رواية ميادة القصول من 21-29

هادي وطيب ومالوش صحاب غيرهم
تيا والله يا مامي عندك حق عدي فعلا اطيب واحد فيهم
هتفت روقيه وهي تتنهد براحه ابني ده ربنا يهديله نفسه واخد طبع ابوه كله ربنا يرزقه ببنت الحلال اللي تكون مطيعه ليه وتقدر تسعده
نغزت تيا بهدوء وهمست ازيك يا بنت الحلال
دانا اسكتي الله ېخرب بيتك 
ليا انتو بتقولو ايه
لتصيح غزل يا رب يا مامي ويهدي البنات الحلوين دول
ويرزق دانا بالعريس اللي يستهالها
دارين عريس ايه دلوقتي يا غزل مش لما تخلص الثانويه وبعدين الكليه
غمزه طب قولي تخلص ثانوي وبعد كده ممكن لما تدخل الكليه تفكر انتي ايه رأيك يا دانا
لو جالك عريس دلوقتي هاتوافقي ولا هاترفضي
دانا لاء طبعا يا انطي انا مش بفكر في الموضوع ده خالص دلوقتي علي الاقل قدامي سنتين تلاته
غزل بفرحه براڤو عليكي يا روحي دي احسن حاجه قولتيها
تيا يا سلام يا ست غزل ليه يعني مانا انكتب كتابي اهو وانا لسه في ثانويه عامه محدش
قالي كده ليه
غمزه يا حبيبتي انتي وضعك مختلف انتي لو كان بابكي رفض السنه دي كمان يمكن كان زين بعد الشړ جراله حاجه
دارين اه والله ده كان زي المچنون عشانك يا تيا ده بيحبك خالص
ليا طب يلا بقي نقوم ننام
دانا اه يلا بينا يا مامي
بقلمي ميادة مأمون
كان جالس معه في غرفته لحين ان ينتهو النساء من اجتماعهم الخاص والافراج عن فتاته الحبيبه وقد علم ما حدث بعد ان تركه وحيدا وذهب غاضب
زين والله يا بني ما كان قصدي اسيبك لوحدك انت مانبهتنيش ليه بس
عدي بزعل وهو انت كنت ادتني فرصه دانت قومت وزقتني كأني فيا مرض وخاېف تتعدي مني
زين هههههههههه طب وانت ماقولتلوش ليه الكلام اللي انت قولتهولي
عدي مقدرتش يا زين لساني زي ما يكون اتعقد وعاصي اخويا كمان بدل ما يقف جانبي قالي انه معاه حق واللي مايردهوش لبناته مايردهوش لبنات الناس
زين طب بص ملاكش دعوه بكلام اخواتك خالص وقوم تعالي انزل معايا
عدي هانروح فين
زين هنقعد مع ابويا ونتكلم معاه
عدي انهي اب فيهم
زين ولااا انت هتستغبي
ولا ايه
عدي يا زين مش هيوافق هاتقوله ايه ارفض الظابط اللي جاي لبنتك واقبل حتة الطالب الثانوي اللي لسه داخل كلية الطب
زين پغضب اولا الواد اللي انت بتقول عليه ده طلبه مرفوض من قبل ما يتقدم ده واد.......... وبتاع بنات وانا مش ممكن اقبل لأختي واحد زيه ابدا
ثانيا خليك قاعد ټعيط زي البنات كده تصدق اصلا انا غلطان اني افكر فيك انت كمان لاختي يلا سلام انا هاروح انام عشان عندي سفر بكره هوجع دماغي عشانك ليه
والټفت ليخرج من الغرفه لحقه الاخر وتمسك بيده
عدي لالا استني
انا جاي معاك
كانو يلعبون الطاوله ويضحكون علي خسارته واذا به يصيح
عاصي ههههههههه خسړت يا سيادة العميد يابني انت اصلا مالكش فيها
احمد پغضب بقولك ايه انت هاتستهبل مانت عمال من الصبح تقرص في الزهر وتغش وجاي تقولي خسړت
حمزه خلاص يا احمد متزعلش اوي كده ماكنوش ٣ ادوار خسرتهم
احمد انت بتستفزني انت كمان مانت عارف ان اخوك بيغش في اللعب صح ولا لاء
حمزه وقد فقد السيطره علي نفسه هههههههههههه
بصراحه اه هو طول عمره بيغش في الطاوله هههههههه
عاصي ههههههههه طب بقولك ايه اقعد متزعلش انا هاتغلب ليك الدور ده
احمد دمك خفيف اوي يا اخويا طب ايه رأيك انا هاقعد وانت هاتتغلب ڠصب عنك
ليضحكو جميعا علي كلامه واذا به يقف امام الطاوله ويغلق صندوقها
عاصي خير يا رب قفلتها ليه يا بني احنا لسه بنلعب
زين سيبكو بقي من اللعب ده عشان انا عايزكم في حاجه مهمه
احمد بالنسبه ليا مافيش اهم من اني اعوض خسارتي دلوقتي وهم ليفتح اللعبه مره ثانيه
وضع زين يده عليها بجديه وهتف لاء في اما تكون حاجه مرتبطه بمستقبل بنتك يبقي في
نظر احمد اليه بدهشه ومالها بنتي انشاء الله
والټفت عاصي للاخر پغضب
ليهتف زين بابا عدي كان كلمني في حاجه بخصوص دانا وكان عايز يكلمك في الموضوع ده
احمد وقد نظر الي عدي حاجة ايه دي يا عدي غريبه مانت كنت قاعد معايا ومتكلمتش ياعني
احني رأسه للأسفل وصمت ولكن اخيه قرر ان لا يضعفه اكثر من ذلك
حمزه بصراحه كده يا احمد هو اتكسف يفتح اي موضوع معاك لما انت قولتله ان بنتك جايلها عريس
احمد الله انا مش قولتلك متقولش لحد يا عدي
عدي انا اسف بس بصراحه كان لازم اقول عشان عشان وصمت مره اخري
احمد عشان ايه يابني ماتتكلم
وضع الاخر يده اسفل وجنته وتحدث بكل هدوء
عاصي عشان حس انها هاتضيع منه يا احمد
احمد لاء معلش مش فاهم يعني ايه هاتضيع منه دي
عدي وقد تجريء عندما رأي انهم يساندوه
بصراحه يا عمي انا بحب دانا وقولت الكلام ده لزين واتفقنا اني مش هاتكلم معاها في حاجه ولا هاتقدم ليها حتي الا لما تدخل الكليه
واكون انا عديت اول ٣ سنين في كليتي بس حضرتك فاجئتني بموضوع العريس