رواية ايمان الصياد

أكتر منى
مراد بصلها بتحدى وقالها بقسۏة ع فكره إنتى ال اشتغلتى علشان الفلوس مش أنا 
سلمى يادوب هترد كان مروان بيتفح وداخل الشقه اتفاجىء بمراد قدامه
مروان واحشتنى ي مستر ماقولتش ليه إنك جاى النهارده
رد مراد بمكر كنت عاوز اعملهالكو مفاجأه سكت وكمل وعيونه ع سلمى ايه رأيك ف المفاجأه بقى
مروان جميله طبعا وبعدها سأل فين ملك 
سلمى ف اوضيتها وكملت بما ان حضرتك رجعت وكمان والد ملك رجع فأنا كدا ماليش لزمه ومطره امشى
مروان بعدم فهم يعنى قصدك تمشى النهارده بدرى
سلمى مصححه لأ مش جايه تانى
مروان بص لمراد ال مانطقش بكلمه بس مد إيده بالفلوس وهى بصتله وبعدها دخلت لملك سلمت
عليها وخارجه لكن قبل ماتخرج سمعت الحوار ال كان بين الاخوات لاتنين
مروان أنا مش فاهم حاجه سلمى واحده جميله ومحترمه جدا وغير كل دا ملك متعلقه بيها جداا
مراد كل ال انت قلته مايهمنيش لآن انا بدور لبنتى ع الامان والثقه اخد نفس وكمل تقدر تقلى هاثق فيها ازاى بعد ال عاملته معايا
مروان باستغراب هو انتو تعرفو بعض 
مراد هى دى البنت ال قلتلك عليها وحكيتلك انى متأكد ان هى ال عملت كاوتش العربيه رغم انه كان شك لكن اول ماقبلتها النهارده إتأكدت
مروان بس دا موقف عادى ي مراد مش مطر إنك تاخد الموقف دا منها او تمنعها عن ملك
مراد بهدوء من خبرتى وتعاملى أحب أقولك إن البنت دى مش أهل للثقه أبدا ومش ممكن أأمين ع بينتى معاها 
مروان طيب ليه الموقف عدى وانتهى
مراد الموقف عدى علشان انا عديته وف الأساس ماكنش فيه موقف أصلا لكن حضرتها مابتعرفش تفكر لأنها لو فكرت ولو شويه صغيرين ماكنتش عملت ال عملته دا اصلها مش همجيه لمجرد انى خپطها بدون قصد تعمل رد الفعل الغريب دا
مروان بخضهلا مستحيل سلمى تعمل كدا
سلمى خرجت اول ما مراد خلص كلامه مسحت دموعها لان كل كلمه مراد قلها وجعتها جدااا
مروان ابتسملها لانه ماشفش منها حاجه وحشه وكمان ملك بتحبها لكن مراد... فعلا المشكله ف مراد
سلمى وجهت كلامها لمروان تسمحلى امشى وشكرا ع الاسبوع ال قضيتو مع ملك وكملت وعيونها ف الأرض بس كلامها موجه لمرادممكن اكون غلط ومش عيب انى اعترف بدا لكن انا مش الساحره الشريره علشان اعذب بنت عندها يادوب خمس سنين
مشيت بعد جملتها ورفضيت تاخد الفلوس وكمان رفضت السواق يوصلها زى كل يوم
ومروان ومراد كل واحد دخل اوضته وتفكيرهم مختلف تماما عن التانى........
قصص_وروايات_بقلم_ايمان_الصياد
ف الكليه ساره بتتعمد توصل دايما قبل مروان ومروان نفسه بيحاول ع قد مايقدر يكون موجود ف موعده بالضبط .....
لكنه قرر انه هايكون قبلها وهايجبرها تعتذر وقدام الكل ي إيما هايحرمها من دخولها للمحاضره ...
قبل موعد المحاضره كان مروان داخل من باب الكليه...
وف نفس اللحظه كان واقف معتصم وريهام وساره ...معتصم وريهام بصو لبعض وحسو إن ساره ومروان كأنهم داخلين سباق لأن ال بيحصل دا مش ممكن يكون بين دكتور وطالب أبدااا
ساره بتنهيده بصيت ف ساعه ايدها واتكلمت ياله ندخل المدرج
ريهام ربنا يستر
معتصم خلينا هنا بلاش نحضر النهارده
ساره براحتكو انا هاحضر سابتهم ومشيت وهما بصو لبعض ومشيو وراها
مروان ابتسم بإستفزاز أول ما شافهم وساره وكأنها والا شيفاه داخل ع جوه علطول ودا استفذ مروان جدااا
مروان ي آنسه ع ما أعتقد انى قلت محدش بيدخل بعدى وكمل اتفضلى بره
ساره ابتسمت وشاورت ع الساعه وكملت مش ذنبى ان حضرتك جاى بدرى المهم إنى انا اجى ف ميعادى
مروان اټصدم من جرأتها وكمان حس انها بتقلل منه قدام الطلبه لكنه فضل الهدوء وهو عارف انه مش هايعدى الموقف بسهوله أبدااا
ف بيت مها والدت سلمى لاتنين واقفين قصاد بعض
مها مش هو دا الشغل ال كنتى هاتموتى عليه اشمعنا سبتيه ف الوقت دا حصل ايه
سلمى بنفاذ صبر أنا مش عارفه حضرتك عاوزه ايه وايه اعتراضك دلوقتى مش انتى كنتى عوزانى اسيب الشغلانه دى أهو أدينى سبتها مالك بقا زعلانه ليه انتى
مها أنا مش زعلانه وايوه ماكنتش عوزاكى تشتغلى الشغلانه دى لكن تيجى

كدا بعد اسبوع وتقوليلى مش هاروح تانى لأ بقا كدا يبقى فيه حاجهوحاجه كبيره كمان ولازم أعرفها
سلمى وقفت ودخلت اوضتها ورفضت الكلام وماحكتش ال حصل لوالدتها...
تانى يوم جهزت نفسها عادى جدا ونزلت ع المدرسه لكن للأسف قدرها لازم تشوفه ودا اجبارى عليها مش إختيارى ..
جمال بإبتسامه صباح الخير ي أبله الناظره
سلمى موضحه ادعيلى ي جمال ابقى الناظره بسرعه علشان انا تعبت ف الكام يوم ال روحت فيهم المدرسه دول
جمال والله مش عارف إنتى تاعبه نفسك ليه بس وف ايدك انك ترتاحى وتبقى ست الهوانم كلهم
سلمى طيب اعمل ايه انا بقا علشان ابقى ست الهوانم ...
جمال جه يقاطعه شوراتله سلمى بإيدها وكملت هى عاوزه ابقى ست الهوانم من غير ماتجوزك 
جمال پغضبانا كنت عارف وحاسس إنك بتتريقى عليا ومش عاجبك كلامى آخر كلام موافقه تتجوزينى والا لأه
سلمى بضحك هستيرى صدقنى ي جمال انا دعيت انى اشوفك النهارده قبل ماروح المدرسه علشان بصراحه عاوزه أطلع من
الحاله الي انا فيها دى والحمد الله ربنا استجاب بغض النظر ان كان ممكن ادعى اى داعوه تانيه وتتحقق يعنى لكن انت عارف الحظ له ناسه يعنى المهم بقى انك فعلا خرجتنى من حاله الحزن ال كنت فيها ..سلمى سابته بعد كلامها دا وماشيه لكن جمال قالها بصوت عالى نسبيا هاتجوزك سواء بالرضى او بالڠصب ي أبله الناظره واخر جمله دى قلها بتريقه
سلمى وصليت المدرسه لكن شعور جواها كان بيتمنى انه يشوف مرادليه ف الحقيقه مش عارفه لكن فالمرتين ال اتقابلو فيهم حاسيت بحاجه غريبه اتجاهه يعنى مثلا غامض ف معاملته رغم انها ماتعاملتش معاه أصلا لكنها حساه كدا وعلى رأى مامتها بيبان ع الملامح !!
سلمى اول مادخلت من باب المدرسه لقت إلى ماسك ف ايدها بصت وابتسمت اول ماشافت ملك رفعتها لمستواها وقعدت فيها وكأنها ماشفتهاش من سنه فاتيت
مراد كان واقف متغاظ من بنته ال من الواضح انه هيعانى معاها فعلا زى مروان ماقله لأنها متعلقه بسلمى جداا
ملك لسلمى وحشتينى آووى ي مس سلمى
سلمى ضمتها وانتى كمان واحشتينى
مراد بعصبيه راح ع ملك وأخدها من إيدها ويادوب هايمشى كانت مس تانيه زميله ليه موقفها
مس رشا حمدالله ع السلامه ي مستر مراد المدرسه كانت مضلمه من غيرك
سلمى اول ماسمعت مستر مراد وقفت مسهمه ومش مستوعبه حاجه وكل ال جيه ف بالها ان مراد مدرس كمان ف نفس مدرستها يعنى هاتشوفه كل يوم وف نفسها قالت أنا قلت انه غامض والله
مراد بضيق رد ع رشا ال عارف تلميحاتها كويس الله يسلمك ي مس رشا وكمل بعد إذنك
يادوب هايمشى بملك كانت ملك سايبه إيده ورايحه لسلمى...
مراد بحزم تعالى هنا
ملك بحزن سابت ايد سلمى وراحتله
مراد بهدوء مصطنع روحى لأصحابك ياله وانا هتكلم مع مس سلمى شويه
ملك هزت راسها ومشيت
لكن سلمى اتوترت جداا اول ماسمعت كلام مراد لملك...وعملت نفسها والا سمعت شىء ويادوب ماشيه لقته وقف قصادها وبدون مقدمات قالها
مراد بكل هدوءلو سمحتى ياريت تبعدى عن بنتى حاولى ع قد ماتقدرى إن مايكونش ف احتكاك بينكو أبداا وكمان ياريت تنسى الإسبوع ال قضتيه معاها واعتبريه كان حلم وفوقتى منه وخلاص 
سلمى كلامه ليها وبطريقته دى جرحتها وحست إنه أهانها بما فيه الكفايه فقررت إنها ترد وخلاص هاتتكلم لقت نفسها ف بدون مقدمات وصرخه عاليا منها
سلمى بصړيخ ااااه
مراد بفزع بص حواليه لقا مستر على جاى بيجرى وهو بيعتذر
علىأسف أسف جدا
مراد دا غباء حضرتك
مستر على كرر اعتذاره تانى كل دا وسلمى ايد ع ظهرها والايد التانيه ع كتف مراد مع كل الألم إلى كانت عايشه فيه إلا إن ريحه البرفيوم بتاعه مراد كانت بمثابه البنج بالنسبه لسلمى !!
مراد كمان اخد باله بإستكانتها دى وحس بشعور غريب يعنى ايه من لحظه كان متعصب منها واللحظه التانيه يكون مش عاوزها تبعد!نفض الفكره من عقله بسرعه وبعد خطوه عنها
على اتقدم ويادوب هايسندها كان مراد واقف بينهم هى كويسه ياريت حضرتك تتفضل
على مشى وكأن شىء لم يكن
وسلمى يادوب هتمشى كان مراد قايلها تيجى وراه 
سلمى بعدم تفكير مشيت فعلا وراه..مراد فتحلها باب العربيه وهو بيقولها إركبى ...
سلمى ركبت فعلا وفضلت ساكته تماما ومراد كمان مانطقش..بعد وقت كانو لاتنين قدام باب المستشفى
مراد انزلى
سلمى نزلت وخطواتها كانت بطيئه لآن فعلا الكوره خبطيتها جامد ف ظهرها
مراد داخل والكل بيديله تعظيم سلام ودا خلى سلمى تستغرب جداا ف البدايه لكن بعد كدا الأمر وضح قدامها وعرفت أن المستشفى دى تبع مروان أخوه.....
مروان بإبتسامه يعنى لو ماشوفتكيش باليل أشوفك بالنهار ط والله حاجه حلوه جداا
مراد وإحنا ف المدرسه الكوره خابطيتها ف ظهرها جامد ياريت تشوف دكتوره تكشف عليها..
مروان بخبث طيب ماينفعش دكتور
مراد بص لسلمى وهو بيقول دى حاجه ترجعلها
سلمى ياريت دكتوره وبسرعة لأنى فعلا تعبانه بجد
جات دكتوره فعلا وطمنتهم انها يادوب كدمات ولازم راحه كام يوم وهتبقى كويسه
بعد وقت خرجو ومراد طلع ع بيتها علطول ودا كمان خلى سلمى تستغرب جدااا
وقبل ماتنزل سألته
سلمى انت عرفت بيتى اذاى
مراد بجديه مش معقول هادخل واحده بيتى من غير ماعرف عنها كل حاجه
سلمى أخدت بالها وسألت بتردد انت كنت عارف ان انا من أول يوم اشتغلت فيه 
مراد لاء بس عرفت بعدها بكام يوم
سلمى نزلت من غير أى اعتذار لان من الواضح أن من موقف واحد مراد بنى عليها شخصيتها وللاسف كرامتها وكبرياءها منعوها من الأسف مره تانيه
ف بيت سلمى
مها بخضه ف ايه مالك مش قادره تصلبى طولك كدا ليه وراجعه بدرى كدا ليه يابنتى انطقى قلبى هايقف من الخضه
سلمى هو حضرتك مديانى فرصه إنى اتكلم او اشرح حاجه
مها طيب سكت اهو احكى بقا
سلمى حكت لمامتها كل الي حصل باستثناء الحوار الي دار بينها وبين مراد
مها پخوف طيب تعالى ارتاحى وبعدين هو مش فيه أطفال ف الوقت
دا المفروض مافيش لعب كوره ف حوش المدرسه بالطريقه دى حفاظا ع الاولاد
سلمى ال حصل بقا ي ماما الحمد الله انها جات ع قد كدا
مها الحمد الله ي حبيبتى تعالى ارتاحى ياله سكتت وكملت انتى عاملتى أجازه والا لأه
بعد سؤال مها سلمى افتكرت مراد بعد خروجهم من المستشفى وطلب أجازه بسبب ال حصل
وردت ع مامتها عملت أجازه ي ماما
ساره ف المستشفى وف حاله داخله ومطلوب دكتور بسرعه
ساره مع الحاله ومروان من بعيد مراقب الموقف ومنتظر تصرفها لان اول حاجه ف الحاله دى هو إبره مسكنه
وساره