك .
زين ده يبقا فل اوي 
اسر يبقا الحمدلله يا زيزي  
تضحك رسل ع اخرها  
زين اسمي عمو زين يا اسر عمو زين يا حبيبي 
رسل زيزي 
زين اخوكي ده يا يعامل معامله ميري يا يهزق اللي قدامو  
رسل صح انت الصبح فضلت تكلمني ونستني خالص اللي كنت ناوية اقولهولك  
زين خير  
رسل بكره خطوبة اخويا والحقيقه انها هتفرق معايا اوي انك تبقا معايا  
زين لا هي طالما هتفرق معاكي ف انا ممكن اروح اظبطلكو القاعه من دلوقتي  
رسل والله انت وجودك جمبي بيفرق في كل حاجه مش هيبقا في خطوبة اخويا بس  
زين بجد !
رسل اه والله يا زين  
زين بتبسطيني انتي خلي بالك  
تبتسم رسل ويروحو تقابلها اسماء بالسلام مليان حب وتسلم علي جودي وتقعد تديها الحصه ويقعد زين قصادها ويفضل يتأملها كالعاده ومن غير زهق لحد متخلص  
رسل يلا عن اذنك بقا يا طنط  
زين ماما انا هطلع اوصل رسل 
اسماء ماشي يا حبيبي
وتطلع رسل وزين واسر  
رسل مبلاش طول الحصه تفضل قاعد متنحلي كده بتوتر ومبعرفش اشرح كويس  
زين مش بقدر بصراحه  
رسل زين اكيد هتيجي بكره ! 
زين والله جاي اكيد خلاص  
رسل خد كارتين اهو تيجي انت وطنط  
زين تحت امر سيادتك  
يروحو عشان رسل تركب  
رسل اظن اسر معايا بقا اهو هيقعد هو جمبي مش حد غريب  
زين تاخد بالك منها كويس يا اسر  
اسر حاضر يا عمو زيزي  
زين الله يفضحك يا شيخ انا ماشي  
رسل خلي بالك من نفسك  
زين خلي بالك انتي من نفسك  
رسل حاضر  
ويمشي زين وتروح رسل ع البيت 
رسل بكره يومك يا عم الحليوة  
غسان متتخيليش انا مبسوط ازاي  
رسل صح غسان بقولك 
غسان قولي 
رسل انا عازمه زميلي بكره ع الخطوبة هو يبقا اخو البنوته اللي بديها في البيت وف نفس الوقت زميلي ف المدرسه  
غسان ماشي يا حببتي  
رسل تبقو اصحاب بقا ده صاحب اسر  
غسان اخوكي ده ناصح بيصاحب اخو البت عشان يسهل الطريق معاها  
رسل تصدق مفكرتش في الموضوع ده قبل كده  
غسان ما احنا عشان رجاله زي بعض بنفكر زي بعض ايش فهمك انتي  
رسل ماشي يخويا  
غسان هتروحي الكوافير من بدري مع يارا صح 
رسل ايوا
غسان طب يلا قومي اتخمدي  
رسل اكيد هتكلمها اكيد منا بقيت كخه خلاص  
غسان وهو بيحدفها بالمخده غوري بقا  
تقوم رسل تنام وهي مبسوطه ومستنيه اليوم اللي بعدو بفارغ الصبر 
زين يا ماما البسي يلا هنتاخر 
اسماء ياحبيبي بلبس اهو مالك مستعجل علي ايه 
زين طب يلا ولبسي البت القزمة دي عشان متجيش ف الاخر وتفضحنا  
ويروح ناحية اوضتو يبص في المراية وهو لابس البنطلون الكحلي والقميص الابيض ومدخلو في البنطلون ولابس كوتش ابيض ومرجع شعرو لورا ولابس الساعه بتاعتو ويرش البرفان اللي بيحبو ويبان حلو اوي يخلصو لبس ويسوق بيهم زين العربيه ويروحو القاعه يشوف زين رسل من بعيد ويقف متنحلها وهي لابسه فستان احمر ضيق من فوق لغاية الوسط ونازل بوسع وكتافو نازلة لغاية اول ربع من دراعها وفارده شعرها ولابسه سلسله بسيطه ومع الميك اب يبان شكلها قمر يفضل واقف مكانو وقلبو بيدق جامد ويبتسم ابتسامه خفيفه 
زين ماما ادخلي انتي وجودي بس متخليش رسل تشوفك بالله عليكي  
اسماء حاضر يابن المجنونه اما نشوف اخرتها  
وتدخل اسماء وجودي ويقعدو بعيد يرن زين علي رسل وهو باصص عليها من بعيد تشوف هي الاسم ف تسيب كل اللي في ايديها وترد عليه ف يبتسم اكتر  
رسل ايه يا زين فينك 
زين ايه يا رسل انزلي الحقيني بسرعه انا شكلي توهت  
رسل الله يخربيت ايامك امال انا كنت بحفظك ايه امبارح  
زين جيت في معادي بس ولا اتاخرت  
رسل لا ياخويا هيرقصو Slow اهو  
زين طب يلا انزليلي عشان الحقهم
ينزل زين بسرعه قبل ما تشوفو ويقف في دخلة القاعه علي جمب تنزل هي جري وتيجي تخرج يجي من وراها يمسكها من دراعها ويشدها ناحيتو تتخض وتبتسم لما تشوفو وتبتسم اكتر لانها بتحب الحركة دي منو  
رسل ايه ده زين انت مش كنت تايه  
زين والنعمة انا ما توهت غير من ساعة ما عرفتك ايه ده !  
تتكسف وترجع شعرها ورا ودنها بكسوف وتبتسم  
رسل حلو الاحمر 
زين وحياتك لو فسكوز عليكي هيبقا زي القمر  
تضحك هي اكتر وتبان غمازتها ف يضحك ويسمع يلاقي الاغنية اللي بيحبها شغاله  
زين انتي قولتيلي بيعملو ايه فوق  
رسل بيرقصو Slow
زين تعرفي اني بمۏت في الاغنيه دي  
وينحني زين انحناء الملوك ويمدلها ايدو  
زين تعالي نرقص  
رسل وهي بتمسك في ايدو وربنا انت مچنون  
يرقصو رقصات الملوك علي اغنية نشيد العاشقين ويمسك ايديها ويلفها ويلف معاها فستانها ويفضلو يرقصو في دخلة القاعة وهما ميتين من الضحك علي اللي بيعملوه ويقربو من بعض في اخر حته يحس زين بصوت انفاسها وضربات قلبها اللي بتعلي وتوطي ف يبتسم ويقرب منها اوي  
زين عايزك تعرفي اني بجد بحبك اوي ومهما في الدنيا دي حصل مستحيل حد يفرق بينا ويسرح شوية صدقيني لو حد حاول مجرد محاولة ف انا ممكن اقتلو 
الحلقة 10
متاخدش بالها رسل من كلامو وتفرح وتبص في الارض تبتسم وتبان غمازتها وتبص في عنيه 
رسل شكلك حلو بالقميص  
زين مع انك بتغيري الموضوع بس ماشي ياستي  
رسل طنط وجودي فين 
زين فوق والله بس انا حبيت اعمل الحبشتكنات بتوعي  
رسل طب يلا بينا نطلع بقا  
تطلع رسل ويجي يطلع وراها يحس بحد بيمسك ايدو يلف يلاقيها حور يشد ايدو من ايديها بس تفضل ماسكه فيه  
حور ايه يا زين هو انت مش قايلها ان احنا مرتبطين ف الاساس ولا صح هي كل ده فاكره اني مرتبطه ب ادم  
يشد ايدو جامد ويسحبها وينزل تاني  
زين هو انتي مجنونه ولا دماغك فيها حاجه ! كام مره هقولك زيك زي اي واحده اتسليت بيها صدقتي نفسك ولا ايه مانتي عارفه اني بتسلي م الاول وانتي وافقتي عشان مصلحتك  
حور عندي استعداد اقولها علي كل حاجه وانك انت اللي مدبر لكل حاجه من ساعة ما مستر ثابت قالنا ان هي جاية المدرسه جديد وانها هتشترك معانا في المشروع وانو واثق انها اللي هتنقل المشروع في مكان تاني وهي اللي هتفوز بالمنحه وتكمل تعليمها بره ومن