رواية همسي الجزء الثالث
طول الوقت بيدور علي همس في كل مكان ومروان كمان لأن مروان ميعرفش ان همس موجودة عند عدي. رعد كل يوم حالتوا بتسوء عن اليوم اللي قبله. تقريبا مش بيروح الشركة اصلا وسايب كل الشغل لعدي وهو اما بيدور علي همس او قاعد بيفكر فيها واحساسه بالذنب كل يوم. كل ما يفتكر انه ظلمها وازاها. وفي يوم في شقة عدي الباب خبط. عدي فتح الباب واتفاجأ
سليم مبتسم. اه سليم مالك شوفت عفريت
عدي لا ابدا. بس مش عاويدك تجيني البيت. خير
سليم ده انت انسان بارد وقليل الزوق. طيب قولي ادخل الاول
عدي هههههه. معلش اثر المفاجاة. ادخل يا خويا
سليم دخل وقعد. وحط الحاجات اللي معاه علي الترابيزة
عدي والله ما لوش لوزم اللي انت جايبه ده. ورد وشيكولاتة. كتير والله
سليم مش ليك يا خفيف
سليم مبتسم بهيام. للقمر الغزال اللي خطڤ قلبي
عدي اتعصب وجز علي سنانه. ما تحترم نفسك وبتحزير. سليم انا حزرتك انك تنسي همس وتشيلها من دماغك. انت فاهم دي ست متجوزة ومتجوزة رعد صاحب عمري. وهي عندي امانة انت فاهم.
سليم بحزن. يا عدي والله ڠصب عني انا فعلا حبيتها. مش عارف اشيلها من دماغي افهم
سليم واهي بقالها شهر سايبه المستشفي. ومع ذالك كل يوم بفكر فيها مش عارف انساها. اعمل ايه بس هو الحب بإيدينا ما انت مجرب
عدي مسح وشه پغضب علشان يهدي. يا بني ادم افهم دي واحدة متجوزة. وبتحب جوزها وهو روحه فيها. واللي بينهم ده مجرد سوء تفاهم مشكلة بتحصل بين اي اتنين. وميسيرهم يرجعوا لبعض. انت ليه مش عايز تفهم كدة
وبرجاء. عدي ارجوك خليني اقابلها واتكلم معاها. هي ممكن تكون خاېفة منك علشان انت صاحب رعد وانا فهمت منك انها ملهاش حد غيركم. علشان كدة مش عايزة تقولك انها عايزة تسيب رعد يمكن تقولي انا ارجوك يا عدي
عدي اتنهد وقعد جنبه. انا بجد مش عارف انت ازاي حبيتها بسرعة كدة وبالشكل ده. بس انا عازرك رعد نفسه حبها من مرة واحدة شفها فيها.
سليم قام وقف عند الشباك وحط ايده في جيبه واتنهد. تعرف يا عدي انا اول لما اخدتها منك لما جبتها وهي مغمي عليها. اول لما شيلتها حسيت بقلبي بيدق بشكل غريب. حتي لما دخلت العمليات كنت غيران عليها ان اي حد من الممرضين يشوفها. خليت الممرضات ودكتورة نهي هما اللي يجهزوها ويشيلوا الهدوم اللي كانت لابساها. خرجت الممرضين كلهم برا. وانا بنفسي اللي كنت بشيل الډم اللي علي وشها كنت كل ما اخد قطن وأنضف الډم اللي مخبي ملامحها وملامحها تظهر ليا. قلبي يدق حسيت إن عايز أخدها في وأخبيها من الناس كلها تعرف اثناء العملية. همس قلبها وقف
عدي انت بتقول ايه وليه مقولتليش.
سليم فاكر لما خرجت وقولتلك ان لازم حد يمضي علي الاقرار. هو ساعتها. المشكلة وقتها نهي كانت خاېفة علي الجنين التاني هو كمان ېموت من نقص الاكسچين. انا كنت هتجنن كانت همي كله همس عايزها ترجع بسرعة كنت ماسك ايديها وضاغط عليها بقوة. وقتها قلبها رجع يدق. حاسيت ان قلبي ودقاته هي اللي رجعتها تاني. وقتها اخت نفسي. وفرحت. انا بجد حبيتها من اول ما عيني وقعت عليها يا عدي. وكنت فاكر انها مش ممكن تعيش مع رعد بعد اللي حصل. لكن يظهر اني كنت غلطان.
عدي انا حقيقي مش مصدق. معقول اللي بتقوله ده. هو في حد بيحب حد بالسرعة والشكل ده. سليم انت صاحبي وغالي عليا. بس رعد كمان صاحب عمري ولو بس شم خبر باللي بتقوله ده ممكن ولا يرمش حتي. ده بيعشق همس بيحبها پجنون
سليم بإنفعال. ولما هو بيحبها وبيعشقها ضربها ليه كان عايز ليه. انا حاسس انها مش اكتر من حاجة بيمتلكها زيها زي عربية ولا ڤيلا مش اكتر من كدة
عدي بعصبية. سليم حافظ علي كلامك. رعد مش من النوع ده ولا كان متجوز همس علشان مزاجه. هو فعلا بيحبها. بس الموقف اللي إتحط فيه. لو أعقل راجل في
