روايه اروتي الفصول من الاول الي الثالث

بينه وبين الأخرى بعينين ضيقتين ترمقهما بشك.. وجهت سؤالها للفتاة التي تراها معه لأول مرة
بتعملي اية هنا
ثم نظرت له وهي تتهمه بنظراتها بجانب سؤالها 
ناوي تعمل اية
نظر يونس للفتاة وأمرها
اقعدي جوة عقبال ما اجيلك
اومأت برأسها وفعلت ما قاله بينما عاد لينظر ل اروى طالبا منها 
متقوليش ل أهلي
اتسعت مقلتيها بفزع وهي تهمس بريبة
لية هتعمل اية مع البنت دي
تقدم منها فجأة فتراجعت للخلف لتلتصق بالباب.. اسند كفه على الباب بجوار رأسها فأصبح قريب منها يعلم ان له تأثير عليها طلب بلطف بجانب نظرته الجذابة التي من الصعب مقاومتها 
ممكن متقولهمش لو انا غالي عندك!
حدقت بعينيه التي تشبهها بالفستق ارتفع كفها لصدرها ناحية قلبها الذي يطرق پجنون اومأت برأسها بخضوع وهي تائهة في جمال عينيه ورائحته الجذابة التي اخترقت انفها ابتسم وهمس وهو يداعب أرنبة انفها
شكرا 
ابتسمت بسذاجة وهي تتابعه يبتعد عنها قليلا فتحت باب الشقة لتذهب لشقتها المقابلة وتغلق بابها وهي مازالت تحت تأثيره.
توقفت في منتصف الرواق وهي ټضرب وجنتها بخفة ثم ترتفع إبتسامة شريرة خبيثة على شفتيها وهي تحدث نفسها
هقولهم برضه.. هقول لطنط 
اسرعت لتلتقط هاتفها التي تركته على الاريكة لتتصل بوالدته وبداخلها سعادة كبيرة.. ستنزع خطته القڈرة بكل سعادة.
قالت فور رد خديجة على اتصالها 
الو يا طنط خديجة عاملة اية
الحمدالله يا حبيبتي انا جيالك دلوقتي
بجد!
ايوة عملتلك انت ويونس شوية كنافة تاكلوا ايديكم وراها 
سيبيك من الكنافة دلوقتي يا طنط ابنك يونس جايب بنت في الشقة
ساد صمت للحظات.. فتسائلت اروى بحيرة 
طنط انت سمعاني
اتاها رد خديجة
انا تحت العمارة اهو.. 
ماشي هستناك على الباب
وخلال دقائق كانت خديجة تقف امام شقته تنتظر فتحه للباب.. وقد فعل.
دلفت للداخل بخطوات غاضبة وهي توبخه بينما أروى خلفها.
مش عيب تجيب بنت شقتك يا يونس وانت عايش لوحدك فيها احنا ربيناك على كدة!
سألها يونس بإستغراب
بنت اية يا ماما
هتفت أروى بإنفعال 
متستهبلش يا يونس انا شوفتها 
اخذت خديجة تبحث في الغرف.. فوضع يونس كفيه في جيوب بنطاله وهو يقول ببرود
دوري كويس مفيش حد
ثم نظر ل اروى وهو يقول بضيق مصطنع 
اروى اټجننت لدرجة انها بتتخيل حاجات محصلتش
رمقته اروى بغيظ بينما عادت خديجة لهم وهي تسأل اروى 
انت متأكدة من اللي قولتيه يا اروى!
ضمت اروى كفيها وقالت معتذرة.. فليس لديها دليل حتى تتغلب على هذا الذكي التي لا تعلم ماذا فعل بالفتاة وكيف اختفت.
شكلي كنت بتخيل فعلا اسفة 
تنهدت خديجة وقالت 
مش مشكلة انا همشي بقى 
طلبت منها اروى برجاء
اقعدي شوية معايا شوية صغيرة 
عمك إسماعيل مش بيحب يقعد لوحده وانت عارفة انا قولت اجيبلكم الكنافة بس
عاتبها يونس وهو يستند بجسده على الحائط
كنت اتصلتي بيا وانا عديت عليكم وجبتها بدل ما تعبتي نفسك كدة
اهو مشيت رجلي شوية 
التقط يونس مفاتيحه واتجه للباب فأعترضت خديجة
بتعمل اية هروح لوحدي خليك انت ارتاح عشان الشغل بكرة 
لم تقبل اي اعتراض.. فتحت خديجة باب الشقة وخرجت.. قالت ل اروى قبل ان تتجه للمصعد الكهربائي
متطوليش عند يونس يا اروى
هروح شقتي دلوقتي متقلقيش
أوصلها يونس للمصعد الكهربائي.. قالت له خديجة بحزم ونبرة منخفضة 
الحركة دي متتكررش حتى لو كانت نيتك اية.. شغل ولا قعدة عادية أهلها موافقين تيجي بيت شاب قاعد لوحده دي حاجة تخصها بس بعيد عنك.. سامعني!
اومأ برأسه بتهذيب كطفل وهو يتمتم
حاضر
دخلت المصعد بينما عاد هو لشقته حين رأته اروى يدلف للشقة همت للمغادرة لكنه اغلق باب الشقة قبل ان تصل له قال بكبت وهو يستدير لها 
ارتحتي!
رفعت رأسها بحدة وهي تقول برضا 
طبعا خربت عليك اللي كنت هتعمله ودة هدفي
مد ذراعه ليقبض على ذراعها ويجذبها له فتلتصق به وتصبح محاطة بذراعيه..
اية رأيك اكمل اللي كنت عايزه معاك!
ابتسمت بهدوء مع قولها المرحب.. انها وقحة وهذا شيء معتاد عليه منها
ياريت
دفعها سريعا بعيدا عنه حين صعد كفها لوجنته.. فكادت ان تسقط لكنها تمالكت نفسها لم تكترث.. قالت بخبث وقد لمعت حدقتيها بتحالم
اهي فرصة اخليك تتجوزني
رفع حاجبه وهو يستنكر 
اتجوزك انت!
ابتسمت بهدوء وهي تجزم له وتتوعد
يا سيدي مش هتتجوزني يبقى مش هتتجوز غيري.. مش هخليك تتهنى مع غيري
رفع زاوية فمه بهزء.. ابعد حدقتيه عنها وهو يحك جبينه بضجر اثناء قوله الجاف
طب يلا يا بنت الجوهري
ثم فتح باب الشقة ليدفعها للخارج ويصفق الباب بوجهها ابتسم بإنتصار.. فمن الجيد انه لم يصدقها وجعل الفتاة تغادر بحجة مرض والده قبل ان تلاحظ اروى.. رغم ان نيته لم تكن سيئة ابدا لكن يعرف جيدا تفكير الاخيرة ووالدته.
بينما ضړبت اروى الباب من الخارج بقدمها مما جعلها تتألم هتفت بتوعد وهي تعود لشقتها 
ماشي يا يونس ماااشي
توقفت بعد ان فتحت باب شقتها وعادت لشقته لتطرق على بابه وهي تقول 
طلعلي نصيبي من الكنافة يا حرامي عايز تاكلها لوحدك!
فتح الباب وأعطاها الطبق كامل ثم اغلقه مرة اخرى بوجهها.
اشرقت شمس يوم جديد
يلا اصحي يا شهد.. اصحي
فتحت شهد عينيها بتثاقل سألت والدتها بتعب وصوت ناعس
الساعة كام
سبعة انت نمتي متأخر امبارح ولا اية!
ايوة كنت بخلص شغل
أكملت وهي تنهض
المدير المفتري أداني شغل كتير اعمله.. رغم اني خدت نصه بس تعبت جدا
اتسعت مقلتي والدتها وهي تهتف بعدم تصديق
أستاذ إسماعيل
لا لا ابنه اللي ماسك الشغل
افتكرت انه هو اللي ماسكها.. يلا مش مشكلة واستحملي يا حبيبتي ما صدقنا لقيتي شغل.. دة انا مش عارفة اشكر أستاذ إسماعيل ازاي
هتفت شهد وهي تدلف للمرحاض 
بس تجيلي الفرصة هشكره 
في الشركة
قابلت شهد أروى امام مبنى الشركة.. ابتسمت لها الاخيرة ورحبت بها ثم أعطتها الملفات فشكرتها شهد 
شكرا جدا بجد تعبتك معايا
العفو يا حبيبتي روحي الحقي حطيهم في مكتبه قبل ما يوصل 
حاضر
ثم اسرعت شهد لتسبقها للأعلى.. بينما تابعتها اروى بنظراتها حتى اختفت من امامها لتبتسم بخبث كم هي ذكية! تشعر بالفخر بنفسها أكملت سيرها للداخل وهي تحدث نفسها 
وكدة اكون خلصت منها وبعدها هحايل عمو إسماعيل اني ابقى السكرتيرة بتاعته
صفقت دون ان تصدر صوت وهي تمدح نفسها 
ذكية يا اروى ذكية ماشاءالله عليك
توقفت للحظة حين مر يونس بجوارها وأصبح امامها تسارعت خطواتها لتلحق به وتصعد معه بنفس المصعد.
بادرت في الحديث.. 
راحت عليك الكنافة كانت تحفة 
لم يرد نظرت له فوجدته منشغل بهاتفه يراسل احدهم.. مدت يدها وسبحت الهاتف فجأة من يده لكن ما كادت ان تنظر للشاشة حتى وجدته قبض على رسغها ليرفعه ويلزقه بالجدار تسارعت انفاسها وهي تحدق بوجهه القريب منها.. بينما اخذ هاتفه منها ثم أنزل حدقتيه لتلتقي بخاصتها حذرها بصرامة 
اياك تعمليها تاني
وابتعد عنها وخلال ثواني كان قد فتح باب المصعد فغادر بينما وضعت اروى كفها على قلبها المچنون.. ثم خرجت من المصعد وهي تشعر بالحرارة.
خلصتي الشعل اللي اتدهولك
طرح يونس سؤاله على شهد اثناء تخطيها ردت الاخيرة
على مكتب حضرتك 
برم باب غرفة المكتب قال