رواية ميادة الفصول من 22-28

الكبير اسكت يا حمزه سيبه هو هيبقى قد ثقتنا فيه ويقدر يتحمل المسؤلية
واتجه الي سلسلة مفاتيحه أخرج منها مفتاحين واتجه اليه
عاصي المفتاحين دول واحد منهم بتاع مكتبي والتاني بتاع الخزنه ورقماها تاريخ ميلاد بوده عارفه ولا اكتبه ليك في ورقه
ابتسم له عاصي الصغير وهتف لاء عارفه كويس ومتاخفش هاعمل كل اللي تقولي عليه
ربت علي كتفه وابتسم لأخيه واتجه به الي الطاوله الصغيره وجلسو هما الثلاثه
عاصي تمام يا معلم بص انت هتفتح الخزنه هاتلاقي الشيك قدامك هاتخده منها وتقفلها تاني بالمفتاح وتاخد الملف من السكرتاريا تحط فيه الشيك وتحطه في ظرف ابيض من الاظرف اللي في درج المكتب عندي وتقفله
وتسلمه ليها تاني عشان بكره تاخده هي توديه البنك
عاصي الصغير وليه هي توديه انا هوديه بنفسي بكره
حمزه ليه يا حبيبي انت مش هترجع لينا تاني النهارده
عاصي الصغير يعني انتو بتقولو شيك بالمبلغ ده وعايزيني اسيبه لحتة سيكرتيره
وبعدين انتو كلها يومين وترجعو مش طلبه بقى سواقه اربع ساعات رايح جاي
عاصي وهو مبتسم له تمام اوي يا حبيبي انت عليك في اليومين دول بقى تبقى بدالنا احنا الاثنين في الشركه تقعد في مكتبي وكأن انا موجود بالظبط
وانا هبقى معاك دقيقه بدقيقه علي التليفون
عاصي الصغير حاضر يا عمي عن اذنكو بقى هاطلع اجهز واجهز حاجاتي وانزل
كل هذا كان يحدث امام مرأها وهي تقف بين اختها وصديقتها
كانت تعلم انه يفعل هذا فقط ليهرب من عيناها التي تلومه في كل لحظه تقع عينه اسيره لها فيها ولكنها افاقت علي صوت والدها وهو يجذبها اليه
عاصي الجميل سرحان في ايه ومش معبر بابي اللي عمال يقوله وحشتني
ليا بهدوء حبيبي يا بابي وانت كمان وحشتني اوي
عاصي وهو ضامم حاجبيه اومال مالك انتي وشك دبلان كده ليه
ليا هاه مافيش حاجه انا بس لسه صاحيه من النوم واټخضيت لما لقيتكو بتزعقو
اخرجتها صديقتها من هذا الموقف وصاحت
كده بردو يا انكل حضرتك مأختدش بالك مني هو انا مش زي ليا وتيا ولا ايه
عاصي هههههه لاء اذاي يا حبيبة انكل دانتي زيهم واكتر بس
الهوانم بصراحه النهارده وخدين كل تفكيري و القلق اللي حصل ده نكد عليا
حمزه يلا الحمد لله انها جات علي قد كده عالله عاصي بس يعرف يعمل اللي قولتله عليه وميخذلناش
عاصي الكبير وهو ابنته وينظر لها ويبتسم انا متأكد انه مش هيخذلني
صعدو خلفه هم الاثنان ودلف عليه غرفته
زين فكره بأتنين مليون جنيه جاتلك علي صينيه من ذهب
عاصي اه يا اخي الحمدلله انا اصلا مش عارف ارفع راسي في وش حد فيهم
عدي بس لو ماعملتش اللي عمك قالك عليه ولا الشيك ضاع يا حلو ده هينفخك بجد
عاصي لاء ان شاء الله هاعمل كل اللي قالي عليه
عدي طب ايه رأيك اجي معاك
عاصي لاء ليه خليك معاهم مش هخاف يعني وانا لوحدي
زين عاصي انت حطيت نفسك في

امتحان كبير اوي ولازم تبقي قده ده اللي هيرجع ثقة الكل فيك تاني
عاصي انشاء الله يا زين هبقى اده
بقولك ايه يا عدي خد علبتين الهديا دول بتوع البنات انا كنت جايبهم معايا عشان يعني عيد ميلادهم وكده وركز الحمره بتاعت تيا والزرقا بتاعت ليا يا عدي ها ابوس ايدك ركز
عدي حاضر يا عاصي بس خلي بالك انت من نفسك
زين وهو يحتضنه احنا هنتابعك بالتليفون ومش هانسيبك وهنبعتلك كمان صور الحفله
عاصي ربنا يخليكو ليا يا أجدع اخوات في الدنيا
بقلميميادة مأمون
ترجلو علي الدرج هم الثلاثه وعدي يجر من خلفه حقيبته
ووقف هو امامهم حتي يلقي السلام عليهم
عاصي الصغير اشوف وشكم علي خير انا بقى
الجد توصل بالسلامه يا حبيبي خلي بالك من نفسك يا عاصي
عاصي وهو يقبل يده حاضر يا جدي ماتقلقش
روقيه بعد ان رق قلبها اليه تعالي يا حبيبي في حضڼي سوء علي مهلك ربنا يسلمك من كل شړ وتوصل بالسلامه
عاصي خلاص بقى يا تيتا متعيطش ربنا مايحرمني من دعواتك وقبلها في وجنتها
وقف امامها وهي تنظر له پغضب ماما مش هتسلمي عليا ولا ايه
غزل بكلمه واحده مع السلامه
تنهد بفارغ صبر واحني رأسه وهمس الله يسلمك يا ماما.
كاد ان يرحل من امامها الا انها جذبته من يده وتعلقت في عنقه
وهتفت والدموع ټغرق وجهها خلي بالك من نفسك وكل كويس ومتشيلش الغطا من عليك باليل وانت نايم
عاصي براحه حاضر يا حبيبتي ربنا يخليكي ليا وتركته اخيرا
الټفت ليبحث عنها ولكنه لم يجدها فعلم انها مازلت لم تصفح عنه
فاتجه الى معذبته وهي تقف وسط الفتايات وتشبثت بهم جيدا عندما رأته يتجه لها
عاصي بصوت خفيض سلام يا بنات
وهمس لها
ليا انا اسف حقك عليا
ثم تركهم وخرج من امامهم واتجهه الي سيارته ليهتف
والده خلي بالك من نفسك يا عاصي
ومتشيلش السماعة من ودنك احنا هنفضل معاك طول الطريق علي التليفون
عاصي حاضر يا بابا
عاصي الكبير اول ما توصل القاهرة تروح علي الشركة هما مش بيمشو قبل الساعه خمسة
تخلص اللي قولتلك عليه