رواية مراد الفصل 10

وذهب غير عابئا بكلماتها الحانقة التى كانت تلقيها من خلفه أعتراضا على تحكمه وتعنته .
وفى الأسفل كانت سميرة تنتظر على أحر من الجمر أى أصوات قد تصدر من الأعلى لتؤكد لها نجاح خطتها فى التوقيع بينهم ولكن مراد قام بتخيب ظنها عندما هبط إلى الأسفل بهدوء تام وكأن شيئا لم يكن وما جعل نيران الحقد تزداد بداخلها هو توقفه عندما شعر بخطوات أسيا خلفه وأنتظر حتى وصلت بخطواتها إليه وقام بأحتضان كفها وسط نظرات أسيا الغير مستوعبة ثم توجهه بها إلى غرفة الطعام لتناول وجبه العشاء المعتادة مع أفراد العائله .
وبعد أنتهاء موعد العشاء وكعادتهم اليومية بعد أنسحاب مراد وكرم والجد إلى غرفة المكتب جلست أسيا فى مقابلة ليلى داخل غرفتها ثم سألتها الأخيرة مستفسرة بفضول شديد 
أيه اللى حصل من شويه ده فهمينى !.. كنتوا داخلين زى الڼار وبعدها نزلتوا ولا كان حاجه حصلت !!..
زفرت أسيا بحيرة ثم قالت بحزن بعدما قصت عليها ما حدث داخل سوق المدينه حتى جدالها مع مراد 
أزاى يدافع عنها قدامى مع أن أساسا هى السبب !!..
رمقتها ليلى بعدة نظرات مستنكرة ثم قالت بتعجب 
لا ثوانى !! .. أنتى سيبتى كل اللى حصل وزعلانه ان مراد دافع عن مريم ..
أجابتها أسيا بأندفاع 
اه طبعا زعلانه ومتغاظه كمان .. مش من حقه يدافع عن أى واحدة قدامى حتى لو كان جوازنا ورق بس ..
عضت على شفتيها بندم فقد تسرعت فى الحديث وأخراج ما يدور يخلدها دون وزن الأمور لوت ليلى فمها بنصف إبتسامة ثم قالت بسخرية 
هو الحلو غيران ولا أيه !!..
أجابتها أسيا بنبرة مرتبكة 
لا طبعا هغير ليه !! هو حر يعمل اللى هو عايزه بس يحترم كرامتى وصورتى قدام الناس وميدافعش عنها ..
نظرت إليها ليلى بنصف عين ثم قالت ببطء مفكرة 
وهى فين الناس دى !! مش بتقولى أنتى وهو بس .. يعنى عادى ..
قالت أسيا بأرتباك واضح محاولة تغيير مجرى الحديث 
يوووه !! أنتى وقفالى على الوحدة النهاردة ليه كده !! .. بعدين قوليلى رديتى على عزت ولا لسه !..
ضغطت ليلى فوق شفتيها بتوجس ثم قالت دفعه واحدة 
لا رديت على جدو بموافقتى وعزت هيجى البيت كمان ٣ ايام ..
شهقت أسيا پصدمة وهى تضع كفها فوق فمها وعينيها أتسعت على أخرها غير مستوعبة ما قالته ليلى للتو هزت ليلى رأسها مؤكدة بينما بدءت الدموع تلمع بداخل مقلتيها هزت أسيا رأسها بأسف قبل أن تقول مستنكرة 
أنتى عملتى أيه فى نفسك !!! ليلى انتى مدركة الخطوة اللى أنتى أخدتيها دى !! أزاى توافقى على حد وأنتى بتحبى حد تانى !..
تنهدت ليلى بأس ثم أجابتها بنبرة منكسرة 
مفيش قدامى حل تانى .. أنا تعبت وقررت ابدء حياة جديده يمكن أعرف أنساه .. وعزت شخص كويس ..
حركت أسيا رأسها رافضه ثم عادت تسألها مستفسرة 
مادام أخدتى قرارك ومتأكده منه .. ليه هتستنى كام يوم ..
زفرت ليلى بضيق ثم أجابتها قائله بۏجع
عشان مش هقدر أعمل كده وهو موجود .. هستنى يسافر .. أنا عارفة أنى جبانه وضعيفه ولو شفتوا قدامى هضعف زيادة ويمكن أتراجع .. عشان كده أحسن حل نتخطب وهو مش هنا ..
لا يا ليلى أنتى غلط وتفكيرك كله غلط
وبتحلى الغلط بغلط أكبر منه !!.. على الأقل كنتى صارحتى كرم بمشاعرك قبل ما ترتبطى بغيره !! ..
هذا ما هتفت به أسيا معترضة على قرار صديقتها شردت ليلى فى الماضى عند سماعها أقتراح أسيا وبالتحديد فى اليوم التالى