رواية زهرة الربيع كاملة
وكان كل حاجه في قمه الجمال
استمر الفرح لحد الفجر وابتدت الناس تروح والفرح خلص والعريس طلع على اوضتو
دياب قبل ما يدخل الاوضه ابوه نادالو وقال ..دياب...تعالى يا ولدي
دياب راحلو بضيق وقال..نعم يا ابوي
جمال قال..عايزك تشد حيلك وترفع راسي وتجبلي حفيد قوام قوام
دياب رما العبايه بتاعتو على الارض وقال پغضب انسى يا ابوي..انا طاوعتك وكتبت عليها غير كده لا..والف لا..مش انا الي اقبل بواحده زي الي جوه دي تمام
جمال ضحك وقال..ولا قبلين شوحيلنا حتتين لحم وسيبك منو ده ولدي وانا عارفه اخره كلام
عند دياب دخل وهو متعصب بس اټصدم بشده لما شاف دلال لابسه لبس نوم جميل جدا وشكلها كان يبهر بلع ريقه بالعافيه وقال في سره..يا نهار مش فايت
دلال رفعت حاجبها وقالت...ايه واقف كده ليه...هتبات عندك
دياب قال بتوهان..قوي ..على الاخر
دلال شهقت بردح وقال..ومش معترف بيه ليه ان شاء الله...المأذون يهودي...ده ايه النصيبه دي رجالة اخر زمن
دياب قال بسرعه..لا...انا مش مش قادر..انا مش عايز..يعني مش قابل بيكي انتي بزات..لا..مستحيل انسى..واكيد انا مش اول واحد يقربلك..وانا مرضاش على نفسي كده
دلال قالت كده وراحت نامت على السرير بحزن ودياب حس بندم على الي قالو بس حاول يقنع نفسو ان ده الصح وغير هدومه وراح ينام على السرير
دلال بصتلو وقالت..ايه هتنام هنا ليه...فيه اتنين مش متجوزين ينامو جمب بعض
دلال شاورت على الارض وقالت..انزل نام على الارض..انا منامش جمب واحد غريب
دياب قال پغضب وزعيق .ارض ايه الي عيزاني انام عليها انتي اتهبلتي في نفوخك
دلال قالت بزعيق..لا بقولك ايه..لو هنختبر احبالنا الصوتيه فانا بعرف ازعق حلو قوي...انزل نام على الارض بالستر احسن انادي لابوك واقولو الي حصل هنا وهو يقولك بقى تنام فين
دلال ابتسمت وقالت في نفسها..استني عليا يا دياب
في صباح يوم جديد كان الكل على الفطار ودلال نزلت وكانت لابسه بنطلون جيينز ضيق وتوب وجاكيت قصير وعامله شعرها كيرلي كانت قموره بس لبسها مش محترم خالص قعدت على الفطار وقالت...صباحو يا حلوين ايه ده سفره دي ولا مائدة الرحمن الواحد جعان من يومين
ناصر نزل راسو في الارض پخوف وروحيه لطمت على خدها پخوف وقالت..سيبك من ناصر داري معايا الكرسه دي الواد زمانو نازل ھيقتلها ويقتلنا
جمال سمع صوت باب اوضه دياب بيتفتح قلع عبايتو ولفها بيها بسرعه وقال...متقلعيهاش واصل سامعه يا بتي
دلال بصت لهم باستغراب وقالت..فيه ايه لكل ده هو انا عريانه
جمال قال اسمعي الي بقوله يا بتي علشان خاطري انا
دلال لسه هترد نزل دياب وقعد وقال...صباح الخير يا جماعه
جمال قال بارتباك..صباح الهنا..صباحيه مباركه..جهزنالكم الفطار بتاعكم..نزلتو ليه يا عرسان
دياب بص لدلال بضيق..وقال...اسأل بت اخوك صحيت ملقتهاش..و..بس قطع كلامو باستغراب وبقى يبصلها شمال ويمين وقال..انتو لفينها زي سجارة البفرة كده ليه
جمال اتوتر وناصر ضحك جامد بس امو قالت بسرعه ..بردانه...بردانه يا حبه عيني من ساعة ما نزلت وهيه بتترعش رعش ...انا هاخدها انيمها شويه وهاجي على اطول
دلال بصت للاكل وقالت بتزمر وهمس...انا جعانه طيب
روحيه قالت ...ماشي يا حببتي هنجبلك على اوضتك يلا بقى لتعيي
دلال وقفت معاها وهيه بتنفخ بغيظ ولسه هتمشي معاها ناصر مد رجلو وداس على العبايه بخبث وفي ثوني وقعت على الارض
